Yohane 5:10 - ŊMALƐ KRƆŊKRƆŊ LƐ

¹⁰ No hewɔ lɛ, Yudafoi lɛ kɛɛ mɔ ni atsa lɛ akɛ, “hejɔɔmɔ gbi nɛ, obɛ hegbɛ akɛ otereɔ osaa.”

Ṅmãle̱ Kroṅkroṅ Le̱

¹⁰ Nohewo le̱ Iudafoi le̱ kē̱ moni átšále̱ le̱ ake̱: Hedšō̱mo̱gbĩ ne̱, obe̱ hegbe̱ ake̱ otĕreo̱ osā. Ier. 17,21.

Yohane 5:10 ပူးပေါင်းရင်းမြစ်များ

Yesaia 58:13

Yehowa kɛɛ, “Kɛji oto hejɔɔmɔ gbi lɛ akɛ gbi krɔŋkrɔŋ, ni ofɔ̃ɔ bo diɛŋtsɛ onɔ mlifomɔ yɛ migbi krɔŋkrɔŋ lɛ nɔ lɛ, kɛji obu Yehowa gbi krɔŋkrɔŋ lɛ, ni ohiɛ sɔ Yehowa gbi krɔŋkrɔŋ lɛ, kɛji owo gbi lɛ, ni ofeee bo diɛŋtsɛ otsuinaa nii, ni ofooo bo diɛŋtsɛ onɔ mli, ni otsuuu bo diɛŋtsɛ onii lɛ, loo otiuuu otsuinaanii sɛɛ, aloo owieee yaka wiemɔi yɛ nɔ lɛ,

Yeremia 17:21

Bɔ ni Yehowa kɛɛ ekoŋŋ nɛ, Nyɛkwɛa jogbaŋŋ yɛ nyɛ diɛŋtsɛ nyɛwala hewɔ koni nyɛkatere jatsu ko yɛ hejɔɔmɔ gbi lɛ nɔ, aloo nyɛtere jatsu ko kɛtsɔ̃ Yerusalɛm agboi nɛɛ amli kɛbote maŋ lɛ mli.

Yeremia 17:27

Shi kɛji nyɛbooo mi toi akɛ nyɛye hejɔɔmɔ gbi lɛ akɛ gbi krɔŋkrɔŋ lɛ, ni no gbi lɛ nɔ, mɔ ko tere jatsu ko kɛtsɔ̃ Yerusalɛm agboi lɛ eko mli kɛba maŋ lɛ mli yɛ hejɔɔmɔ gbi lɛ nɔ lɛ, no lɛ mibama maŋ lɛ agboi lɛ anaa la, ni la nɛɛ baashã Yerusalɛm mli mɔji lɛ, ni mɔ ko nyɛŋ agbe.’ ”

Mateo 12:10

Ni naa, nuu ko yɛ jɛi ni enine kome egbo. Ni amɛbi lɛ akɛ, “Ani eja gbɛ akɛ atsaa mɔ yɛ hejɔɔmɔ gbi lɛ nɔ?” Bɔ ni afee ni amɛwo enaa folɔmɔ.

Marko 2:24

No hewɔ lɛ, Farisifoi lɛ kɛɛ Yesu akɛ, “Kwɛ, mɛɛba okaselɔi lɛ feɔ nɔ ni aŋmɛɛɛ gbɛ akɛ afeɔ yɛ hejɔɔmɔ gbi lɛ nɔ nɛɛ?”

Marko 3:4

Ni ebi mɛi lɛ akɛ, “Ani hejɔɔmɔ gbi lɛ nɔ lɛ eja akɛ afeɔ ekpakpa aloo afeɔ efɔŋ, akɛ ahereɔ gbɔmɔ yiwala aloo agbeɔ lɛ?” Shi amɛ lɛ amɛtswaaa amɛsɛŋ.

Luka 13:14

Shi kpeehe onukpa lɛ mli wo la akɛni Yesu tsa mɔ yɛ hejɔɔmɔ gbi lɛ nɔ lɛ, ni ekɛɛ asafo lɛ akɛ, “Gbii ekpaa yɔɔ ni sa akɛ atsuɔ nii yɛ mli no hewɔ lɛ, nyɛbaa yɛ nomɛi amli, koni atsa nyɛ, shi jeee hejɔɔmɔ gbi lɛ nɔ!”

Luka 23:56

Ni amɛku amɛsɛɛ, ni amɛyasaa tsofaikɛŋmai; ni hejɔɔmɔ gbi lɛ nɔ lɛ amɛfee kpoo yɛ kitã lɛ naa.

Luka 6:2

Shi Farisifoi lɛ ekomɛi bi amɛ akɛ, “Mɛni hewɔ nyɛfeɔ nɔ ni aŋmɛɛɛ gbɛ akɛ afeɔ yɛ hejɔɔmɔ gbi lɛ nɔ lɛ?”

Yohane 1:19

Ni enɛ ji Yohane odase ni eye be ni Yudafoi lɛ tsu osɔfoi kɛ Levibii kɛjɛ Yerusalɛm ni amɛbabi lɛ akɛ, “Namɔ ji bo?” lɛ.

Yohane 5:11

Ehere amɛ nɔ akɛ, “Mɔ ni tsa mi lɛ, lɛ ekɛɛ mi akɛ, ‘Kɔ osaa lɛ ni onyiɛ.’ ”

Yohane 5:15

Nuu lɛ yiŋ etee ni eyagba Yudafoi lɛ akɛ Yesu ji mɔ ni tsa lɛ lɛ.

Yohane 5:16

No hewɔ lɛ, Yudafoi lɛ jie amɛhiɛ amɛka Yesu, ejaakɛ hejɔɔmɔ gbi lɛ nɔ efee nii nɛɛ.

Yohane 7:23

Kɛji hejɔɔmɔ gbi lɛ nɔ lɛ afoɔ mɔ kɛtia bɔ ni afee ni akatɔ̃ Mose Mla lɛ nɔ lɛ, mɛɛba nyɛmli fuɔ mi akɛ mitsa gbɔmɔ muu lɛ yɛ hejɔɔmɔ gbi lɛ nɔ?

Yohane 9:16

No hewɔ lɛ, Farisifoi lɛ ateŋ mɛi komɛi kɛɛ, “Nuu nɛɛ jɛɛɛ Nyɔŋmɔ ŋɔɔ, ejaakɛ eyeee hejɔɔmɔ gbi lɛ mla lɛ nɔ.” Mɛi komɛi hu kɛɛ, “Te gbɔmɔ ko ni ji eshafeelɔ aaafee tɛŋŋ ni enyɛ efee naakpɛɛnii ni tamɔ enɛɛmɛi hu?” Ni mligbalamɔ ba amɛteŋ.