Yohane 3:2 - ŊMALƐ KRƆŊKRƆŊ LƐ

² lɛ eba Yesu ŋɔɔ nyɔɔŋ, ni ebakɛɛ lɛ akɛ, “Rabi, wɔle akɛ tsɔɔlɔ ni jɛ Nyɔŋmɔ ŋɔɔ ba ji bo; ejaakɛ mɔ ko nyɛŋ afee okadii ni ofeɔ nɛɛ, akɛ ja Nyɔŋmɔ kɛ mɔ lɛ yɛ.”

Ṅmãle̱ Kroṅkroṅ Le̱

² le̱ eba Iesu ṅõ nyõṅ, ni ebakē̱le̱ ake̱: Rabi, wo̱le ake̱ tšõlo̱ ní dše̱ Nyoṅmo̱ ṅõ ba dšio; edšake̱ moko nyẽṅ afe okadii ní ofeo̱ ne̱, ake̱ dša Nyoṅmo̱ ke̱ mo le̱ ye̱.

Yohane 3:2 ပူးပေါင်းရင်းမြစ်များ

1 Maŋtsɛmɛi 17:24

Yoo lɛ here Elia nɔ ekɛɛ, “Kpaako mina mile akɛ Nyɔŋmɔ gbɔmɔ ji bo lɛɛlɛŋ, ni asaŋ Yehowa wieɔ kɛtsɔ̃ɔ onɔ!”

Yesaia 51:7

“Nyɛ mɛi fɛɛ ni le nɔ ni ji jalɛ, nyɛboa toi, nyɛ maŋbii ni mimla lɛ yɔɔ nyɛtsuiiaŋ, nyɛkashea adesa dɛŋ ahorabɔɔ gbeyei! Asaŋ nyɛtsuii akafãa yɛ limɔ ni aaali nyɛ hewɔ.

Yeremia 38:16

Kɛkɛ ni Maŋtsɛ Zedekia kã Yeremia kitã, ni ekɛɛ lɛ akɛ, “Mina Yehowa, mɔ dɛŋ ni wɔwala nɛɛ yɔɔ akɛ migbeŋ bo, ni asaŋ miŋmɛŋ ohe mihaŋ hii nɛɛ ni taoɔ bo amɛgbe nɛɛ kɔkɔɔkɔ.”

Mateo 22:16

Ni amɛtsu amɛkaselɔi lɛ kɛ Herodebii lɛ kɛba eŋɔɔ amɛbakɛɛ, “Tsɔɔlɔ, wɔle akɛ anɔkwafo ji bo, ni otsɔ̃ɔ Nyɔŋmɔ gbɛ lɛ yɛ anɔkwale mli, ni osheee mɔ ko gbeyei, ejaakɛ okwɛɛɛ gbɔmɛi ahiɛiaŋ;

Mateo 23:7

kɛ jaanɔ ŋamɔi, ni amɛsumɔɔ akɛ mɛi atsɛ amɛ ‘Tsɔɔlɔ!’

Mateo 23:8

Shi nyɛ lɛ, akatsɛ nyɛ ‘Tsɔɔlɔ’; ejaakɛ mɔ kome ji nyɛ-Tsɔɔlɔ; shi nyɛ fɛɛ lɛ, nyɛmimɛi ji nyɛ.

Marko 12:14

Ni be ni amɛba lɛ, amɛkɛɛ lɛ akɛ, “Tsɔɔlɔ, wɔle akɛ anɔkwafo ji bo, ni osheee gbɔmɔ ko gbeyei, ejaakɛ okwɛɛɛ gbɔmɛi ahiɛiaŋ, shi moŋ otsɔ̃ɔ Nyɔŋmɔ gbɛ lɛ yɛ anɔkwale mli. Ani eja akɛ atsuɔ onia ahãa Kaisare aloo ejaaa? Wɔhã, aloo wɔkahã?”

Yohane 1:38

Ni Yesu tsɔ̃ ehe, ni be ni ena akɛ amɛnyiɛ esɛɛ lɛ, ebi amɛ akɛ, “Mɛni nyɛtaoɔ?” Ni amɛkɛɛ lɛ akɛ, “Rabi” (eshishi ji: Tsɔɔlɔ), “Nɛgbɛ ohiɔ?”

Yohane 10:38

shi kɛji no mitsuɔ, ni kɛ̃lɛ nyɛheee mi nyɛyeee lɛ, nyɛhea nitsumɔi lɛ kɛkɛ nyɛyea mɔ, koni nyɛle ni nyɛhe nyɛye akɛ Tsɛ lɛ yɛ mimli, ni mi hu miyɛ Tsɛ lɛ mli.”

Yohane 12:37

Efee naakpɛɛnii babaoo yɛ amɛhiɛ, shi kɛ̃lɛ amɛheee enɔ amɛyeee,

Yohane 14:10

Ani oheee oyeee akɛ miyɛ Tsɛ lɛ mli ni Tsɛ lɛ hu yɛ mimli? Wiemɔi ni mikɛ nyɛ wieɔ lɛ, jeee mi diɛŋtsɛ miyiŋ mitoɔ miwieɔ; shi Tsɛ lɛ ni hiɔ mimli lɛ, lɛ etsuɔ enitsumɔi lɛ.

Yohane 15:24

Eji mitsuuu nitsumɔi ni mɔ ko mɔ ko tsuko eko dã yɛ amɛteŋ kulɛ, esha ko bɛ amɛhe; shi agbɛnɛ lɛ amɛna, ni kɛ̃lɛ amɛmiinyɛ mi kɛ miTsɛ fɛɛ.

Yohane 2:11

Enɛ Yesu fee yɛ Kana yɛ Galilea ekɛje ekadii ashishi ni ekɛ enunyam lɛ tsɔ̃ɔ, ni ekaselɔi lɛ he enɔ amɛye.

Yohane 20:16

Yesu kɛɛ lɛ akɛ, “Maria!” Ni etsɔ̃ ehe ni ekɛɛ lɛ yɛ Hebri wiemɔ mli akɛ, “Rabuni!” (Eshishi ji, “Tsɔɔlɔ”).

Yohane 3:26

Ni amɛba Yohane ŋɔɔ ni amɛbakɛɛ lɛ akɛ, “Rabi, mɔ ni kɛ bo hi Yordan sɛɛ ni oye ehe odase lɛ, naa, lɛ diɛŋtsɛ eebaptisi, ni mɛi fɛɛ miiya eŋɔɔ.”

Yohane 4:31

Shi no mli lɛ ekaselɔi lɛ kpa lɛ fai amɛkɛɛ, “Rabi, ye nɔ ko.”

Yohane 5:36

Shi mi lɛ, miyɛ odase ni fe Yohane nɔ lɛ; ejaakɛ nitsumɔi lɛ ni Tsɛ lɛ ehã mi akɛ migbe naa lɛ, nakai nitsumɔi ni mitsuɔ lɛ nɔŋŋ yeɔ mihe odase akɛ Tsɛ lɛ tsu mi.

Yohane 6:2

Ni mɛi babaoo nyiɛ esɛɛ, ejaakɛ amɛna naakpɛɛ nii ni efee yɛ helatsɛmɛi lɛ ahe lɛ.

Yohane 7:31

Shi asafo lɛ mli mɛi pii he enɔ amɛye, ni amɛkɛɛ, “Be ni Kristo lɛ aaaba lɛ, ani eeefee okadii pii fe nii ni mɔ nɛ feɔ nɛɛ?”

Yohane 9:16

No hewɔ lɛ, Farisifoi lɛ ateŋ mɛi komɛi kɛɛ, “Nuu nɛɛ jɛɛɛ Nyɔŋmɔ ŋɔɔ, ejaakɛ eyeee hejɔɔmɔ gbi lɛ mla lɛ nɔ.” Mɛi komɛi hu kɛɛ, “Te gbɔmɔ ko ni ji eshafeelɔ aaafee tɛŋŋ ni enyɛ efee naakpɛɛnii ni tamɔ enɛɛmɛi hu?” Ni mligbalamɔ ba amɛteŋ.

Bɔfoi 10:38

bɔ ni Nyɔŋmɔ kɛ Mumɔ Krɔŋkrɔŋ kɛ hewalɛ fɔ Yesu ni jɛ Nazaret lɛ mu, ni ekpaa shi efeɔ ekpakpa ni etsaa mɛi fɛɛ ni abonsam haoɔ amɛ lɛ, ejaakɛ Nyɔŋmɔ kɛ lɛ yɛ.

Bɔfoi 2:22

“Ataamɛi Israelbii, nyɛboa nɛkɛ wiemɔi nɛɛ atoi! Yesu Nazarenyo lɛ ji nuu ni Nyɔŋmɔ kɛ hewalɛ nitsumɔi kɛ naakpɛɛnii kɛ okadii ni etsɔ̃ enine nɔ efee yɛ nyɛteŋ lɛ ye ehe odase etsɔ̃ɔ nyɛ, tamɔ bɔ ni nyɛ diɛŋtsɛ nyɛle lɛ.

Filipibii 1:14

Ni nyɛmimɛi ni yɔɔ Nuŋtsɔ lɛ mli lɛ ateŋ mɛi babaoo etsɔ̃ migboklɛi lɛ anɔ ena hewalɛ ni amɛkɛ ekãa babaoo fe tsutsu lɛ miijaje Nyɔŋmɔ wiemɔ lɛ ni amɛsheee gbeyei.

Kojolɔi 6:27

No hewɔ lɛ, Gideon ŋɔ etsuji lɛ ateŋ mɛi nyɔŋma, ni efee bɔ ni Yehowa efã lɛ lɛ. Shi akɛni eeshe etsɛ we lɛ kɛ maŋbii lɛ agbeyei hewɔ lɛ, enyɛɛɛ efee nii nɛɛ shwane, shi moŋ nyɔɔŋ efee.