Yohane 5:28 - ŊMALƐ KRƆŊKRƆŊ LƐ

²⁸ Enɛ akafee nyɛ naakpɛɛ; ejaakɛ ŋmɛlɛtswaa lɛ miiba, nɔ mli ni mɛi fɛɛ ni yɔɔ gbohii abui amli lɛ aaanu egbee,

Ṅmãle̱ Kroṅkroṅ Le̱

²⁸ Ene̱ akafenye nãkpe̱; edšake̱ ṅmle̱tſā le̱ mība, nõ mli ní mei fẽ ní yo̱ gbohĩĩabui le̱ amli le̱ aanu egbẽ,

Yohane 5:28 ပူးပေါင်းရင်းမြစ်များ

Yesaia 26:19

Omɛi ni egboi lɛ ahiɛ aaatsɛ̃, ni amɛgbɔmɔtsei lɛ aaate shi. Ao nyɛ su mli bii, nyɛhiɛ atsɛ̃a, ni nyɛlaa kɛ miishɛɛ! Ejaakɛ obɔ ni nyɔɔ lɛ, bɔ ni kpɛlɛɔ ni, ni ooohã gbohii lɛ ate shi.

Daniel 12:2

Ni mɛi ni egboi lɛ ateŋ mɛi pii ahiɛ aaatsɛ̃; mɛi komɛi aaatee naanɔ wala mli; shi mɛi komɛi hu aaatee naanɔ hiɛgbele mli.

Hosea 13:14

Mibahereŋ amɛ yɛ gbohiiaje dɛŋ; mibaŋ amɛyi yɛ gbele mli? Gbele, nɛgbɛ otsɛŋemɔ hela yɔɔ; ni Gbohiiaje, nɛgbɛ oniiahiɛkpãtãmɔ lɛ yɔɔ? Minaŋ gbɔmɛi nɛɛ mɔbɔ dɔŋŋ.

Yohane 3:7

Ohiɛ akafee bo yaa akɛ mikɛɛ bo akɛ, ‘ja ajɛ ŋwɛi afɔ nyɛ’ lɛ.

Yohane 4:21

Yesu kɛɛ lɛ akɛ, “Awo, he mi oye akɛ ŋmɛlɛtswaa lɛ miiba ni jeee gɔŋ nɛɛ nɔ, ni asaŋ jeee Yerusalɛm ni nyɛaaja Tsɛ lɛ yɛ.

Yohane 4:23

Shi kɛ̃lɛ ŋmɛlɛtswaa lɛ miiba ni eshɛ momo, be ni anɔkwa jalɔi lɛ aaaja Tsɛ lɛ yɛ mumɔ kɛ anɔkwale mli, ejaakɛ jalɔi ni tamɔ mɛnɛɛmɛi Tsɛ lɛ taoɔ.

Yohane 5:20

Ejaakɛ Tsɛ lɛ sumɔɔ Bi lɛ, ni etsɔ̃ɔ lɛ nibii fiaa ni lɛ diɛŋtsɛ efeɔ lɛ, ni eeetsɔ̃ɔ lɛ nitsumɔi wuji ni fe enɛɛmɛi tete, ni nyɛnaa aaakpɛ nyɛhe.

Yohane 5:25

Anɔkwale mikɛɔ nyɛ akɛ: ŋmɛlɛtswaa lɛ miiba, ni eshɛ etã, ni gbohii lɛ aaanu Nyɔŋmɔ Bi lɛ gbee, ni mɛi ni nuɔ lɛ aaana wala.

Bɔfoi 24:15

ni miyɛ Nyɔŋmɔ nɔ hiɛnɔkãmɔ ni mɛnɛɛmɛi hu kwɛɔ gbɛ akɛ gbohiiashitee baaba lɛ, ni jalɔi kɛ mɛi ni ejaaa fɛɛ baate shi.

Bɔfoi 3:12

Be ni Petro na enɛ lɛ, ekɛɛ maŋ lɛ akɛ, “Nyɛ Israelhii, mɛɛba nyɛhiɛ feɔ nyɛ yaa yɛ enɛ hewɔ, aloo mɛɛba nyɛkwɛɔ wɔ gãa nɛkɛ, tamɔ nɔ ni wɔ diɛŋtsɛ wɔhewalɛ loo wɔNyɔŋmɔjamɔ wɔkɛhã nuu nɛɛ nyiɛɔ nɛɛ?

1 Korintobii 15:22

Ejaakɛ tamɔ bɔ ni Adam mli ni mɛi fɛɛ gboiɔ yɛ lɛ, nakai nɔŋŋ kɛ̃ Kristo mli lɛ aaahã mɛi fɛɛ yi ana wala yɛ.

Filipibii 3:21

Lɛ ebaatsake wɔgbɔmɔtso ni hiɛ bɛ nyam lɛ koni etamɔ enunyam gbɔmɔtso lɛ su, yɛ ehewalɛ nitsumɔ ni ekɛnyɛɔ eŋɔɔ nibii fɛɛ ewoɔ eshishi hu lɛ naa lɛ.

Kpojiemɔ 20:12

Ni mina gbohii lɛ, mɛi bibii kɛ mɛi wuji, damɔ maŋtsɛ sɛ̃i lɛ hiɛ, ni agbele woji anaa; ni agbele wolo kroko ni ji wala wolo lɛ hu naa. Ni adamɔ nibii ni aŋmala yɛ woji lɛ amli lɛ anɔ akojo gbohii lɛ yɛ amɛnitsumɔi lɛ anaa.