Yohane 4:34 - ŊMALƐ KRƆŊKRƆŊ LƐ

³⁴ Yesu kɛɛ amɛ akɛ, “Miŋmaa ji akɛ mafee mɔ ni tsu mi lɛ suɔmɔnaanii, ni magbe enitsumɔ lɛ naa.

Ṅmãle̱ Kroṅkroṅ Le̱

³⁴ Iesu kē̱ame̱ ake̱: Miṅmā̃ dši ake̱ mafe moni tšũmi le̱ suomo̱nānii, ni magbe enitšumo̱ le̱ nā. 17,4.

Yohane 4:34 ပူးပေါင်းရင်းမြစ်များ

Hiob 23:12

Mitswako Nyɔŋmɔ naa wiemɔ ko mifɔ̃ko afã dã; mikɛto mitsui shishi tɔ̃ɔ.

Lalai 40:8

MiNyɔŋmɔ, eŋɔɔ minaa akɛ mafee osuɔmɔnaanii; Omla lɛ yɛ mitsui mli.”

Mateo 26:39

Ni etee hiɛ fioo, ni ekɛ ehiɛ bu shi, ni esɔle ekɛɛ, “MiTsɛ, kɛji aaaho lɛ, hã ni kpulu nɛɛ aho mihe aya; shi kɛ̃lɛ jeee bɔ ni mi misumɔɔ, shi moŋ bɔ ni bo osumɔɔ.”

Mateo 3:15

Shi Yesu here nɔ ekɛɛ lɛ akɛ, “Kpɛlɛ̃mɔ kɛkɛ, ejaakɛ nɛkɛ sa akɛ wɔgbeɔ jalɛ fɛɛ naa.” Kɛkɛ ni ekpɛlɛ̃.

Mateo 9:19

Ni Yesu te shi ni ekɛ ekaselɔi lɛ nyiɛ esɛɛ.

Luka 15:10

Nakai nɔŋŋ, miikɛɛ nyɛ akɛ, Nyɔŋmɔ bɔfoi lɛ naa miishɛɛ yɛ eshafeelɔ kome ni tsakeɔ etsui lɛ hewɔ.”

Luka 19:10

Ejaakɛ Gbɔmɔ Bi lɛ ba nɔ ni elaaje lɛ taomɔ kɛ eyiwalaheremɔ.”

Luka 2:49

Yesu kɛɛ amɛ akɛ, “Mɛɛba nyɛtaoɔ mi? Ani nyɛleee akɛ esa akɛ mihiɔ shi yɛ nii ni ji miTsɛ nɔ lɛ mli?”

Yohane 17:4

Miwo ohiɛ nyam yɛ shikpɔŋ lɛ nɔ, akɛni nitsumɔ lɛ ni okɛhã mi tsumɔ lɛ, migbe naa lɛ.

Yohane 19:28

Enɛ sɛɛ lɛ, akɛni Yesu le akɛ agbe nii fɛɛ naa momo lɛ, bɔ ni afee ni ŋmalɛ lɛ aba mli lɛ, ekɛɛ, “Kumai miiye mi.”

Yohane 19:30

Ni be ni Yesu he ashiŋ lɛ, ekɛɛ, “Agbe naa!” Ni ema eyi shi, ni ebu enaa.

Yohane 4:32

Ni ekɛɛ amɛ akɛ, “Miyɛ ŋmaa ni miyeɔ, ni nyɛleee.”

Yohane 5:30

“Mi diɛŋtsɛ minyɛŋ miyiŋ mato mafee nɔ ko; bɔ ni minuɔ lɛ nakai mikojoɔ, ni mikojomɔ lɛ jalɛ kojomɔ ni, ejaakɛ mitaooo nɔ ni mi diɛŋtsɛ misumɔɔ, shi moŋ nɔ ni mɔ ni tsu mi lɛ sumɔɔ.

Yohane 5:36

Shi mi lɛ, miyɛ odase ni fe Yohane nɔ lɛ; ejaakɛ nitsumɔi lɛ ni Tsɛ lɛ ehã mi akɛ migbe naa lɛ, nakai nitsumɔi ni mitsuɔ lɛ nɔŋŋ yeɔ mihe odase akɛ Tsɛ lɛ tsu mi.

Yohane 6:33

Ejaakɛ Nyɔŋmɔ aboloo lɛ ji mɔ ni jɛɔ ŋwɛi ekpelekeɔ shi ni eŋɔɔ wala ehãa je lɛ.”

Yohane 6:38

Ejaakɛ jeee mi diɛŋtsɛ misuɔmɔnaa nifeemɔ hewɔ mijɛ ŋwɛi miba, shi moŋ mɔ ni tsu mi lɛ suɔmɔnaa nifeemɔ hewɔŋ.

Yohane 8:29

Ni mɔ ni tsu mi lɛ kɛ mi yɛ; Tsɛ lɛ shiko mi kome, ejaakɛ mi lɛ nɔ ni sa ehiɛ mifeɔ daa.”

Bɔfoi 20:35

Mikɛ fɛɛ tsɔ̃ɔ nyɛ akɛ nakai sa akɛ atsu nii ni akɛye abua mɛi ni bɛ hewalɛ, ni akai Nuŋtsɔ Yesu wiemɔi ni lɛ diɛŋtsɛ ewie lɛ akɛ, ‘Nɔhãmɔ mli yɛ jɔɔmɔ fe hemɔ.’ ”

Hebribii 12:2

Ni wɔkwɛ hemɔkɛyeli shishijelɔ kɛ naagbelɔ ni ji Yesu lɛ, mɔ ni nyamɔ ni kã ehiɛ lɛ hewɔ lɛ emia ehiɛ yɛ sɛŋmɔtso lɛ he amanehulu lɛ mli. Ni ebuuu hiɛgbele lɛ, ni eyata shi yɛ Nyɔŋmɔ maŋtsɛ sɛi lɛ ninejurɔ nɔ lɛ.