Yohane 3:3 - ŊMALƐ KRƆŊKRƆŊ LƐ

³ Yesu here nɔ ni ekɛɛ lɛ akɛ, “Anɔkwale mikɛɔ bo akɛ, kɛji ajɛɛɛ ŋwɛi afɔɔɔ mɔ ko lɛ, enyɛŋ Nyɔŋmɔ maŋtsɛyeli lɛ ena.”

Ṅmãle̱ Kroṅkroṅ Le̱

³ Iesu here no̱ ni ekē̱le̱ ake̱: Le̱le̱ṅ, le̱le̱ṅ, mīkē̱o ake̱: Ke̱dši adše̱e̱ ṅwei afó̱ó̱ moko le̱, enyẽṅ Nyoṅmo̱ maṅtše̱yeli le̱ ena. 1 Pet. 1,28.

Yohane 3:3 ပူးပေါင်းရင်းမြစ်များ

Yeremia 5:21

nyɛboa enɛ toi koo! Kwashiai ni bɛ jwɛŋmɔ, ni nyɛyɔɔ hiŋmɛii shi nyɛnaaa nii, asaŋ nyɛyɔɔ toii hu shi nyɛnuuu nii.

Ezekiel 36:26

“Mahã nyɛ tsui hee ni mikɛ mumɔ hee baawo nyɛmli, ni majie nyɛtsui ni wa tamɔ tɛ lɛ kɛje nyɛmli ni mahã nyɛ heloo tsui ni he jɔ.

Mateo 16:17

Ni Yesu here nɔ ekɛɛ lɛ akɛ, “Ajɔɔ bo, Simon, Yona bi; ejaakɛ jeee heloo kɛ lá jie enɛ tsɔ̃ɔ bo, shi moŋ miTsɛ ni yɔɔ ŋwɛi lɛ.

Mateo 19:24

Shi asaŋ miikɛɛ nyɛ akɛ ejaraaa hãaa yooma akɛ eeetsɔ̃ abui hiŋmɛi mli, tamɔ bɔ ni ejaraa hãa niiatsɛ akɛ eeebote Nyɔŋmɔ Maŋtsɛyeli lɛ mli lɛ.”

Mateo 21:31

Te mɛi enyɔ nɛɛ ateŋ mɔ ni fee nɔ ni amɛtsɛ lɛ sumɔɔŋ?” Amɛkɛɛ lɛ akɛ, “Tsutsumɔ lɛ ni.” Yesu kɛɛ amɛ akɛ, “Anɔkwale mikɛɔ nyɛ akɛ toohelɔi lɛ kɛ ajwamãŋi lɛ miitsɔ̃ nyɛhiɛ kɛmiiya Nyɔŋmɔ Maŋtsɛyeli lɛ mli.

Mateo 5:18

Anɔkwale mikɛɔ nyɛ akɛ, gbii abɔ ni ŋwɛi kɛ shikpɔŋ hoko nɛɛ, yota kome loo kuli kome ejeŋ Mla lɛ mli hoŋ, ja fɛɛ eba mli.

Marko 10:14

Shi be ni Yesu na lɛ, emli fu, ni ekɛɛ ekaselɔi lɛ akɛ, “Nyɛhãa gbekɛbii lɛ abaa miŋɔɔ, ni nyɛkatsia amɛ gbɛ, ejaakɛ mɛi ni tamɔ mɛnɛɛmɛi anɔ ji Nyɔŋmɔ Maŋtsɛyeli lɛ.

Marko 9:47

Ni kɛ ohiŋmɛi miitɔ̃tɔ̃ onane lɛ, fãa oshɛ ofɔ̃; faŋ nɔ ni okɛ hiŋmɛi kome bote Nyɔŋmɔ Maŋtsɛyeli lɛ mli fe nɔ ni ohiɛ hiŋmɛii enyɔ ni aaashɛ bo afɔ̃ abonsamiiaje la lɛ mli,

Yohane 1:13

mɛi ni jeee lá loo heloo loo nuu ko suɔmɔ naa afɔ amɛ yɛ, shi moŋ Nyɔŋmɔ fɔ amɛ.

Yohane 1:5

ni la lɛ tsoɔ yɛ duŋ lɛ mli, ni duŋ lɛ nyɛɛɛ enɔ eye.

Yohane 1:51

Ni etee nɔ ekɛɛ lɛ akɛ, “Anɔkwale mikɛɔ nyɛ akɛ, kɛjɛ be nɛɛ nɔ lɛ nyɛaana akɛ ŋwɛi naa kã ni Nyɔŋmɔ bɔfoi lɛ miikwɔ miikpeleke yɛ Gbɔmɔ Bi lɛ nɔ.”

Yohane 12:40

“Eshwila amɛhiŋmɛii, ni ekpliŋ amɛtsui; koni amɛkana kɛ amɛhiŋmɛii, ni amɛna naa kɛ amɛtsui, ni amɛku amɛsɛɛ ni mitsa amɛ.”

Yohane 3:4

Nikodemo bi lɛ akɛ, “Te aaafee tɛŋŋ ni be ni gbɔmɔ egbɔ lɛ ni aaafɔ lɛŋ? Ani eeenyɛ ebote enyɛ musu mli ekoŋŋ ni afɔ lɛ?”

2 Korintobii 4:4

amɛ ji mɛi amli ni je nɛɛ mli nyɔŋmɔ lɛ eshwila mɛi ni heee yeee lɛ ajwɛŋmɔi lɛ yɛ, koni Kristo ni ji Nyɔŋmɔ subaŋ lɛ anunyam Sanekpakpa la lɛ akakpɛ miihã amɛ.

2 Korintobii 5:17

Hewɔ lɛ, kɛ mɔ ko yɛ Kristo mli lɛ, bɔɔnɔ hee ji lɛ; blema nii lɛ eho; naa, nibii fɛɛ etsɔ̃mɔ ehee.

Galatabii 6:15

Ejaakɛ Kristo Yesu mli lɛ ketiafoo jeee nɔ ko, ni asaŋ foo hu jeee nɔ ko, shi moŋ nɔ ni ji nɔ ko ji bɔɔnɔ hee tsɔ̃mɔ.

Efesobii 2:1

Nyɛ hu kulɛ gbohii ji nyɛ yɛ nyɛ nɔtɔmɔi kɛ nyɛhe eshai lɛ amli.

5 Mose 29:4

shi kɛbashi ŋmɛnɛ lɛ, Yehowa hãko nyɛ jwɛŋmɔ ni nyɛkɛaanu nɔ ni ba lɛ shishi, loo hiŋmɛii ni nyɛkɛaana nii loo toii ni nyɛkɛaanu nii.

Tito 3:5

jeee jalɛ nitsumɔi ni wɔ diɛŋtsɛ wɔtsu naa, shi moŋ lɛ diɛŋtsɛ emɔbɔnalɛ naa etsɔ̃ eheefɔmɔ hejuu kɛ Mumɔ Krɔŋkrɔŋ eheefeemɔ lɛ nɔ ehere wɔyiwala.

Yakobo 3:17

Shi nilee ni jɛ ŋwɛi lɛ, klɛŋklɛŋ lɛ ehe tse, no sɛɛ lɛ ehe jɔ, ehiɛ kã shi, eboɔ toi, eyi obɔ̃ kɛ mɔbɔnalɛ kɛ yibii kpakpai, ejieee niiaŋ, efeee osato.

1 Petro 1:3

Ajɔɔ Nyɔŋmɔ ni ji wɔNuŋtsɔ Yesu Kristo Tsɛ lɛ. Efɔ wɔ ehee yɛ lɛ diɛŋtsɛ emɔbɔnalɛ babaoo lɛ naa, ni ehã wɔ hiɛnɔkãmɔ ni gbooo kɛtsɔ̃ Yesu Kristo shi ni ete kɛjɛ gbohii ateŋ lɛ nɔ.

1 Yohane 2:29

Kɛji nyɛle akɛ jalɔ ji lɛ lɛ, nyɛnaa nyɛlea akɛ mɔ fɛɛ mɔ ni tsuɔ jalɛnii lɛ afɔ lɛ kɛjɛ emli.

1 Yohane 3:9

Mɔ fɛɛ mɔ ni Nyɔŋmɔ fɔ lɛ lɛ, efeee esha, ejaakɛ esu yɛ emli, ni enyɛŋ esha efee, ejaakɛ Nyɔŋmɔ fɔ lɛ.

1 Yohane 5:1

Mɔ fɛɛ mɔ ni heɔ yeɔ akɛ Yesu ji Kristo lɛ, Nyɔŋmɔ fɔ lɛ. Ni mɔ fɛɛ mɔ ni sumɔɔ mɔ ni fɔ lɛ lɛ, esumɔɔ mɔ ni efɔ lɛ hu.

1 Yohane 5:18

Wɔle akɛ mɔ fɛɛ mɔ ni Nyɔŋmɔ fɔ lɛ lɛ, efeee esha; shi moŋ mɔ ni Nyɔŋmɔ fɔ lɛ lɛ, ekwɛɔ ehe nɔ, ni mɔ fɔŋ lɛ etaaa ehe.

1 Yohane 5:4

ejaakɛ nɔ fɛɛ nɔ ni Nyɔŋmɔ fɔ lɛ, eyeɔ je lɛ nɔ kunim; ni kunim ni wɔye je lɛ nɔ ji wɔhemɔkɛyeli.

Kpojiemɔ 3:14

“Ni Laodikea asafo lɛ bɔfo lɛ; ŋmaa oyahã lɛ akɛ, “Nii ni Amen lɛ ni ji odasefonyo anɔkwafo lɛ kɛ anɔkwayelɔ lɛ kɛ Nyɔŋmɔ nibɔɔ lɛ shishijee lɛ kɛɛ nɛ,