Yohane 3:27 - ŊMALƐ KRƆŊKRƆŊ LƐ

²⁷ Yohane here nɔ ni ekɛɛ, “Gbɔmɔ nyɛŋ ana nɔ ko, akɛ ja ajɛ ŋwɛi akɛhã lɛ.

Ṅmãle̱ Kroṅkroṅ Le̱

²⁷ Iohane here no̱ ni ekē̱: Gbomo nyẽṅ ako̱ noko, dša adše̱ ṅwei aṅõ-hãle̱. Heb. 5,4.

Yohane 3:27 ပူးပေါင်းရင်းမြစ်များ

Yeremia 1:5

“Dani mibɔ bo yɛ onyɛ musuŋ beebe lɛ, mile bo; ni dani afɔ bo lɛ, mifee bo krɔŋkrɔŋ momo, ni miwo bo gbalɔ mihã majimaji lɛ.”

Yeremia 17:16

Yehowa, minyɛko onɔ pɛŋ akɛ ohã nɔ fɔŋ aba maŋ nɛɛ nɔ, ni mishweko hu akɛ gbi fɔŋ lɛ aba. Yehowa, bo ole enɛ, ni nii fɛɛ ni je minaa lɛ jwere ohiɛ.

Amos 7:15

ni kooloo mikpalaa ni Yehowa tsɛ mi; ni Yehowa kɛɛ mi akɛ, ‘Yaa, ni oyagba otsɔ̃ɔ Israelbii lɛ.’

4 Mose 17:5

Gbɔmɛi nɛɛ ateŋ mɔ ni ji mɔ ni miŋɔ lɛ, edɛhiɛmɔtso lɛ baagba afofro; ni mikɛ enɛ baahã huhuuhu ni Israelbii lɛ wieɔ amɛshiɔ nyɛ yɛ mihewɔ lɛ sɛɛ afo.”

Mateo 21:25

Yohane Baptisimɔ lɛ, nɛgbɛ ejɛ? Ŋwɛi ejɛ, loo gbɔmɛi adɛŋ?” Ni amɛtao mli yɛ amɛteŋ akɛ, “Kɛji wɔkɛɛ ejɛ ŋwɛi lɛ, eeekɛɛ wɔ akɛ, ‘Mɛɛ hewɔ nyɛheee Yohane nyɛyeee mɔ?’

Mateo 25:15

ni ehã mɔ kome talentai enumɔ, mɔ kome hu enyɔ, ni mɔ kome hu ekome, mɔ fɛɛ mɔ lɛ bɔ ni eeenyɛ he nii etsu; ni edom.

Marko 13:34

Etamɔ nuu ko ni edom eshi ewe, ni ehã etsuji lɛ hegbɛ kɛ amɛteŋ mɔ fɛɛ mɔ enitsumɔ, ni efã agbonaakwɛlɔ lɛ akɛ ebu.

Yohane 10:41

Ni mɛi pii ba eŋɔɔ ni amɛkɛɛ, “Yohane efeee naakpɛɛnii ko moŋ; shi nii fiaa ni ewie yɛ nuu nɛɛ he lɛ, anɔkwaŋ.”

Yohane 6:65

Ni ekɛɛ, “Enɛ hewɔ mikɛɛ nyɛ akɛ mɔ ko nyɛŋ miŋɔɔ aba, ja Tsɛ lɛ ehã lɛ hegbɛ lɛ.”

Romabii 1:5

Enɔ mitsɔ̃ mina dromɔ kɛ bɔfo nitsumɔ koni mihã jeŋmaji lɛ fɛɛ abo hemɔkɛyeli lɛ toi, yɛ egbɛi lɛ hewɔ.

Romabii 12:6

ni dromɔ ni akɛhã wɔ lɛ naa lɛ, wɔyɛ dromɔ keenii srɔtoi, mɔ fɛɛ mɔ kɛ enɔ; kɛji mɔ ko nɔ ji akɛ egba lɛ, egba yɛ hemɔkɛyeli bɔ ni akɛhã lɛ lɛ naa;

1 Korintobii 1:1

Paulo, Yesu Kristo bɔfo ni atsɛ yɛ Nyɔŋmɔ suɔmɔ naa lɛ, kɛ wɔnyɛmi Sostene,

1 Korintobii 12:11

Shi nɛkɛ nibii nɛɛ fɛɛ lɛ Mumɔ kome lɛ nɔŋŋ tsuɔ, ni ejaa ehãa bɔ ni esumɔɔ, mɔ fɛɛ mɔ kɛ enɔ.

1 Korintobii 15:10

Shi Nyɔŋmɔ dromɔ naa mi ji mɔ ni mi ji nɛɛ, ni edromɔ ni eduro mi lɛ efeee yaka; shi moŋ mitsu nii waa fe amɛ fɛɛ; shi jeee mi mitsu, shi moŋ Nyɔŋmɔ dromɔ ni kɛ mi yɔɔ lɛ.

1 Korintobii 3:5

Agbɛnɛ, Namɔ ji Apolo? Namɔ ji Paulo? Amɛ ji sɔ̃ɔlɔi ni nyɛtsɔ̃ amɛnɔ nyɛhe nyɛye, amɛteŋ mɔ fɛɛ mɔ lɛ bɔ ni Nuŋtsɔ lɛ kɛhã lɛ.

1 Korintobii 4:7

Shi namɔ buɔ bo akɛ esoro bo? Ni asaŋ, mɛni oyɔɔ ni jeee hã ahã bo? Shi kɛji hã ahã bo lɛ, mɛɛba oshwãa tamɔ nɔ ni jeee hã ahã bo lɛ?

Galatabii 1:1

Mi Paulo ni mi ji bɔfo ni mibɔfonitsumɔ lɛ jɛɛɛ gbɔmɛi adɛŋ, ni jeee gbɔmɔ ko nɔ hu etsɔ̃, shi moŋ Yesu Kristo kɛ Tsɛ Nyɔŋmɔ ni tee lɛ shi kɛjɛ gbohii ateŋ lɛ nɔ etsɔ̃ lɛ,

Efesobii 1:1

Paulo ni ji Yesu Kristo bɔfo yɛ Nyɔŋmɔ suɔmɔ naa lɛ ŋma yahã mɛi krɔŋkrɔŋi ni ji heyelɔi yɛ Kristo Yesu mli ni yɔɔ Efeso lɛ:

1 Timoteo 2:7

ni no hewɔ awo mi shiɛlɔ kɛ bɔfo (anɔkwale miwieɔ yɛ Kristo mli, mimaleee), jeŋmaji atsɔ̃ɔlɔ yɛ hemɔkɛyeli kɛ anɔkwale mli lɛ.

Yakobo 1:17

Dromɔnii kpakpai fɛɛ kɛ nikeenii ni hi kɛwula shi fɛɛ lɛ; ŋwɛi ejɛɔ ekpelekeɔ shi, kɛjɛɔ ŋwɛi lai aTsɛ lɛ ŋɔɔ, mɔ mli ni tsakemɔ loo duŋ ni tsakemɔ kɛbaa bɛ lɛ.