Yohane 3:29 - ŊMALƐ KRƆŊKRƆŊ LƐ

²⁹ Mɔ ni hiɛ ayɛmforo lɛ, lɛ ji ayɛmforowu; shi ayɛmforowu lɛ shieŋtsɛ ni damɔ shi boɔ lɛ toi lɛ, nya enyaa yɛ ayɛmforowu lɛ gbee hewɔ. No hewɔ lɛ, nɛkɛ minyamɔ nɛɛ eba mli.

Ṅmãle̱ Kroṅkroṅ Le̱

²⁹ Moni hĩe eyemforo le̱, le̱ dši *ayemforowu; ši ayemforowu le̱ šientše̱ ni damo̱ ši boo̱le̱ toi le̱, nyã́ enyã́a ye̱ ayemforowu le̱ gbē hewo̱. Nohewo̱ le̱ ne̱ke̱ minyã́mo̱ ne̱ éba mli. *Mat. 22,2.

Yohane 3:29 ပူးပေါင်းရင်းမြစ်များ

Salomo Lalai 3:11

Nyɛ Zion biyei, nyɛjea kpo nyɛbakwɛa Maŋtsɛ Solomon, kɛ akekre ni enyɛ kɛfi lɛ yɛ eyookpeemɔ gbi kɛ emliflimɔ gbi lɛ nɔ lɛ.

Salomo Lalai 5:1

Minyɛmi yoo, miyɛmfro, miba mitrom lɛ mli, miibua mimire kɛ tsofaikɛŋmai anaa. Miiye miwo agbaku kɛ emli wo lɛ. Miinu miwain kɛ mifufɔ lɛ. Minanemɛi, nyɛyea ni nyɛnua, ni nyɛ, suɔlɔi, nyɛnua ni nyɛtɔrɔa!

Yesaia 54:5

Ejaakɛ obɔlɔ lɛ aaatsɔ̃ wu aha bo. Yehowa Taiatsɛ ji egbɛi, ni Israel Mɔ Krɔŋkrɔŋ Koome lɛ ji Okpɔ̃lɔ lɛ. Je lɛ fɛɛ Nyɔŋmɔ ji egbɛi.

Yesaia 66:11

Nyɛbaana eshweremɔ lɛ eko nyɛye nyɛtɔrɔ, tamɔ abifao yeɔ enyɛ fufɔ etɔɔ lɛ.”

Yeremia 2:2

“Yaa, koni oyashiɛ owo Yerusalɛmbii atoiiaŋ, ni okɛɛ amɛ akɛ, nɔ ni Yehowa kɛɛ nɛ, ‘Mikaiɔ oblayeiaŋ anɔkwa ni oye mi lɛ, kɛ osuɔmɔ tamɔ ayɛmforo suɔmɔ lɛ. Mikaiɔ bɔ ni onyiɛ misɛɛ yɛ shiaŋa lɛ nɔ, ni ji shikpɔŋ ni aduko nii yɛ nɔ lɛ nɔ lɛ.

Ezekiel 16:8

“Be ni mibatsɔ̃ omasɛi kɛho ekoŋŋ lɛ, naa, mina akɛ oda ni oshɛ gbãlã, ni miha bo mimama lɛ eko ni mikɛtsi oyayai nɔ. Hɛɛ, misumɔ bo kɛha gbãlãshihilɛ, ni mikɛ bo kpãŋ, ni otsɔ̃ minɔ.” Nuŋtsɔ Yehowa kɛɛ.

Hosea 2:19

“Israel, mibatsɛ ohe baa akɛ miŋa kɛaatee naanɔ; Maye bo anɔkwa, ni maye bo jalɛ sane, Masumɔ bo, ni mimusuŋ aaatsɔ̃ mi yɛ ohe.

Mateo 22:2

“Ŋwɛi maŋtsɛyeli lɛ tamɔ maŋtsɛ ko ni kpee yoo ehã ebinuu.

Mateo 25:1

“No mli lɛ ŋwɛi maŋtsɛyeli lɛ aaatãmɔ oblayei nyɔŋma ni hole amɛkanei ni amɛtee amɛkɛ ayɛmforowu ayakpe.

Mateo 9:15

Ni Yesu kɛɛ amɛ akɛ, “Ani yookpeemɔ he bialɔi lɛ aaanyɛ aye ŋkɔmɔ gbii abɔ ni ayɛmforowu lɛ kɛ amɛ yɔɔ lɛ? Shi gbii aaaba momo ni aaaŋɔ ayɛmforowu lɛ kɛaaje amɛteŋ kɛaatee, ni no dani amɛaahi ŋmaa.

Luka 15:6

ni kɛ eba shĩa lɛ, etsɛɔ eshieŋtsɛmɛi kɛ ekuŋbii kɛkpeɔ, ni ekɛɔ amɛ akɛ, ‘Nyɛkɛ mi anaa miishɛɛ, ejaakɛ mina mitoo ni laaje lɛ.’

Yohane 15:11

“Mikɛ nyɛ ewie enɛɛmɛi, koni mimiishɛɛ lɛ ahi nyɛmli, ni nyɛmiishɛɛ lɛ aye emuu.

Yohane 16:24

Kɛbashi amrɔ nɛɛ lɛ nyɛbiko nɔ ko yɛ migbɛi mli; nyɛbia, ni nyɛaana, koni nyɛmiishɛɛ lɛ aye emuu.”

Yohane 17:13

Ni agbɛnɛ miiba oŋɔɔ, ni miiwie nii nɛɛ yɛ je lɛ mli, koni amɛna mimiishɛɛ lɛ ni eye emuu yɛ amɛmli.

Yohane 3:30

Lɛ lɛ, ja eshwere, ni mi lɛ, minɔ gbɔ.”

2 Korintobii 11:2

Ejaakɛ nyɛhe awuŋã ni miyeɔ lɛ, miiye lɛ bɔ ni Nyɔŋmɔ baaye; ejaakɛ mitsɛ nyɛhe baa mihã nuu kome ni mikɛ oblayoo foro ni he tse ayahã Kristo.

Filipibii 2:2

nyɛhãa mimiishɛɛ lɛ ayia obɔ̃, akɛ nyɛmiijwɛŋ nɔ kome, nyɛhiɛ suɔmɔ kome, susuma kome, mumɔ kome.

1 Yohane 1:4

Wɔmiiŋma nyɛ nii nɛɛ, koni nyɛmiishɛɛ lɛ ayi obɔ̃.

2 Yohane 1:12

Kulɛ miyɛ nibii pii ni maŋma nyɛ, shi misumɔ̃ɔɔ akɛ mikɛ wolo kɛ “blɛgi” ŋmaa, shi moŋ mihiɛ kã nɔ akɛ maba nyɛŋɔɔ ni mikɛ nyɛ abawie hiɛ kɛ hiɛ, koni wɔmiishɛɛ lɛ ayi obɔ̃.

Kpojiemɔ 21:9

Ni bɔfoi kpawo ni hiɛ tɔi kpawo ni eyimɔ obɔ̃bɔ̃ kɛ naagbee haomɔi kpawo lɛ ateŋ mɔ kome ba miŋɔɔ ni ekɛ mi bawie ekɛɛ, “Ba, ni matsɔ̃ bo ayɛmforo lɛ ni ji Toobi lɛ ŋa lɛ.”