Yohane 4:14 - ŊMALƐ KRƆŊKRƆŊ LƐ

¹⁴ shi mɔ ni nuɔ nu ni mi mahã lɛ lɛ, kumai yeŋ lɛ dɔŋŋ kɛaatee naanɔ; shi moŋ nu ni mahã lɛ lɛ aaatsɔ̃ nu hiŋmɛi ni baa kɛyaa naanɔ wala mli yɛ emli.”

Ṅmãle̱ Kroṅkroṅ Le̱

¹⁴ ši moni nuo̱ nu ni mi mahãle̱ le̱ eko le̱, kũmai yeṅle̱ doṅṅ ke̱-ate nāno̱; ši moṅ, nu ní mahãle̱ le̱, aatšṍ nu hĩṅme̱i nĩ baä ke̱-yaä nāno̱ wala mli ye̱ emli. 6,27. 35.

Yohane 4:14 ပူးပေါင်းရင်းမြစ်များ

Yesaia 49:10

Hɔmɔ yeŋ amɛ, ni kumai hu yeŋ amɛ. Hulu eshaŋ amɛ, ni shiaŋa nɔ kɔɔyɔɔ ni mli edɔ hu esaŋ amɛhe, ejaakɛ mɔ ni musuŋtsɔ̃ɔ lɛ yɛ amɛhe lɛ aaakpala amɛ, ni eeetsɔ̃ɔ amɛ gbɛ kɛaatee nubui ahe.

Yesaia 55:1

Yehowa kɛɛ, “Huui! Nyɛ mɛi fɛɛ ni kumai yeɔ nyɛ, nyɛbaa nu he! Nyɛ mɛi hu ni bɛ shika, nyɛbaa nyɛbahea ŋmãa nyɛyea! Nyɛbaa! Nyɛbahea wain kɛ fufɔ, jeee kɛ shika shi moŋ kɛ nyɛdɛ folo.

Yesaia 58:11

Ni Yehowa aaakpala bo daa, ni eeeha bo ohiamɔnii yɛ fimɔ be mli, ni eeeha bo hewalɛ, ni oootsɔ̃ tamɔ trom ni nu hoɔ yɛ mli, loo tamɔ nuhiŋmɛi ni nu kpaaa yɛ mli.

Yeremia 2:13

Ejaakɛ miwebii lɛ efee nifɔɔjianii srɔtoi enyɔ: amɛkwa mi, mi, ni mi ji wala nu fɛɛ jɛɛhe lɛ; ni amɛyakpɛkpɛɛ nubui amɛhã amɛhe, nubui ni ejwra ni nyɛɛɛ nu ato.”

Yeremia 31:25

ejaakɛ mibahã mɔ ni etɔ lɛ mii ashɛ, ni mɔ fɛɛ mɔ ni hɔmɔ ehã etɔ biti lɛ mahã ena nii eye ni etɔ.”

Ezekiel 47:9

“He fɛɛ he ni nujɔɔ nɛɛ hoɔ kɛyaa lɛ, jɛi kooloo fɛɛ kooloo ni hiɛ kã lɛ yi baana wala, ni emli loi baafa babaoo diɛŋtsɛ. Ejaakɛ nujɔɔ nɛɛ hoɔ ewoɔ Ŋoo Ŋshɔ lɛ mli, ni ehãa Ŋoo Ŋshɔ lɛ mli nu lɛ tsɔ̃ɔ nuŋma, ni nɔ fɛɛ nɔ ni yɔɔ mli lɛ enaa wala.

3 Mose 11:36

Shi kɛ nu hiŋmɛi loo dudɔ ni akɛ nu toɔ mli ni lɛ, no lɛ ehe tse; shi kɛ eko he aaasa kooloo gbonyo he lɛ, ehe tseee.

Mateo 25:46

Ni mɛnɛɛmɛi lɛ, amɛaatee naanɔ hejaramɔ mli; shi jalɔi lɛ aaatee naanɔ wala mli.”

Mateo 5:6

“Ajɔɔ mɛi ni jalɛ he hɔ̃mɔ kɛ kumai yeɔ amɛ lɛ; shi amɛaatɔrɔ.”

Yohane 10:10

Julɔ baaa yaka, shi juu kɛ gbee kɛ hiɛkpãtãmɔ hewɔ ebaa; mi lɛ miba bɔ ni afee ni amɛna wala ni amɛna ni ateke nɔ.

Yohane 11:26

ni mɔ fɛɛ mɔ ni hiɛ kã ni eheɔ minɔ eyeɔ lɛ, egboŋ gbi ko gbi ko kɛaatee naanɔ. Oheɔ enɛ oyeɔ lo?”

Yohane 4:10

Yesu here nɔ ni ekɛɛ lɛ akɛ, “Eji ole Nyɔŋmɔ nɔkeenɔ lɛ kɛ mɔ ni kɛɔ bo akɛ, ‘Hã mi eko manu lɛ’ kulɛ, bo moŋ oooba lɛ ni eeehã bo wala nu.”

Yohane 4:11

Yoo lɛ kɛɛ lɛ akɛ, “Nuŋtsɔ, obɛ nɔ ni okɛaayɛ, ni bu lɛ mli kwɔ hu; nɛgbɛ ona wala nu lɛ yɛ mɔ?

Yohane 4:13

Yesu here nɔ ni ekɛɛ lɛ akɛ, “Mɔ fɛɛ mɔ ni nuɔ nu nɛɛ lɛ, kumai baaye lɛ ekoŋŋ;

Yohane 4:36

Ni mɔ ni kpaa lɛ naa enyɔmɔwoo, ni ebuaa yibii anaa etoɔ naanɔ wala, koni mɔ ni duɔ lɛ kɛ mɔ ni kpaa lɛ fɛɛ anya shi kome.

Yohane 6:27

Nyɛkatsua ŋmaa ni fiteɔ lɛ he nii, shi moŋ nyɛtsua ŋmaa ni hiɔ shi kɛyaa naanɔ wala mli ni Gbɔmɔ Bi lɛ aaahã nyɛ lɛ he nii, ejaakɛ lɛ enaa Tsɛ Nyɔŋmɔ lɛ esɔo.”

Yohane 6:35

Ni Yesu kɛɛ amɛ akɛ, “Mi ji wala aboloo lɛ; mɔ ni baa miŋɔɔ lɛ, hɔmɔ yeŋ lɛ gbi ko gbi ko, ni mɔ ni heɔ minɔ yeɔ lɛ, kumai hu yeŋ lɛ gbi ko gbi ko.

Yohane 6:58

Aboloo ni jɛ ŋwɛi ba nɛ; etamɔɔɔ nɔ ni nyɛtsɛmɛi lɛ ye ni amɛgboi lɛ; mɔ ni yeɔ aboloo nɛɛ lɛ, ehiɛ aaakã kɛaatee naanɔ.”

Yohane 7:37

Shi naagbee gbi ni ji gbii juji lɛ ateŋ gbi wulu lɛ nɔ lɛ, Yesu yadamɔ shi ni ebo ekɛɛ, “Kɛji kumai miiye mɔ ko lɛ, eba miŋɔɔ ni ebanu nu.

Romabii 5:21

koni bɔ nɔŋŋ ni esha lɛ ye maŋtsɛ yɛ gbele mli lɛ, nakai nɔŋŋ dromɔ lɛ atsɔ̃ jalɛ nɔ aye maŋtsɛ kɛya naanɔ wala mli yɛ Yesu Kristo, wɔNuŋtsɔ lɛ, hewɔ.

Romabii 6:23

Ejaakɛ esha dɛŋ nyɔmɔwoo lɛ gbele ni; shi Nyɔŋmɔ dromɔ keenɔ lɛ naanɔ walaŋ yɛ Yesu Kristo, wɔNuŋtsɔ lɛ, mli.

2 Korintobii 1:22

lɛ nɔŋŋ esɔo wɔnaa, ni ekɛ Mumɔ lɛ ehã wɔ akɛ yibaafoo nɔ yɛ wɔtsuii amli hu.

Efesobii 4:30

Ni nyɛkafea Nyɔŋmɔ Mumɔ Krɔŋkrɔŋ lɛ nidɔɔnii; lɛ emli asɔo nyɛnaa yɛ ato kpɔ̃mɔ gbi lɛ.

1 Petro 1:22

Ni akɛni nyɛtsuu nyɛsusumai ahe yɛ anɔkwale lɛ toiboo mli nyɛhã nyɛmimɛi asuɔmɔ ni osato bɛ mli lɛ hewɔ lɛ, nyɛkɛ tsui krɔŋŋ asumɔsumɔa nyɛhe jogbaŋŋ.

1 Yohane 5:20

Wɔle akɛ Nyɔŋmɔ Bi lɛ eba, ni ehã wɔ jwɛŋmɔ koni wɔle anɔkwafo lɛ. Ni wɔyɛ anɔkwafo lɛ mli, yɛ eBi Yesu Kristo lɛ mli, mɔ ni ji anɔkwa Nyɔŋmɔ lɛ kɛ naanɔ wala lɛ.

Kpojiemɔ 7:16

Hɔ̃mɔ yeŋ amɛ dɔŋŋ, ni kumai hu yeŋ amɛ dɔŋŋ, ni asaŋ hulu eshaŋ amɛ ni latsaa ko etsaŋ amɛ dɔŋŋ;

Kpojiemɔ 7:17

ejaakɛ Toobi lɛ ni yɔɔ maŋtsɛ sɛ̃i lɛ teŋ lɛ aaalɛ amɛ, ni eeetsɔ̃ɔ amɛ gbɛ kɛaatee wala nubui ahe. Ni Nyɔŋmɔ aaatsumɔ amɛhiɛiaŋ yaafonui fɛɛ.”