Yohane 6:26 - ŊMALƐ KRƆŊKRƆŊ LƐ

²⁶ Yesu here amɛ nɔ ekɛɛ, “Anɔkwale mikɛɔ nyɛ akɛ, jeee okadii lɛ ni nyɛna lɛ hewɔ nyɛtaoɔ mi nɛɛ, shi moŋ akɛni nyɛye aboloo lɛ eko ni nyɛtɔrɔ lɛ hewɔŋ.

Ṅmãle̱ Kroṅkroṅ Le̱

²⁶ Iesu hereame̱ no̱ ekē̱: Le̱le̱ṅ, le̱le̱ṅ, mīkē̱nye ake̱: Dšee okadii le̱ ni nyena le̱ hewo̱ nyetaoo̱mi ne̱, ši moṅ ake̱-ní nyeye abolo le̱ eko ni nyetŏ̱ro̱ le̱ hewo̱ṅ.

Yohane 6:26 ပူးပေါင်းရင်းမြစ်များ

Lalai 78:37

Amɛnyɛɛɛ amɛfi shi kɛye lɛ anɔkwa, amɛyeee ekɛ amɛteŋ kpãŋmɔ lɛ mli anɔkwa.

Ezekiel 33:31

Ni amɛbuaa amɛhenaa kɛbaa oŋɔɔ akɛ maŋ, ni amɛbataraa ohiɛ akɛ mimaŋbii, ni amɛboɔ owiemɔ lɛ toi, shi amɛyeee nɔ. Ejaakɛ amɛsumɔɔ gbɔmɔ kɛ amɛnaabu, shi amɛkɛ amɛtsui fɔɔ amɛsɛɛnamɔ nɔ.

Yohane 3:3

Yesu here nɔ ni ekɛɛ lɛ akɛ, “Anɔkwale mikɛɔ bo akɛ, kɛji ajɛɛɛ ŋwɛi afɔɔɔ mɔ ko lɛ, enyɛŋ Nyɔŋmɔ maŋtsɛyeli lɛ ena.”

Yohane 3:5

Yesu here nɔ akɛ, “Miikɛɛ bo anɔkwale akɛ, kɛji ajɛɛɛ nu kɛ Mumɔ mli afɔɔɔ mɔ ko lɛ, enyɛŋ Nyɔŋmɔ maŋtsɛyeli lɛ mli ebote.

Yohane 6:14

No hewɔ lɛ, be ni gbɔmɛi lɛ na naakpɛɛnii ni Yesu fee lɛ amɛkɛɛ, “Anɔkwa, mɔ nɛ ji gbalɔ ni baa je lɛ mli lɛ!”

Yohane 6:15

Be ni Yesu yoo akɛ amɛbaaba ni amɛbamɔ lɛ ni amɛyawo lɛ maŋtsɛ lɛ, ekome too egbala ehe shi kɛtee gɔŋ lɛ nɔ ekoŋŋ.

Yohane 6:2

Ni mɛi babaoo nyiɛ esɛɛ, ejaakɛ amɛna naakpɛɛ nii ni efee yɛ helatsɛmɛi lɛ ahe lɛ.

Yohane 6:24

no hewɔ lɛ, be ni asafo lɛ na akɛ Yesu loo ekaselɔi lɛ bɛ jɛi lɛ, amɛ hu amɛbote lɛji amli, ni amɛba Kapernaum amɛmiitao Yesu.

Yohane 6:30

No hewɔ lɛ, amɛbi lɛ akɛ, “Belɛ mɛɛ okadi ofeɔ ni wɔna koni wɔhe bo wɔye? Mɛni otsuɔ?

Yohane 6:36

Shi miikɛɛ nyɛ akɛ nyɛna mi, ni kɛ̃lɛ nyɛheee nyɛyeee.

Yohane 6:47

Anɔkwale mikɛɔ nyɛ akɛ, mɔ ni heɔ yeɔ lɛ eyɛ naanɔ wala.

Yohane 6:53

Kɛkɛ ni Yesu kɛɛ amɛ akɛ, “Anɔkwale mikɛɔ nyɛ akɛ kɛji nyɛyeee Gbɔmɔ Bi lɛ heloo ni nyɛnuuu elá lɛ, nyɛbɛ wala yɛ nyɛmli.

Yohane 6:64

Shi nyɛteŋ mɛi komɛi yɛ ni heee yeee.” Ejaakɛ kɛjɛ shishijee lɛ Yesu le mɛi ni heee yeee lɛ kɛ mɔ hu ni baatsɔ̃ɔ esɛɛgbɛ lɛ.

Romabii 16:18

Ejaakɛ mɛi ni yɔɔ nɛkɛ lɛ, jeee wɔ Nuŋtsɔ Yesu Kristo amɛsɔ̃mɔɔ, shi moŋ amɛ diɛŋtsɛ amɛmusu; ni amɛkɛ naaŋɔ̃ɔmɔ kɛ naadɔkɔmɔ wiemɔi lakaa mɛi ni leee efɔŋ lɛ.

Filipibii 2:21

Ejaakɛ mɛi lɛ fɛɛ lɛ, amɛ diɛŋtsɛ amɛnii amɛpleɔ, shi jeee Kristo Yesu nii.

Filipibii 3:19

Amɛnaagbee ji hiɛkpãtãmɔ, ni amɛmusu taomɔnii ji amɛnyɔŋmɔ, ni amɛhiɛgbele mli amɛnunyam yɔɔ, shikpɔŋ nɔ nii ahe amɛjwɛŋɔ.

1 Timoteo 6:5

yakayaka blɔmɔi — enɛɛmɛi fɛɛ lɛ mɛi ateŋ ni anaa yɛ ji gbɔmɛi ni amɛjwɛŋmɔ efite ni ashɔ̃ anɔkwale lɛ yɛ amɛdɛŋ ni amɛsusuɔ akɛ Nyɔŋmɔjamɔ ji ninamɔ lɛ.