Yohane 6:27 - ŊMALƐ KRƆŊKRƆŊ LƐ

²⁷ Nyɛkatsua ŋmaa ni fiteɔ lɛ he nii, shi moŋ nyɛtsua ŋmaa ni hiɔ shi kɛyaa naanɔ wala mli ni Gbɔmɔ Bi lɛ aaahã nyɛ lɛ he nii, ejaakɛ lɛ enaa Tsɛ Nyɔŋmɔ lɛ esɔo.”

Ṅmãle̱ Kroṅkroṅ Le̱

²⁷ Nyekatšua ṅmā̃ ní fite̱o̱ le̱ he nii, ši moṅ ṅmā̃ ní hĩo̱ ši *ke̱-yaä nāno̱ wala mli ní gbomobi le̱ aahãnye le̱ he nii, edšake̱ le̱ †enā Tše Nyoṅmo̱ le̱ eso̱o. *4,14. †5,36.

Yohane 6:27 ပူးပေါင်းရင်းမြစ်များ

Lalai 2:7

“Mashiɛ akpɔ ni Yehowa ewo mi lɛ,” Ekɛɛ, “Mibi ji bo, ŋmɛnɛ gbi nɛɛ mifɔ bo.

Lalai 40:7

Kɛkɛ ni mikɛɛ akɛ, “Naa mi; miba; mi ni aŋma mihe sane yɛ wolo kpo lɛ mli lɛ.

Abe̱i 9:5

“Ba ni obaye miniyenii lɛ eko ni obanu wain ni mifutu lɛ eko.

Jajelɔ 6:7

Gbɔmɔ tɔlɛ kɛ deŋme fɛɛ lɛ, emusu kɛkɛ hewɔ; kɛ̃lɛ gbɔmɔ leee mitɔ.

Yesaia 42:1

Yehowa kɛɛ akɛ, “Naa mitsulɔ, mɔ ni mihiɛ emli, mɔ ni miŋɔ lɛ, ni minaa ehe tsuijurɔ lɛ. Mihã eyi obɔ̃ kɛ mimumɔ lɛ, Ebaahã majimaji lɛ ale nɔ ni ji jalɛ saneyeli.

Yesaia 55:2

Mɛɛba nyɛkɔɔ shika nyɛkɛheɔ nɔ ni jeee ŋmãa? Ni nyɛkɛ nyɛnitsumɔŋ nyɔmɔwoo heɔ nɔ ni hãaa mɔ atɔ? Nyɛboa mi toi jogbaŋŋ, ni nyɛfea nɔ ni makɛɛ nyɛ lɛ, ni nyɛaaye niyenii kpakpa fe fɛɛ, ni nyɛmii aaashɛ.

Yeremia 15:16

Ao! Yehowa, Taiatsɛ, be ni minu owiemɔi lɛ mimɔ mli, ni ehã mina miishɛɛ, ni mimli fili mi, ejaakɛ akɛ ogbɛi ewo mi.

Habakuk 2:13

Naa, aso jeee Yehowa, Taiatsɛ lɛ, dɛŋ sane nɛ, akɛ gbɔmɔ atsu nii, ni là abakpãtã hiɛ lo, ni majimaji lɛ agbo deŋme yaka lo?

Mateo 17:5

Be ni ewieɔ lolo lɛ, naa, atatu halaŋŋ ko bakete amɛnɔ, ni gbee ko jɛ atatu lɛ mli kɛɛ, “Mɔ nɛ ji misuɔmɔ Bi ni minaa ehe tsui lɛ; nyɛboa lɛ toi!”

Mateo 25:46

Ni mɛnɛɛmɛi lɛ, amɛaatee naanɔ hejaramɔ mli; shi jalɔi lɛ aaatee naanɔ wala mli.”

Mateo 3:17

Ni naa, gbee ko jɛ ŋwɛi kɛɛ, “Mɔ nɛ ji misuɔmɔ Bi ni mina ehe tsui lɛ.”

Mateo 6:19

“Nyɛkabɔa jwetri nyɛhãa nyɛhe yɛ shikpɔŋ lɛ nɔ, he ni omlɛgɛ kɛ ŋkanale fiteɔ nii ni julɔi gbuɔ kɛboteɔ mli kɛbajuɔ yɛ lɛ.

Mateo 8:20

Ni Yesu kɛɛ lɛ akɛ, “Osɔi yɛ bui, ni ŋwɛi loofɔji yɛ tsui; shi Gbɔmɔ Bi lɛ bɛ he ni ekɛ eyitso ŋmɛɔ.”

Marko 1:11

Ni gbee ko jɛ ŋwɛi kɛɛ, “Bo ji misuɔmɔ Bi lɛ. Bo ohe tsui minaa!”

Marko 9:7

Ni atatu ko bakete amɛnɔ, ni gbee ko jɛ atatu lɛ mli kɛɛ, “Mɔ nɛ ji misuɔmɔ Bi lɛ, nyɛboa lɛ toi!”

Luka 3:22

ni Mumɔ Krɔŋkrɔŋ lɛ kpeleke shi kɛ su ni tamɔ okpo su kɛba enɔ; ni gbee ko jɛ ŋwɛi kɛɛ, “Bo ji miSuɔmɔ Bi lɛ, bo ohe tsui minaa!”

Luka 9:35

Ni gbee ko jɛ atatu lɛ mli kɛɛ, “Mɔ nɛ ji mi-Bi ni mihala lɛ; nyɛboa lɛ toi!”

Yohane 10:28

ni mihãa amɛ naanɔ wala, ni amɛhiɛ kpãtãŋ kɛaatee naanɔ, ni asaŋ mɔ ko shɔŋ amɛ yɛ midɛŋ.

Yohane 11:42

Mile akɛ daa oboɔ mi toi, shi asafo lɛ ni damɔ biɛ lɛ hewɔ mikɛɔ enɛ, koni amɛhe amɛye akɛ bo otsu mi.”

Yohane 14:6

Yesu kɛɛ lɛ akɛ, “Mi ji gbɛ lɛ kɛ anɔkwale lɛ kɛ wala lɛ; mɔ ko baaa Tsɛ lɛ ŋɔɔ, akɛ ja etsɔ̃ minɔ.

Yohane 15:24

Eji mitsuuu nitsumɔi ni mɔ ko mɔ ko tsuko eko dã yɛ amɛteŋ kulɛ, esha ko bɛ amɛhe; shi agbɛnɛ lɛ amɛna, ni kɛ̃lɛ amɛmiinyɛ mi kɛ miTsɛ fɛɛ.

Yohane 17:2

tamɔ bɔ ni ohã lɛ hegbɛ yɛ gbɔmɛi fɛɛ anɔ, koni mɛi fɛɛ ni okɛhã lɛ lɛ, ehã amɛ naanɔ wala lɛ.

Yohane 3:15

koni mɔ fɛɛ mɔ ni heɔ enɔ eyeɔ lɛ ana naanɔ wala.”

Yohane 3:33

Mɔ ni ŋɔɔ edase lɛ, esɔo naa akɛ anɔkwafo ji Nyɔŋmɔ.

Yohane 6:40

Ejaakɛ enɛ ji mí-Tsɛ suɔmɔnaanii, akɛ mɔ fɛɛ mɔ ni kwɛɔ Bi lɛ ni eheɔ enɔ eyeɔ lɛ ana naanɔ wala, ni mi lɛ mitee lɛ shi yɛ naagbee gbi lɛ nɔ.”

Yohane 6:47

Anɔkwale mikɛɔ nyɛ akɛ, mɔ ni heɔ yeɔ lɛ eyɛ naanɔ wala.

Yohane 6:51

Mi ji aboloo ni hiɛ kã ni jɛ ŋwɛi ba lɛ; kɛji mɔ ko ye aboloo nɛɛ eko lɛ, ehiɛ aaakã kɛaatee naanɔ. Shi aboloo ni mikɛbaahã lɛ ji miheloo ni mikɛbaahã yɛ je lɛ wala hewɔ lɛ.”

Yohane 6:53

Kɛkɛ ni Yesu kɛɛ amɛ akɛ, “Anɔkwale mikɛɔ nyɛ akɛ kɛji nyɛyeee Gbɔmɔ Bi lɛ heloo ni nyɛnuuu elá lɛ, nyɛbɛ wala yɛ nyɛmli.

Yohane 6:54

Mɔ ni yeɔ miheloo ni enuɔ mila lɛ, eyɛ naanɔ wala, ni mi lɛ matee lɛ shi yɛ naagbee gbi lɛ nɔ.

Yohane 6:58

Aboloo ni jɛ ŋwɛi ba nɛ; etamɔɔɔ nɔ ni nyɛtsɛmɛi lɛ ye ni amɛgboi lɛ; mɔ ni yeɔ aboloo nɛɛ lɛ, ehiɛ aaakã kɛaatee naanɔ.”

Yohane 6:62

Shi kɛji nyɛna Gbɔmɔ Bi lɛ miiya ŋwɛi he ni eyɔɔ sa lɛ, no hu?

Yohane 6:68

Simon Petro here lɛ nɔ akɛ, “Nuŋtsɔ, namɔ ŋɔɔ wɔɔtee? Bo oyɔɔ naanɔ wala wiemɔi lɛ;

Yohane 8:18

Mi lɛ miyeɔ mi diɛŋtsɛ mihe odase, ni Tsɛ ni tsu mi lɛ hu yeɔ mihe odase.”

Bɔfoi 10:38

bɔ ni Nyɔŋmɔ kɛ Mumɔ Krɔŋkrɔŋ kɛ hewalɛ fɔ Yesu ni jɛ Nazaret lɛ mu, ni ekpaa shi efeɔ ekpakpa ni etsaa mɛi fɛɛ ni abonsam haoɔ amɛ lɛ, ejaakɛ Nyɔŋmɔ kɛ lɛ yɛ.

Bɔfoi 2:22

“Ataamɛi Israelbii, nyɛboa nɛkɛ wiemɔi nɛɛ atoi! Yesu Nazarenyo lɛ ji nuu ni Nyɔŋmɔ kɛ hewalɛ nitsumɔi kɛ naakpɛɛnii kɛ okadii ni etsɔ̃ enine nɔ efee yɛ nyɛteŋ lɛ ye ehe odase etsɔ̃ɔ nyɛ, tamɔ bɔ ni nyɛ diɛŋtsɛ nyɛle lɛ.

Romabii 4:11

Ni enine shɛ ketiafoo okadi lɛ nɔ akɛ jalɛ naasɔomɔnɔ ni akɛsɔo ehemɔkɛyeli ni ena be mli ni eji foolɔ beebe lɛ naa, ni efee mɛi fɛɛ ni heɔ yeɔ be ni amɛ ji foolɔi lɛ atsɛ, ni abu hemɔkɛyeli ahã amɛ hu akɛ jalɛ;

Romabii 6:23

Ejaakɛ esha dɛŋ nyɔmɔwoo lɛ gbele ni; shi Nyɔŋmɔ dromɔ keenɔ lɛ naanɔ walaŋ yɛ Yesu Kristo, wɔNuŋtsɔ lɛ, mli.

1 Korintobii 6:13

Ŋmaa yɛ hã musu, ni musu hu yɛ hã ŋmaa; shi Nyɔŋmɔ baahã enyɔ lɛ fɛɛ sɛɛ afo. Shi gbɔmɔtso lɛ, jeee ajwamãŋbɔɔ hewɔ eyɔɔ, shi moŋ Nuŋtsɔ lɛ hewɔ eyɔɔ; ni Nuŋtsɔ lɛ hu yɛ hã gbɔmɔtso lɛ.

1 Korintobii 9:2

Kɛji mijeee bɔfo mihãaa mɛi krokomɛi lɛ, nyɛ lɛ mi ji bɔfo mihã nyɛ, ejaakɛ nyɛ ji mibɔfo nitsumɔ lɛ naasɔomɔnɔ yɛ Nuŋtsɔ lɛ mli.

2 Korintobii 4:18

ejaakɛ wɔjeee mɛi ni kwɛɔ nii ni anaa lɛ, shi moŋ nii ni anaaa lɛ wɔkwɛɔ; ejaakɛ nii ni anaa lɛ hiɔ shi be fioo kɛkɛ, shi nii ni anaaa lɛ hiɔ shi kɛyashiɔ naanɔ.

Galatabii 5:6

Ejaakɛ Kristo Yesu mli lɛ, jeee ketiafoo, ni asaŋ jeee foo hu ni nyɛɔ nɔ ko efeɔ, shi moŋ hemɔkɛyeli ni tsɔ̃ɔ suɔmɔ nɔ etsuɔ nii lɛ.

5 Mose 30:13

Ni jeee ŋshɔ sɛɛ hu eyɔɔ ni nyɛaakɛɛ akɛ, ‘namɔ aaafo ŋshɔ koni eyaŋɔ ekɛbahã wɔ, ni wɔnu ni wɔye nɔ?’

Filipibii 2:13

ejaakɛ suɔmɔ ni aaasumɔ jio, feemɔ ni aaafee jio, Nyɔŋmɔ ji mɔ ni tsuɔ fɛɛ yɛ nyɛ mli bɔ ni lɛ etaoɔ.

Kolosebii 1:29

No he deŋme migboɔ ni mipeleɔ yɛ ehewalɛ ni tsuɔ nii kɛ hewalɛ yɛ mimli lɛ naa.

Kolosebii 2:22

Enɛɛmɛi fɛɛ ji nibii ni hiɛ kpãtãa yɛ amɛhe nitsumɔ mli; amɛ ji akpɔi ni awo yɛ gbɔmɛi akitãi kɛ tsɔ̃ɔmɔi anaa.

Kolosebii 3:2

Nii ni yɔɔ ŋwɛi lɛ ahe nyɛjwɛŋa, jeee nii ni yɔɔ shikpɔŋ lɛ nɔ.

1 Tesalonikabii 1:3

Ni wɔkaiɔ nyɛhemɔkɛyeli nitsumɔ lɛ kɛ nyɛsuɔmɔ mɔdɛŋbɔɔ lɛ kɛ nyɛhiɛ ni kã wɔNuŋtsɔ Yesu Kristo nɔ lɛ mli hiɛmiamɔ lɛ yɛ Nyɔŋmɔ ni ji wɔTsɛ lɛ hiɛ.

2 Timoteo 2:19

Kɛ̃lɛ Nyɔŋmɔ shishitoo ni wa lɛ ma shi shiŋŋ, ni ehiɛ nɛkɛ naasɔomɔnɔ nɛɛ, “Nuŋtsɔ lɛ le lɛ diɛŋtsɛ emɛi lɛ,” kɛ “Mɔ fɛɛ mɔ ni tsiɔ Nuŋtsɔ lɛ gbɛi lɛ tã lɛ atsi ehe kɛjɛ nii ni ejaaa gbɛ lɛ ahe.”

Hebribii 12:16

Koni mɔ ko akafee ehe ajwamãŋbɔlɔ loo mɔ ni ebuuu Nyɔŋmɔ nii, tamɔ Esau ni hɔ̃ɔ ekromɔbi gbɛnaa lɛ ehe ŋmaa shikomeyeli lɛ.

Hebribii 4:11

No hewɔ lɛ, nyɛhãa wɔbɔa mɔdɛŋ koni wɔbote nakai hejɔɔmɔ lɛ mli, ni mɔ ko akagbee toigbele ni he okadi nɛ lɛ nɔŋŋ mli.

Yakobo 1:11

Ejaakɛ hulu teɔ shi kɛ jeŋ dɔlɛ, ni eŋãlaa jwɛi lɛ, ni efɔfɔi lɛ kpalaa shwieɔ shi, ni efɛo lɛ fiteɔ; nakai nɔŋŋ niiatsɛ lɛ hu hiɛ baakpãtã yɛ egbɛi lɛ anɔ.

1 Petro 1:24

Ejaakɛ, “Heloo fɛɛ tamɔ jwɛi, ni enunyam lɛ fɛɛ tamɔ jwɛiaŋ fɔfɔi. Jwɛi gbiɔ ni emli fɔfɔi lɛ kpalaa.

2 Petro 1:17

Ejaakɛ ena woo kɛ anunyam kɛjɛ Tsɛ Nyɔŋmɔ lɛ ŋɔɔ, be ni nakai gbee lɛ kɛ lɛ wie kɛjɛ anunyam kpeteŋkple lɛ mli akɛ, “Mɔ nɛ ji misuɔmɔ Bi ni mina ehe tsui lɛ.”