Yohane 4:23 - ŊMALƐ KRƆŊKRƆŊ LƐ

²³ Shi kɛ̃lɛ ŋmɛlɛtswaa lɛ miiba ni eshɛ momo, be ni anɔkwa jalɔi lɛ aaaja Tsɛ lɛ yɛ mumɔ kɛ anɔkwale mli, ejaakɛ jalɔi ni tamɔ mɛnɛɛmɛi Tsɛ lɛ taoɔ.

Ṅmãle̱ Kroṅkroṅ Le̱

²³ Ši kẽle̱ ṅmle̱tſā le̱ mība ni éše̱ agbene, beni ano̱kwa dšálo̱i le̱ aadšá tše̱ le̱ ye̱ mumo̱ ke̱ ano̱kwale mli, edšake̱ mei ní dšáale̱ ne̱ke̱, tše̱ le̱ hũ taoo̱.

Yohane 4:23 ပူးပေါင်းရင်းမြစ်များ

1 Kronika 29:17

MiNyɔŋmɔ, mile akɛ bo lɛ okaa gbɔmɔ tsui okwɛɔ, ni onaa mɛi ni yeɔ anɔkwa he miishɛɛ. Mijɛ mitsuiŋ fɛɛ kɛ suɔmɔ mli mikɛ nibii nɛɛ fɛɛ ke, ni agbɛnɛ miina akɛ omaŋ ni jwere shi nɛɛ hu miike bo nii kɛ miishɛɛ kɛ nyamɔ.

Lalai 147:11

Shi moŋ Yehowa naa mɛi ni sheɔ lɛ gbeyei lɛ ahe miishɛɛ, kɛ mɛi hu ni kɛ amɛhiɛ fɔ̃ɔ esuɔmɔ ni sɛɛ efooo lɛ nɔ lɛ.

Lalai 17:1

Oo Yehowa, bo jalɛ sane toi; too otoi ohã mibolɔmɔ lɛ. Feemɔ toi ohã misɔlemɔ ni jeee amale ni lɛ.

Lalai 32:2

Ajɔɔ mɔ ni Yehowa enaaa nɔ sha ko yɛ ehe; ni ebɛ mɔlakamɔ mumɔ lɛ.

Lalai 51:6

Naa, nɔ ni otaoɔ yɛ midɛŋ ji anɔkwayeli; no hewɔ lɛ, hã male nii yɛ mimligbɛ tɔ̃ɔ.

Abe̱i 15:8

Mɛi fɔ̃ji afɔle lɛ, Yehowa miihi; shi jalɔi asɔlemɔ lɛ, enaa he miishɛɛ.

Salomo Lalai 2:14

Mikosɛɛ okpo ni hiɔ tɛsaa fɔjiaŋ, yɛ gɔŋ grɔŋŋ hɔ̃ɔŋ, hã mana ohiɛ, ni manu ogbee; ejaakɛ ogbee ŋɔɔ, ni ohiɛ hu yɛ fɛo.

Yesaia 10:20

Be miiba, ni nakai be lɛ gbɔmɛi ni eshwɛ yɛ Israel kɛ Yakob shwiei ni ahe eje gbele mli lɛ kɛ amɛhiɛ efɔŋ mɔ ni tswia amɛ nii lɛ nɔ dɔŋŋ, shi moŋ amɛkɛ amɛhiɛ aaafɔ Yehowa, Israel Mɔ Krɔŋkrɔŋ Koome lɛ, nɔ yɛ anɔkwale mli.

Yesaia 29:13

Kɛkɛ ni Nuŋtsɔ lɛ kɛɛ akɛ, “Akɛni maŋbii nɛɛ bɛŋkɛɔ mi kɛ amɛnaabu kɛkɛ, ni amɛkɛ amɛnaabu kɛkɛ woɔ mi, shi amɛtsui kɛ miteŋ jɛkɛ kwraa, ni jamɔ ni amɛjaa mi lɛ ejeee fɛifɛi fe wiemɔi ni amɛkase amɛwo amɛyitseiaŋ kɛkɛ amɛwieɔ

Yesaia 43:21

Koni mɛi ni mibɔ mihã mihe lɛ ajie miyi.”

Yesaia 58:2

Tsɛbelɛ gbi fɛɛ gbi lɛ amɛtaoɔ misɛɛgbɛ, ni amɛshweɔ akɛ amɛle migbɛi lɛ tamɔ maŋ ni yeɔ jalɛ sane, ni amɛkwako amɛNyɔŋmɔ lɛ mlai lɛ. Amɛtaoɔ akɛ mabu amɛ bem akɛ jalɔi, ni amɛsumɔɔ akɛ amɛtsi amɛbɛŋkɛ Nyɔŋmɔ.”

Yeremia 3:10

Ni yɛ enɛɛmɛi fɛɛ asɛɛ lɛ Yuda, Israel nyɛmiyoo ni yeee anɔkwa lɛ, kpaleee kɛbaaa miŋɔɔ kɛ etsui fɛɛ, shi moŋ kwa ekwa eba miŋɔɔ. Mi Yehowa, mikɛɛ.”

Yeremia 4:2

ni kɛji okã kitã akɛ, ‘Mina Yehowa’ kɛ onɔkwale fɛɛ, ni okojo yɛ jalɛ naa, ni ohi shi krɔŋŋ lɛ, no lɛ jeŋ maji lɛ aaayɔse amɛjɔɔmɔ yɛ Yehowa mli, ni amɛaajie mi, Yehowa, miyi.”

Ezekiel 22:30

Hewɔ lɛ, mitao akɛ mana mɔ ko kɛjɛ amɛteŋ ni eeetswa gbogbo ni ewule lɛ, ni eeebu folɔ lɛ naa yɛ mihiɛ ehã shikpɔŋ lɛ, koni mikafite lɛ; shi minaaa mɔ ko mɔ ko.

Yohane 1:17

Ejaakɛ Mla lɛ, Mose nɔ atsɔ̃ akɛhã; shi dromɔ kɛ anɔkwale lɛ, Yesu Kristo nɔ etsɔ̃ kɛba.

Yohane 12:23

Ni Yesu here amɛ nɔ ekɛɛ, “Ŋmɛlɛtswaa ni akɛbaawo Gbɔmɔ Bi lɛ hiɛ nyam lɛ eshɛ.

Yohane 16:2

Amɛaashwie nyɛ kɛaajɛ kpeehei lɛ. Ni be baaba tete, ni mɔ fɛɛ mɔ ni gbeɔ nyɛ lɛ aaasusu akɛ ekɛmiija Nyɔŋmɔ.

Yohane 16:32

Naa; ŋmɛlɛtswaa lɛ miiba ni eshɛ po, ni nyɛbaagbɛ nyɛshwã ni mɔ fɛɛ mɔ aaaya emaŋ, ni nyɛaashi mi kome; shi kɛ̃lɛ jeee mi kome ni, ejaakɛ Tsɛ lɛ kɛ mi yɛ.

Yohane 4:21

Yesu kɛɛ lɛ akɛ, “Awo, he mi oye akɛ ŋmɛlɛtswaa lɛ miiba ni jeee gɔŋ nɛɛ nɔ, ni asaŋ jeee Yerusalɛm ni nyɛaaja Tsɛ lɛ yɛ.

Yohane 5:25

Anɔkwale mikɛɔ nyɛ akɛ: ŋmɛlɛtswaa lɛ miiba, ni eshɛ etã, ni gbohii lɛ aaanu Nyɔŋmɔ Bi lɛ gbee, ni mɛi ni nuɔ lɛ aaana wala.

Yohane 5:28

Enɛ akafee nyɛ naakpɛɛ; ejaakɛ ŋmɛlɛtswaa lɛ miiba, nɔ mli ni mɛi fɛɛ ni yɔɔ gbohii abui amli lɛ aaanu egbee,

Romabii 1:9

Ejaakɛ midasefonyo ji Nyɔŋmɔ, mɔ ni misɔmɔɔ yɛ mimumɔ mli yɛ eBi lɛ Sanekpakpa lɛ shiɛmɔ mli lɛ, akɛ mifɔ̃ko nyɛ kaimɔ dã,

Romabii 8:15

Ejaakɛ jeee nyɔŋ mumɔ nyɛna ni aaahã nyɛshe gbeyei ekoŋŋ, shi moŋ Mumɔ ni hãa mɛi tsɔ̃mɔɔ bii ni hãa wɔboɔ wɔtsɛɔ Nyɔŋmɔ akɛ, “Aba! Ataa!” lɛ.

Romabii 8:26

Nakai nɔŋŋ kɛ̃ Mumɔ lɛ hu yeɔ buaa wɔ yɛ wɔgbedemɔi lɛ amli; ejaakɛ bɔ ni sa akɛ wɔsɔle lɛ wɔleee; shi moŋ Mumɔ lɛ diɛŋtsɛ kɛ ŋtsɔidɔɔmɔi ni anyɛŋ akɛɛ lɛ dãmɔɔ mli hãa wɔ.

Galatabii 4:6

Shi akɛni bii ji nyɛ hewɔ lɛ, Nyɔŋmɔ tsu eBi lɛ Mumɔ lɛ kɛba nyɛtsuii amli, ni eboɔ akɛ, “Aba, Ataa!”

Efesobii 6:18

Ni nyɛkɛ sɔlemɔ kɛ faikpamɔ fɛɛ asɔlea be fɛɛ be yɛ mumɔ mli, ni enɛ hewɔ lɛ nyɛsaraa, ni nyɛkãa he daa nyɛkpaa fai nyɛhãa krɔŋkrɔŋbii lɛ fɛɛ

Filipibii 3:3

Ejaakɛ wɔ moŋ wɔji ketiafolɔi lɛ, wɔ mɛi ni wɔjaa Nyɔŋmɔ yɛ mumɔ naa, ni wɔshwãa wɔfɔ̃ɔ Kristo Yesu nɔ, ni wɔkɛ wɔhiɛ efɔ̃ɔɔ gbɔmɔtso nifeemɔ nɔ lɛ,

Yoshua 24:14

“No hewɔ lɛ, nyɛshea Yehowa gbeyei, ni nyɛjiea nyɛyitsoŋ nyɛsɔ̃mɔa lɛ kɛ anɔkwayeli; nyɛkwaa nyɔŋmɔi ni nyɛtsɛmɛi atsɛmɛi lɛ sɔ̃mɔ yɛ Mesopotamia kɛ Ijipt hu lɛ koni nyɛsɔ̃mɔ Yehowa.

1 Petro 2:9

shi nyɛ lɛ, weku ni ahala ji nyɛ, osɔfoi, maŋtsɛmɛi, jeŋmaŋ krɔŋkrɔŋ, maŋ ni ekɛfee enɔ, koni nyɛjaje mɔ ni tsɛ nyɛ kɛjɛ duŋ lɛ mli kɛba lɛ diɛŋtsɛ enaakpɛɛ la lɛ he lɛ agbojee lɛ;

1 Samuel 12:24

Nyɛshea Yehowa kɛkɛ gbeyei; asaŋ nyɛsɔmɔa lɛ yɛ anɔkwayeli mli kɛ nyɛtsui fɛɛ. Nyɛkaia nibii wuji abɔ ni etsu ehã nyɛ lɛ.