Yohane 5:24 - ŊMALƐ KRƆŊKRƆŊ LƐ

²⁴ “Anɔkwale mikɛɔ nyɛ akɛ, mɔ ni nuɔ miwiemɔ ni eheɔ mɔ ni tsu mi lɛ eyeɔ lɛ, eyɛ naanɔ wala, ni ebaŋ kojomɔ mli, shi moŋ efo mli yɛ gbele mli kɛtee wala mli.

Ṅmãle̱ Kroṅkroṅ Le̱

²⁴ Le̱le̱ṅ, le̱le̱ṅ, mīkē̱nye ake̱: Moni nuo̱ miwiemo̱ ni eheo̱ moni tšũmi le̱ eyeo̱ le̱, eye̱ nāno̱ wala, ni ebaṅ kodšomo̱ mli, ši moṅ éfoṅ ye̱ gbẽle mli ke̱-te wala mli. 3,16. 18.

Yohane 5:24 ပူးပေါင်းရင်းမြစ်များ

Mateo 25:46

Ni mɛnɛɛmɛi lɛ, amɛaatee naanɔ hejaramɔ mli; shi jalɔi lɛ aaatee naanɔ wala mli.”

Marko 16:16

Mɔ ni heɔ yeɔ ni aaabaptisi lɛ lɛ, aaahere eyiwala, shi mɔ ni heee yeee lɛ, aaabu lɛ fɔ.

Yohane 11:26

ni mɔ fɛɛ mɔ ni hiɛ kã ni eheɔ minɔ eyeɔ lɛ, egboŋ gbi ko gbi ko kɛaatee naanɔ. Oheɔ enɛ oyeɔ lo?”

Yohane 12:44

Shi Yesu bo ekɛɛ akɛ, “Mɔ ni heɔ minɔ yeɔ lɛ, jeee mi minɔ eheɔ eyeɔ lɛ, shi moŋ mɔ ni tsu mi lɛ;

Yohane 20:31

shi enɛɛmɛi lɛ aŋma koni nyɛhe nyɛye akɛ Yesu ji Kristo, Nyɔŋmɔ Bi lɛ, ni kɛ nyɛhe nyɛye lɛ, nyɛaana wala kɛtsɔ̃ egbɛi lɛ nɔ.

Yohane 3:16

“Ejaakɛ nɛkɛ Nyɔŋmɔ sumɔ je lɛ, akɛ eŋɔ eBi koome lɛ ehã, koni mɔ fɛɛ mɔ ni heɔ enɔ yeɔ lɛ hiɛ akakpãtã, shi moŋ ena naanɔ wala.

Yohane 3:18

Mɔ ni heɔ enɔ yeɔ lɛ, akojooo lɛ; shi mɔ ni heee yeee lɛ, akojo lɛ momo, ejaakɛ eheko Nyɔŋmɔ Bi koome lɛ gbɛi lɛ nɔ eyeko.

Yohane 3:36

Mɔ ni heɔ Bi lɛ nɔ eyeɔ lɛ, eyɛ naanɔ wala; shi mɔ ni booo Bi lɛ toi lɛ, enaŋ wala; shi moŋ Nyɔŋmɔ mlifu hiɔ enɔ.

Yohane 4:36

Ni mɔ ni kpaa lɛ naa enyɔmɔwoo, ni ebuaa yibii anaa etoɔ naanɔ wala, koni mɔ ni duɔ lɛ kɛ mɔ ni kpaa lɛ fɛɛ anya shi kome.

Yohane 6:40

Ejaakɛ enɛ ji mí-Tsɛ suɔmɔnaanii, akɛ mɔ fɛɛ mɔ ni kwɛɔ Bi lɛ ni eheɔ enɔ eyeɔ lɛ ana naanɔ wala, ni mi lɛ mitee lɛ shi yɛ naagbee gbi lɛ nɔ.”

Yohane 6:47

Anɔkwale mikɛɔ nyɛ akɛ, mɔ ni heɔ yeɔ lɛ eyɛ naanɔ wala.

Yohane 6:50

Enɛ ji aboloo ni jɛɔ ŋwɛi baa lɛ, koni gbɔmɔ aye ni ekagbo.

Yohane 6:51

Mi ji aboloo ni hiɛ kã ni jɛ ŋwɛi ba lɛ; kɛji mɔ ko ye aboloo nɛɛ eko lɛ, ehiɛ aaakã kɛaatee naanɔ. Shi aboloo ni mikɛbaahã lɛ ji miheloo ni mikɛbaahã yɛ je lɛ wala hewɔ lɛ.”

Yohane 6:58

Aboloo ni jɛ ŋwɛi ba nɛ; etamɔɔɔ nɔ ni nyɛtsɛmɛi lɛ ye ni amɛgboi lɛ; mɔ ni yeɔ aboloo nɛɛ lɛ, ehiɛ aaakã kɛaatee naanɔ.”

Yohane 8:51

Anɔkwale mikɛɔ nyɛ akɛ, kɛji mɔ ko ye miwiemɔ lɛ nɔ lɛ, enaŋ gbele kɛaatee naanɔ.”

Romabii 8:1

No hewɔ lɛ, agbɛnɛ fɔ ko fɔ ko bɛ ni abaabu mɛi ni yɔɔ Kristo Yesu mli lɛ.

1 Tesalonikabii 5:9

Ejaakɛ Nyɔŋmɔ etooo wɔ ehãaa mlifu, shi moŋ hã yiwalaheremɔnamɔ kɛtsɔ̃ wɔNuŋtsɔ Yesu Kristo nɔ,

1 Petro 1:21

Nyɛtsɔ̃ enɔ nyɛheɔ Nyɔŋmɔ, mɔ ni tee lɛ shi kɛjɛ gbohii ateŋ ni ewo ehiɛ nyam lɛ nɔ nyɛyeɔ lɛ, no hewɔ lɛ, nyɛhemɔkɛyeli kɛ nyɛhiɛnɔkãmɔ yɛ Nyɔŋmɔ mli.

1 Petro 1:5

Ni atsɔ̃ɔ hemɔkɛyeli nɔ abuɔ nyɛhe yɛ Nyɔŋmɔ hewalɛ naa atoɔ yiwalaheremɔ ni asaa ato ni abaajie kpo yɛ naagbee be lɛ mli lɛ.

1 Yohane 3:14

Wɔle akɛ wɔfo mli kɛjɛ gbele mli kɛtee wala mli, ejaakɛ wɔsumɔɔ wɔnyɛmimɛi.

1 Yohane 5:1

Mɔ fɛɛ mɔ ni heɔ yeɔ akɛ Yesu ji Kristo lɛ, Nyɔŋmɔ fɔ lɛ. Ni mɔ fɛɛ mɔ ni sumɔɔ mɔ ni fɔ lɛ lɛ, esumɔɔ mɔ ni efɔ lɛ hu.