Yohane 5:39 - ŊMALƐ KRƆŊKRƆŊ LƐ

³⁹ Nyɛtaoɔ ŋmalɛi lɛ amli, ejaakɛ nyɛ diɛŋtsɛ nyɛsusuɔ akɛ nomɛi amli nyɛnaa naanɔ wala yɛ; ni nomɛi nɔŋŋ ji nii ni yeɔ mihe odase lɛ.

Ṅmãle̱ Kroṅkroṅ Le̱

³⁹ Nyetaoa ṅmãle̱i le̱ amli, edšake̱ nyedientše̱ nyesusuo̱ ake̱ nomei amli nyenáa nāno̱ wala ye̱, ni nomei noṅṅ dši nii ni yeo̱ mihe odase le̱. Luk 24,27. 2 Tim. 3,15-17.

Yohane 5:39 ပူးပေါင်းရင်းမြစ်များ

Lalai 1:2

Shi moŋ emii shɛɔ Yehowa Mla lɛ he, ni ejwɛŋɔ he daa shwane kɛ nyɔɔŋ.

Lalai 119:11

Mikɛ owiemɔ lɛ eto mitsui mli koni mikafee esha mishi bo.

Lalai 133:3

Etamɔ Hermon bɔ ni nyɔɔ Zion gɔji lɛ anɔ lɛ. Ejaakɛ Yehowa ewo Zion jɔɔmɔ kɛ wala he shi kɛyaashi naanɔ.

Lalai 16:11

Bo otsɔ̃ɔ mi wala gbɛ. Ohiɛ lɛ, miishɛɛ sɔŋŋ; ni mimii eshɛ kɛmiiya naanɔ.

Lalai 21:4

Eba wala yɛ odɛ̃ŋ, ni ohã lɛ; wala kakadaŋŋ kɛaatee naanɔ.

Lalai 36:9

Ejaakɛ bo ji wala fɛɛ nubu; ni ola lɛ hãa wɔnaa nii faŋŋ.

Abe̱i 6:23

Ejaakɛ kitã lɛ, kane ni, ni mla lɛ, la ni, ni tsɔsemɔkãmɔ lɛ, wala gbɛ ni.

Yesaia 34:16

Nyɛtaoa yɛ Yehowa wolo lɛ mli koni nyɛkanea. Kooloi nɛɛ ateŋ ekome folo nɛkɛ eshwɛŋ ni eyaŋ jɛi, ni eko eko hefatalɔ ebɔŋ lɛ. Ejaakɛ eje Yehowa naa, ni efã, ni Emumɔ lɛ ji nɔ ni baabua amɛnaa.

Yesaia 8:20

Nyɛtoa he akɛ, “Nyɛmɔa Yehowa wiemɔ lɛ kɛ ehe odaseyeli lɛ mli. Anɔkwa, nɔ ni nifeelɔi lɛ kɛɔ nyɛ lɛ, nɔ kpakpa ko ejɛŋ mli.”

Yeremia 8:9

Nilelɔi nɛɛ abaawo amɛ hiɛgbele, amɛbaajijaa, ni abaaŋɔ amɛ nom, ejaakɛ amɛkwa Yehowa wiemɔ lɛ. Belɛ nɛgbɛ amɛnilee lɛ yɔɔ mɔ?

Daniel 12:2

Ni mɛi ni egboi lɛ ateŋ mɛi pii ahiɛ aaatsɛ̃; mɛi komɛi aaatee naanɔ wala mli; shi mɛi komɛi hu aaatee naanɔ hiɛgbele mli.

Mateo 22:29

Shi Yesu here nɔ ekɛɛ amɛ akɛ, “Nyɛmiitɔ̃ naa, ejaakɛ nyɛleee ŋmalɛi lɛ kɛ Nyɔŋmɔ hewalɛ lɛ.

Marko 10:3

Shi ehere nɔ ni ebi amɛ akɛ, “Mɛɛ kitã Mose wo nyɛ?”

Marko 12:10

Ani nyɛkaneko nɛkɛ ŋmalɛ nɛɛ, ‘Tɛ lɛ ni tsutswalɔi lɛ shɛ fɔ̃ lɛ, no nɔŋŋ etsɔ̃ koŋtɛ.

Luka 16:29

Ni Abraham kɛɛ lɛ akɛ, ‘Amɛyɛ Mose kɛ gbalɔi lɛ yɛ jɛi; amɛbo amɛ toi!’

Luka 16:31

Shi Abraham kɛɛ lɛ akɛ, ‘Kɛ amɛbooo Mose kɛ gbalɔi lɛ toi lɛ, no lɛ kɛji mɔ ko te shi kɛjɛ gbohii ateŋ tete lɛ, amɛyiŋ tsɔŋ.’ ”

Luka 24:25

Kɛkɛ ni ekɛɛ amɛ akɛ, “O kwashiai ni nyɛyɔɔ shɔ̃ɔ yɛ nyɛtsui mli kɛ nii fɛɛ ni gbalɔi lɛ gba lɛ hemɔkɛyeli.

Luka 24:27

Ni ebɔ̃i kɛjɛ Mose kɛ Gbalɔi lɛ fɛɛ nɔ, ni etsɔ̃ɔ amɛ nibii ni yɔɔ Ŋmalɛi lɛ fɛɛ mli yɛ ehe lɛ ashishi.

Luka 24:44

Ni ekɛɛ amɛ akɛ, “Enɛɛmɛi ji miwiemɔi ni mikɛ nyɛ wie be ni mikɛ nyɛ yɔɔ lolo lɛ, akɛ ja nibii fɛɛ ni aŋma yɛ Mose mla lɛ kɛ Gbalɔi lɛ kɛ Lalai lɛ amli yɛ mihe lɛ na ba mli.”

Yohane 1:45

Filipo hu na Natanael, ni ekɛɛ lɛ akɛ, “Wɔna mɔ ni Mose ŋma ehe sane yɛ Mla lɛ mli, kɛ mɔ ni gbalɔi lɛ hu ŋma ehe sane lɛ, Yesu, Yosef bi ni jɛ Nazaret lɛ.”

Yohane 5:32

Mɔ kroko yɛ ni yeɔ mihe odase, ni mile akɛ odase ni eyeɔ yɛ mihe lɛ anɔkwaleŋ.

Yohane 5:36

Shi mi lɛ, miyɛ odase ni fe Yohane nɔ lɛ; ejaakɛ nitsumɔi lɛ ni Tsɛ lɛ ehã mi akɛ migbe naa lɛ, nakai nitsumɔi ni mitsuɔ lɛ nɔŋŋ yeɔ mihe odase akɛ Tsɛ lɛ tsu mi.

Yohane 5:40

Kɛ̃lɛ nyɛsumɔɔɔ akɛ nyɛbaa miŋɔɔ ni nyɛna wala.

Yohane 5:46

Shi eji nyɛhe Mose nyɛye kulɛ, mi hu nyɛaahe mi nyɛye; ejaakɛ mihe sane eŋma lɛ.

Yohane 7:52

Amɛhere nɔ amɛkɛɛ lɛ akɛ, “Ani bo hu Galilea ojɛ? Taomɔ mli okwɛ, shi gbalɔ ko eteko shi kɛjɛko Galilea pɛŋ.” [

Bɔfoi 13:27

Ejaakɛ mɛi ni yɔɔ Yerusalɛm lɛ kɛ amɛmaŋ onukpai lɛ, akɛni amɛleee Yesu, ni asaŋ amɛnuuu gbalɔi lɛ awiemɔi ni akaneɔ hejɔɔmɔ gbi fɛɛ hejɔɔmɔ gbi nɔ lɛ ashishi hewɔ lɛ, amɛkɛ amɛfɔ ni amɛbu lɛ lɛ ehã gbalɔi lɛ awiemɔi lɛ eba mli.

Bɔfoi 17:11

Shi mɛnɛɛmɛi asu hi fe mɛi ni yɔɔ Tesalonika lɛ, ni amɛ lɛ amɛhere wiemɔ lɛ kɛ amɛtsui fɛɛ, ni daa gbi lɛ amɛkpaa ŋmalɛi lɛ amli amɛkwɛɔ akɛ nibii nɛɛ yɛ mli nakai lo.

Bɔfoi 26:27

Nto oheɔ gbalɔi lɛ oyeɔ, Maŋtsɛ Agripa? Mile akɛ oheɔ oyeɔ.”

Romabii 1:2

Sanekpakpa nɛɛ Nyɔŋmɔ ewo he shi eto momo yɛ egbalɔi lɛ anaa yɛ Ŋmalɛi Krɔŋkrɔŋi lɛ amli,

Romabii 3:2

Efa yɛ gbɛ fɛɛ gbɛ nɔ. Klɛŋklɛŋ nɔ ji akɛ atu Nyɔŋmɔ wiemɔi lɛ awo amɛdɛŋ.

5 Mose 18:15

“Yehowa, nyɛNyɔŋmɔ lɛ, baatee gbalɔ ko ni tamɔ mi shi yɛ nyɛ nyɛteŋ, ni lɛ toi esa akɛ nyɛbo.

5 Mose 18:18

Mibatee gbalɔ ko shi tamɔ bo mahã amɛ, yɛ amɛnyɛmimɛi lɛ ateŋ, ni ebaakɛɛ emaŋbii lɛ nɔ ni mikɛhã lɛ akɛ ekɛɛ amɛ lɛ.

5 Mose 29:29

“Teemɔŋ nibii lɛ Yehowa, wɔNyɔŋmɔ lɛ, koome nɔ ni; shi kɛji ajie nɔ ko kpo atsɔ̃ɔ pɛ, nɔ lɛ etsɔ̃ wɔ kɛ wɔbii anɔ kɛmiiya naanɔ, bɔ ni afee ni wɔye mla nɛɛ mli wiemɔi lɛ fɛɛ kwa nɔ.”

5 Mose 32:47

ejaakɛ wiemɔi nɛɛ jeee wiemɔi foji hã nyɛ, shi moŋ nyɛwala diɛŋtsɛ ni; ni no hewɔ lɛ, nyɛwala sɛɛ aaatsɛ yɛ shikpɔŋ ni nyɛfoɔ Yordan Faa lɛ kɛyaa ni nyɛyaŋɔ lɛ nɔ.”

Kolosebii 3:16

Nyɛhãa Kristo wiemɔ lɛ ahia nyɛmli babaoo; ni nyɛkɛ nilee fɛɛ atsɔ̃a nyɛhe nii ni nyɛwiea nyɛtsɔ̃a nyɛhe yɛ saŋkutswai kɛ yijiemɔ lalai kɛ mumɔŋ lalai amli, ni nyɛkɛ shidaa alaa yɛ nyɛtsuii amli nyɛhãa Nyɔŋmɔ.

Hebribii 11:16

Shi agbɛnɛ lɛ amɛmiitao maŋ ni hi fe no, ni ji ŋwɛi nɔ lɛ. No hewɔ lɛ, efeee Nyɔŋmɔ hiɛgbele akɛ aaatsɛ lɛ amɛNyɔŋmɔ, ejaakɛ esaa maŋ eto amɛ.

Hebribii 11:35

Yei anine shɛ amɛmɛi ni egboi lɛ anɔ ekoŋŋ kɛtsɔ̃ shitee nɔ. Shi mɛi krokomɛi hu, akɛ piŋmɔ gbe amɛ, ni amɛkpɛlɛ̃ɛɛ kpɔ̃mɔ, koni amɛnine ashɛ shitee ni hi fe no lɛ nɔ.

Yoshua 1:8

Kaahã nɛkɛ Mla Wolo nɛɛ mli wiemɔi lɛ miikpa yɛ odaaŋ; shi jwɛŋmɔ he be fɛɛ be, nyɔɔŋ kɛ shwane, ni ojwɛŋ nɔ bɔ ni afee ni ohiɛ ahi ohe nɔ, ni ofee bɔ ni aŋma yɛ mli lɛ pɛpɛɛpɛ, ejaakɛ no baahã oshwere.

Kpojiemɔ 19:10

Ni miho migbee enaji anaa koni maja lɛ. Ni ekɛɛ mi akɛ, “Kwɛ, kaafee nakai! Bo kɛ onyɛmimɛi lɛ ni hiɛ Yesu odase lɛ mli lɛ anaanyo tsulɔ ji mi. Já Nyɔŋmɔ!” Ejaakɛ Yesu he odase lɛ ji gbalɛ mumɔ lɛ.