Yohane 5:30 - ŊMALƐ KRƆŊKRƆŊ LƐ

³⁰ “Mi diɛŋtsɛ minyɛŋ miyiŋ mato mafee nɔ ko; bɔ ni minuɔ lɛ nakai mikojoɔ, ni mikojomɔ lɛ jalɛ kojomɔ ni, ejaakɛ mitaooo nɔ ni mi diɛŋtsɛ misumɔɔ, shi moŋ nɔ ni mɔ ni tsu mi lɛ sumɔɔ.

Ṅmãle̱ Kroṅkroṅ Le̱

³⁰ Midientše̱ minyẽṅ miyiṅ mato mafe noko; boni minuo̱ le̱, nakai mikodšoo̱, ni mikodšomo̱ le̱ dšale̱ kodšomo̱ ni, edšake̱ mitaoo noni midientše̱ misumoo̱, ši moṅ noni tše̱ le̱ ní tšũmi le̱ sumoo̱. K. 12; 5,38.

Yohane 5:30 ပူးပေါင်းရင်းမြစ်များ

1 Mose 18:25

Enɛ akagbale bo fɔ̃ŋfɔ̃ akɛ oooye nɛkɛ sane, ni ooogbe jalɔ kɛ gbɔmɔ fɔŋ fɛɛ shi kome, ni jalɔ aaana nɔ tamɔ gbɔmɔ fɔŋ nɔŋŋ lo! Enɛ akagbale bo! Ani shikpɔŋ lɛ fɛɛ nɔ kojolɔ lɛ, ekojoŋ kojomɔ ni ja lo?”

Lalai 96:13

yɛ Yehowa hiɛ ejaakɛ eeba; eeba koni ebakojo shikpɔŋ lɛ. Ebaakojo je lɛ yɛ jalɛ naa; ebaakojo adesa yɛ anɔkwayeli naa.

Yesaia 28:6

Eeehã kojolɔ lɛ mumɔ ni hãa ayeɔ jalɛ sane; ni eeewo mɛi ni fãa maŋ agbo lɛ he hewalɛ.

Zefania 3:15

Yehowa efo otoigbalamɔ lɛ sɛɛ; eshwie ohenyɛlɔi lɛ fɛɛ kɛtee. Yehowa, Israel Maŋtsɛ lɛ, yɛ nyɛteŋ; nyɛsheŋ efɔŋ ko gbeyei dɔŋŋ!

Mateo 26:39

Ni etee hiɛ fioo, ni ekɛ ehiɛ bu shi, ni esɔle ekɛɛ, “MiTsɛ, kɛji aaaho lɛ, hã ni kpulu nɛɛ aho mihe aya; shi kɛ̃lɛ jeee bɔ ni mi misumɔɔ, shi moŋ bɔ ni bo osumɔɔ.”

Yohane 14:10

Ani oheee oyeee akɛ miyɛ Tsɛ lɛ mli ni Tsɛ lɛ hu yɛ mimli? Wiemɔi ni mikɛ nyɛ wieɔ lɛ, jeee mi diɛŋtsɛ miyiŋ mitoɔ miwieɔ; shi Tsɛ lɛ ni hiɔ mimli lɛ, lɛ etsuɔ enitsumɔi lɛ.

Yohane 17:4

Miwo ohiɛ nyam yɛ shikpɔŋ lɛ nɔ, akɛni nitsumɔ lɛ ni okɛhã mi tsumɔ lɛ, migbe naa lɛ.

Yohane 18:11

No hewɔ lɛ, Yesu kɛɛ Petro akɛ, “Kɛ oklante lɛ awo ehebo lɛ mli! Ani kpulu ni miTsɛ kɛhã mi lɛ, mikanu?”

Yohane 4:34

Yesu kɛɛ amɛ akɛ, “Miŋmaa ji akɛ mafee mɔ ni tsu mi lɛ suɔmɔnaanii, ni magbe enitsumɔ lɛ naa.

Yohane 5:19

No hewɔ lɛ, Yesu here nɔ ekɛɛ amɛ akɛ, “Anɔkwale mikɛɔ nyɛ akɛ, Bi lɛ diɛŋtsɛ nyɛŋ eto eyiŋ efee nɔ ko, ja nɔ ni ena akɛ Tsɛ lɛ miifee; ejaakɛ nibii fɛɛ ni Tsɛ lɛ feɔ lɛ, nomɛi nɔŋŋ Bi lɛ hu feɔ.

Yohane 6:38

Ejaakɛ jeee mi diɛŋtsɛ misuɔmɔnaa nifeemɔ hewɔ mijɛ ŋwɛi miba, shi moŋ mɔ ni tsu mi lɛ suɔmɔnaa nifeemɔ hewɔŋ.

Yohane 8:28

No hewɔ lɛ, Yesu kɛɛ amɛ akɛ, “Be ni nyɛaawo Gbɔmɔ Bi lɛ nɔ lɛ, no mli nyɛaale akɛ mi ni, ni akɛ mitooo miyiŋ mifeee nɔ ko, shi moŋ bɔ ni miTsɛ tsɔ̃ɔ mi lɛ, nakai miwieɔ.

Yohane 8:42

Kɛkɛ lɛ Yesu kɛɛ amɛ akɛ, “Nyɔŋmɔ ji nyɛTsɛ kulɛ, nyɛaasumɔ mi; ejaakɛ mi lɛ Nyɔŋmɔ ŋɔɔ mijɛ miba; ni asaŋ mitooo mi diɛŋtsɛ miyiŋ mibaaa, shi moŋ lɛ etsu mi.

Yohane 8:50

Mitaooo mi diɛŋtsɛ minunyam; shi mɔ ko yɛ ni taoɔ ni ekojoɔ ehãa mi.

Romabii 15:3

Ejaakɛ Kristo hu hãaa ehe asa ehiɛ; shi moŋ tamɔ bɔ ni aŋma lɛ, “Mɛi ni bɔɔ bo ahora lɛ ahorabɔi lɛ ebakã minɔ.”

Romabii 2:2

Shi wɔle akɛ Nyɔŋmɔ kojomɔ ni baa mɛi ni tsuɔ nakai nii lɛ anɔ lɛ ja.

Romabii 2:5

Shi okɛ otsuiwalɛ kɛ ohe ni oshwaaa lɛ miitĩa mlifu naa ohã ohe oto Nyɔŋmɔ mlifu gbi lɛ, nɔ nɔ ni ebaatsɔ̃ ejie ejalɛ kojomɔ lɛ kpo lɛ;