Yohane 5:23 - ŊMALƐ KRƆŊKRƆŊ LƐ

²³ koni mɛi fɛɛ abu Bi lɛ, tamɔ bɔ ni amɛbuɔ Tsɛ lɛ. Mɔ ni ebuuu Bi lɛ, ebuuu Tsɛ lɛ ni tsu lɛ lɛ hu.

Ṅmãle̱ Kroṅkroṅ Le̱

²³ koni mei fẽ abu bi le̱, tamo̱ bo̱ni ame̱buo̱ tše̱ le̱. Moni ebuu bi le̱, ebuu tše̱ le̱ ní tšũle̱ le̱ hũ. Fil. 2,10. 11. 1 Ioh. 2,23.

Yohane 5:23 ပူးပေါင်းရင်းမြစ်များ

Lalai 2:12

nyɛkɛ hekpokpomɔ akotoa lɛ; kɛjeee nakai lɛ emli baafu nyɛ oya, ni nyɛhiɛ aaakpãtã. Ajɔɔ mɛi fɛɛ ni baa lɛ abo lɛ.

Yesaia 42:8

“Mi, mi ji Yehowa, migbɛi ji no; mikɛ minunyam haŋ mɔ kroko, ni mikɛ miyijiemɔ haŋ amãgãi.

Yesaia 44:6

Bɔ ni Yehowa, Israel maŋtsɛ, Israel Kpɔlɔ, Yehowa, Taiatsɛ lɛ, kɛɛ nɛ, “Mi ji klɛŋklɛŋ mɔ kɛ naagbee mɔ; kɛjɛ mi, misɛɛ lɛ Nyɔŋmɔ ko Nyɔŋmɔ ko bɛ dɔŋŋ.

Yesaia 45:15

Anɔkwale mli lɛ, bo ji Nyɔŋmɔ ni etee ehe. Ao, Israel Nyɔŋmɔ, Yiwalaherelɔ!

Yesaia 45:21

Nyɛbaa koni nyɛbajajea nyɛsane lɛ; nyɛhãa amɛyaa ajina! Namɔ ji mɔ ni jeeŋmɔ ko lɛ egba nɔ ni eba nɛɛ? Namɔ kɛɛ enɛ kɛjɛ blema? Aso jeee mi, Yehowa, ni? Ni misɛɛ lɛ Nyɔŋmɔ ko bɛ dɔŋŋ ni ji Nyɔŋmɔ jalɔ kɛ Yiwalaherelɔ? Misɛɛ lɛ mɔ ko mɔ ko bɛ dɔŋŋ.”

Zakaria 9:9

Omli afili bo, bo Zion biyoo; Bɔɔ oshe waa, bo Yerusalɛm biyoo! Naa, omaŋtsɛ lɛ miiba oŋɔɔ; Eeba kɛ agbojee kɛ kunimyeli. Eta teji oblanyo ni ji teji yoo bi ko nɔ.

Mateo 10:37

Mɔ ni dɔɔ tsɛ loo nyɛ he fe mi lɛ, esaaa mi; ni mɔ ni dɔɔ binuu loo biyoo he fe mi lɛ, esaaa mi.

Mateo 11:27

MiTsɛ etu nii fɛɛ ewo midɛŋ; ni mɔ ko mɔ ko leee Bi lɛ, akɛ ja Tsɛ lɛ kɛkɛ, asaŋ Tsɛ lɛ hu, mɔ ko mɔ ko leee lɛ, akɛ ja Bi lɛ, kɛ mɔ ni Bi lɛ sumɔɔ akɛ ejieɔ lɛ kpo etsɔ̃ɔ lɛ lɛ.”

Mateo 12:21

Ni egbɛi lɛ nɔ jeŋmaji lɛ aaaŋɔ amɛhiɛ amɛfɔ̃.”

Mateo 15:8

‘Maŋ nɛɛ kɛ amɛnaabu woɔ mi; shi amɛtsui etsi ehe kɛjɛ mihe kɛtee shɔŋŋ.

Mateo 28:19

No hewɔ lɛ, nyɛyaa ni nyɛyafea jeŋmaji fɛɛ mikaselɔi, nyɛbaptisia amɛ nyɛwoa Tsɛ lɛ kɛ Bi lɛ kɛ Mumɔ Krɔŋkrɔŋ lɛ gbɛi mli,

Luka 10:16

“Mɔ ni boɔ nyɛ toi lɛ, mi toi eboɔ lɛ, ni mɔ ni kwaa nyɛ lɛ, mi ekwaa lɛ; ni mɔ ni kwaa mi lɛ, mɔ ni tsu mi lɛ ekwaa lɛ.”

Yohane 14:1

“Nyɛkayea nyɛtsui; nyɛhea Nyɔŋmɔ nɔ nyɛyea, ni mi hu nyɛhea minɔ nyɛyea.

Yohane 16:14

Lɛ ebaawo mihiɛ nyam, ejaakɛ eeeŋɔ minɔ lɛ eko ni eeetsi tã etsɔ̃ɔ nyɛ.

Yohane 17:10

Minii fɛɛ lɛ onɔŋ, ni onii fɛɛ lɛ minɔŋ, ni mihiɛ eba nyam yɛ amɛmli.

Romabii 1:7

Miiŋma nyɛ mɛi ni Nyɔŋmɔ sumɔɔ ni etsɛ nyɛ ni nyɛ ji mɛi krɔŋkrɔŋi ni yɔɔ Roma lɛ fɛɛ, dromɔ kɛ hejɔlɛ ni jɛ wɔTsɛ Nyɔŋmɔ lɛ kɛ Nuŋtsɔ Yesu Kristo dɛŋ lɛ ahã nyɛ!

Romabii 15:12

Ni asaŋ Yesaia kɛɛ akɛ, “Ishai shishifã lɛ aaaba, mɔ hu ni aaate shi koni ebaye jeŋmaji lɛ anɔ lɛ; lɛ enɔ jeŋmaji lɛ kɛ amɛhiɛ aaafɔ̃.”

Romabii 6:22

Shi agbɛnɛ lɛ, ni akpɔ̃ nyɛ yɛ esha dɛŋ ni nyɛtsɔ̃mɔ Nyɔŋmɔ tsuji nɛɛ, nɔ ni nyɛnaa kɛjɛɔ mli ji krɔŋkrɔŋfeemɔ, ni enaagbee ji naanɔ wala.

Romabii 8:9

Nyɛhiii shi yɛ heloo naa, shi moŋ mumɔ naa nyɛhiɔ shi yɛ, kɛji Nyɔŋmɔ Mumɔ lɛ hiɔ nyɛmli lɛ. Shi kɛ mɔ ko bɛ Kristo Mumɔ lɛ, belɛ jeee Kristo nɔ ji lɛ.

1 Korintobii 1:3

Dromɔ kɛ hejɔlɛ ni jɛ wɔTsɛ Nyɔŋmɔ lɛ kɛ Nuŋtsɔ Yesu Kristo dɛŋ lɛ ahã nyɛ.

1 Korintobii 10:31

No hewɔ lɛ, nii nyɛyeɔ jio, nii nyɛnuɔ jio, aloo nɔ kroko nyɛfeɔ jio, nyɛfea fɛɛ nyɛkɛwoa Nyɔŋmɔ hiɛ nyam.

1 Korintobii 16:22

Kɛ mɔ ko sumɔɔɔ Nuŋtsɔ Yesu Kristo sane lɛ, mɔ lɛ atsɔ̃ musumɔ! Maran-ata: Nuŋtsɔ, ba.

1 Korintobii 6:19

Ani nyɛleee akɛ nyɛgbɔmɔtso lɛ Mumɔ Krɔŋkrɔŋ ni yɔɔ nyɛmli ni nyɛna kɛjɛ Nyɔŋmɔ ŋɔɔ lɛ Sɔlemɔtsu ni, ni nyɛjeee nyɛ diɛŋtsɛ nyɛnɔ lo?

2 Korintobii 1:9

shi moŋ wɔ diɛŋtsɛ wɔna faŋŋ akɛ gbele fɔbuu kã wɔnɔ, koni wɔkɛ wɔhiɛ akafɔ̃ wɔ diɛŋtsɛ wɔhe nɔ, shi moŋ wɔkɛfɔ̃ Nyɔŋmɔ ni teɔ gbohii ashi lɛ nɔ;

2 Korintobii 5:14

Ejaakɛ Kristo suɔmɔ lɛ nyɛɔ wɔnɔ, ni wɔkojoɔ nɛkɛ akɛ, kɛ mɔ kome gbo mɛi fɛɛ ayigbele lɛ, belɛ mɛi lɛ fɛɛ egboi.

2 Korintobii 5:19

no ji akɛ Nyɔŋmɔ tsɔ̃ Kristo nɔ ekɛ je lɛ kpãtã, ni ebuuu amɛnɔ̃tɔ̃mɔi lɛ ehãaa amɛ, ni etu kpãtãmɔ wiemɔ lɛ ewo wɔdɛŋ.

Efesobii 6:24

Dromɔ kɛ mɛi fɛɛ ni sumɔɔ wɔNuŋtsɔ Yesu Kristo kɛ suɔmɔ ni sɛɛ efooo lɛ ahi shi. Amen!

2 Timoteo 1:12

No hewɔ nɔŋŋ minaa amanehului nɛɛ, shi kɛ̃lɛ mihiɛ gbooo; ejaakɛ mile mɔ ni mihe miye lɛ, ni miyɛ hewalɛ yɛ nɔ akɛ eeenyɛ ebu nii ni mitu miwo edɛŋ lɛ he kɛyashi nakai Gbi lɛ nɔ.

Hebribii 1:6

Ni be ni ekɛ kromɔbi lɛ baa je nɛɛ mli lɛ, ekɛɛ ekoŋŋ akɛ, “Nyɔŋmɔ bɔfoi fɛɛ aja lɛ.”

2 Petro 1:1

Simon Petro ni ji Yesu Kristo tsulɔ kɛ bɔfo lɛ ŋma yahã mɛi ni nine eshɛ hemɔkɛyeli ni jara wa tamɔ wɔnɔ lɛ nɔŋŋ nɔ kɛtsɔ̃ wɔNyɔŋmɔ kɛ wɔyiwalaherelɔ Yesu Kristo jalɛ lɛ nɔ lɛ.

2 Petro 3:18

Shi nyɛshwerea yɛ wɔNuŋtsɔ kɛ yiwalaherelɔ Yesu Kristo dromɔ kɛ nilee lɛ mli. Lɛ nɔŋŋ aŋɔ anunyam ahã agbɛnɛ kɛ daa. Amen!

1 Yohane 2:23

Mɔ fɛɛ mɔ ni kwaa Bi lɛ, ebɛ Tsɛ lɛ hu; shi mɔ ni gbaa mli kpoo akɛ eheɔ Bi lɛ nɔ eyeɔ lɛ, eyɛ Tsɛ lɛ hu.

2 Yohane 1:9

Mɔ fɛɛ mɔ ni tekeɔ Kristo tsɔ̃ɔmɔ lɛ ni ehiii mli lɛ, ebɛ Nyɔŋmɔ; mɔ ni hiɔ Kristo tsɔ̃ɔmɔ lɛ mli lɛ, eyɛ Tsɛ lɛ kɛ Bi lɛ.