Yohane 4:36 - ŊMALƐ KRƆŊKRƆŊ LƐ

³⁶ Ni mɔ ni kpaa lɛ naa enyɔmɔwoo, ni ebuaa yibii anaa etoɔ naanɔ wala, koni mɔ ni duɔ lɛ kɛ mɔ ni kpaa lɛ fɛɛ anya shi kome.

Ṅmãle̱ Kroṅkroṅ Le̱

³⁶ Ni moni kpaā le̱ náa enyōmo̱wo, ni ebuaä yibii anā etoo nāno̱ wala, koni moni dũo̱ le̱ ke̱ moni kpaā le̱ fẽ anyã́ šikome.

Yohane 4:36 ပူးပေါင်းရင်းမြစ်များ

Abe̱i 11:18

Mɔ fɔŋ naa shishiumɔ mli nyɔmɔwoo; shi mɔ ni feɔ jalɛ nii lɛ enaa anɔkwale mli nyɔmɔwoo.

Abe̱i 11:30

Jalɛ yibii lɛ wala ni; shi mla kwamɔ lɛ wala hiɛkpãtãmɔ ni.

Daniel 12:3

Ni mɛi ni le nii lɛ aaakpɛ tamɔ atatu kpɛmɔ, ni mɛi ni etsɔ̃ɔ mɛi pii agbɛ kɛtee jalɛ mli lɛ aaakpɛ tamɔ ŋulamii kɛaatee naanɔ.”

Mateo 19:29

Ni mɔ fɛɛ mɔ ni eshi shĩai loo nyɛmimɛi hii loo nyɛmimɛi yei loo tsɛ loo nyɛ loo ŋa loo bii loo shikpɔji yɛ migbɛi lɛ hewɔ lɛ, aaato lɛ najiaŋ toi oha, ni eeena naanɔ wala.

Yohane 3:36

Mɔ ni heɔ Bi lɛ nɔ eyeɔ lɛ, eyɛ naanɔ wala; shi mɔ ni booo Bi lɛ toi lɛ, enaŋ wala; shi moŋ Nyɔŋmɔ mlifu hiɔ enɔ.

Yohane 4:14

shi mɔ ni nuɔ nu ni mi mahã lɛ lɛ, kumai yeŋ lɛ dɔŋŋ kɛaatee naanɔ; shi moŋ nu ni mahã lɛ lɛ aaatsɔ̃ nu hiŋmɛi ni baa kɛyaa naanɔ wala mli yɛ emli.”

Yohane 5:24

“Anɔkwale mikɛɔ nyɛ akɛ, mɔ ni nuɔ miwiemɔ ni eheɔ mɔ ni tsu mi lɛ eyeɔ lɛ, eyɛ naanɔ wala, ni ebaŋ kojomɔ mli, shi moŋ efo mli yɛ gbele mli kɛtee wala mli.

Romabii 1:13

Shi anyɛmimɛi, miisumɔ akɛ nyɛle akɛ mifɔɔ miyiŋtoo akɛ maba nyɛŋɔɔ, koni mibana yibii komɛi yɛ nyɛ hu nyɛteŋ, tamɔ mina yɛ jeŋmaji krokomɛi lɛ ateŋ lɛ.

Romabii 2:7

mɛi ni kɛ tsuishiŋmɛɛ hiɛɔ ekpakpafeemɔ mli ni amɛtaoɔ anunyam kɛ woo kɛ shihilɛ ni fiteŋ lɛ, eeehã amɛ naanɔ wala;

Romabii 6:22

Shi agbɛnɛ lɛ, ni akpɔ̃ nyɛ yɛ esha dɛŋ ni nyɛtsɔ̃mɔ Nyɔŋmɔ tsuji nɛɛ, nɔ ni nyɛnaa kɛjɛɔ mli ji krɔŋkrɔŋfeemɔ, ni enaagbee ji naanɔ wala.

Romabii 6:23

Ejaakɛ esha dɛŋ nyɔmɔwoo lɛ gbele ni; shi Nyɔŋmɔ dromɔ keenɔ lɛ naanɔ walaŋ yɛ Yesu Kristo, wɔNuŋtsɔ lɛ, mli.

1 Korintobii 9:17

Ejaakɛ kɛ mitsu yɛ suɔmɔ naa lɛ, miyɛ nyɔmɔwoo; shi kɛjeee suɔmɔ naa tete lɛ, kɛ̃lɛ atu tsulɔnukpayeli awo midɛŋ.

1 Korintobii 9:18

Agbɛnɛ mɛni ji minyɔmɔwoo mɔ? No ji akɛ, kɛ miijaje Sanekpakpa lɛ, majaje lɛ yaka ni miheee nɔ ko, bɔ ni afee ni mikafee nɔ ko tuutu yɛ mihegbɛ ni miyɔɔ yɛ Sanekpakpa lɛ mli lɛ he.

1 Tesalonikabii 2:19

Ejaakɛ namɔ ji wɔhiɛnɔkãmɔ loo wɔmiishɛɛ loo wɔshwãa akekre yɛ wɔNuŋtsɔ Yesu Kristo hiɛ, yɛ ebaa be lɛ mli lɛ? Ani jeee nyɛ ni?

1 Timoteo 4:16

Ohiɛ ahi ohe nɔ, ohiɛ ahi tsɔ̃ɔmɔ lɛ nɔ, hii shi yɛ nii nɛɛ amli; ejaakɛ kɛji ofee enɛ lɛ, ooohere bo diɛŋtsɛ kɛ mɛi ni boɔ bo toi lɛ fɛɛ ayiwala.