Yohane 5:2 - ŊMALƐ KRƆŊKRƆŊ LƐ

² Kpaakpo ko yɛ Yerusalɛm yɛ Toi Agboi lɛ masɛi, ni Hebri wiemɔ mli lɛ atsɛɔ lɛ Betesda, ni koii enumɔ yɛ he.

Ṅmãle̱ Kroṅkroṅ Le̱

² Ši kpākpo ko ye̱ Ierusalem ye̱ toi agbí le̱ mase̱i, ní Hebri wiemo̱ mli le̱ atšē̱o̱le̱ Betesda, ni koii enumo̱ ye̱ he.

Yohane 5:2 ပူးပေါင်းရင်းမြစ်များ

Nehemia 12:39

Wɔtse mli kɛtsɔ̃ Efraim Agbo lɛ kɛ Agbo Momo lɛ kɛ Loi Agbo lɛ he. Wɔyawa wɔdamɔ shi yɛ Bulɔi Agbo lɛ naa.

Nehemia 3:1

Kɛkɛ ni osɔfonukpa Eliashib, kɛ enyɛmimɛi osɔfoi lɛ tswa Toi Agboi lɛ agbogbo lɛ; amɛtara enaa shinai lɛ, ni amɛjɔɔ nɔ kɛfee lɛ krɔŋkrɔŋ amɛhã Nyɔŋmɔ. Amɛfee gbogbo lɛ krɔŋkrɔŋ aahu kɛyashi Hamea mɔɔ gojoo lɛ kɛ Hananel mɔɔ gojoo lɛ he.

Nehemia 3:32

Gbogbo lɛ naagbee fã ni kã ŋwɛitsu lɛ kɛ Toi Agboi lɛ teŋ lɛ, mɛi ni saa no ji shika ŋaalɔi lɛ kɛ jarayelɔi lɛ.

Yesaia 22:11

Nyɛgba nujɔɔ yɛ gbogboi enyɔ lɛ ateŋ koni nyɛkɛbua kpaakpo momo lɛ mli nu lɛ naa yɛ jɛi. Shi nyɛyakwɛɛɛ ni nyɛyabuuu Nyɔŋmɔ mɔ ni to nɔ ni ba lɛ hegbɛjianɔ kɛjɛ jeeŋmɔ, ni asaŋ ehã eba mli lɛ.

Yesaia 22:9

nyɛna akɛ David maŋ Yerusalɛm hei ni agbugbuu awo mli lɛ fa, ni nyɛtswa nubu koni nyɛkɛto nu ni hoɔ kɛjɛɔ shishigbɛ kpaakpo lɛ mli lɛ eko.

Yohane 19:13

Be ni Pilato nu nɛkɛ wiemɔi nɛɛ, ekɛ Yesu je kpo, ni eyata kojomɔ sɛi lɛ nɔ, yɛ he ni atsɛɔ jɛi akɛ “Tɛkamɔ” ni Hebri wiemɔ mli lɛ atsɛɔ lɛ “Gabata” lɛ.

Yohane 19:17

Ni lɛ diɛŋtsɛ etere esɛŋmɔtso lɛ kɛtee he ni atsɛɔ jɛi Yitsoŋoŋohe ni Hebri mli lɛ atsɛɔ lɛ “Golgota” lɛ.

Yohane 19:20

Nɛkɛ nii ni aŋma nɛɛ Yudafoi lɛ ateŋ mɛi pii kane, ejaakɛ he ni asɛŋ Yesu yɛ lɛ bɛŋkɛ maŋ lɛ; ni aŋma yɛ Hebri kɛ Roma kɛ Hela wiemɔi amli.

Yohane 20:16

Yesu kɛɛ lɛ akɛ, “Maria!” Ni etsɔ̃ ehe ni ekɛɛ lɛ yɛ Hebri wiemɔ mli akɛ, “Rabuni!” (Eshishi ji, “Tsɔɔlɔ”).

Yohane 5:3

Enɛɛmɛi amli helatsɛmɛi pii — shwilafoi, akpakei kɛ obubuafoi — kãmɔ [ni amɛmɛɔ nu lɛ mlitaa.

Yohane 7:21

Yesu here nɔ ni ekɛɛ amɛ akɛ, “Nitsumɔ kome mitsu, ni nyɛ fɛɛ nyɛnaa ekpɛ nyɛhe yɛ he.

Bɔfoi 21:40

Ni be ni eŋmɛ lɛ gbɛ lɛ, Paulo damɔ atrakpoi lɛ anɔ, ni efɔ̃ maŋ lɛ nine; ni be ni jɛi jɔ koniŋŋ lɛ, ewie yɛ Hebri wiemɔ mli ekɛɛ.

Kpojiemɔ 16:16

Ni mumɔi lɛ bua maŋtsɛmɛi lɛ anaa kɛtee he ko ni atsɛɔ jɛi yɛ Hebri wiemɔ mli akɛ Harmagedon lɛ.

Kpojiemɔ 9:11

Ni amɛnɔ maŋtsɛ ji bu kwɔŋkwɔŋ lɛ bɔfo lɛ, ni atsɛɔ egbɛi yɛ Hebri wiemɔ lɛ mli akɛ Abadon, ni Hela wiemɔ lɛ mli lɛ atsɛɔ egbɛi akɛ Apolion.