Yohane 3:16 - ŊMALƐ KRƆŊKRƆŊ LƐ

¹⁶ “Ejaakɛ nɛkɛ Nyɔŋmɔ sumɔ je lɛ, akɛ eŋɔ eBi koome lɛ ehã, koni mɔ fɛɛ mɔ ni heɔ enɔ yeɔ lɛ hiɛ akakpãtã, shi moŋ ena naanɔ wala.

Ṅmãle̱ Kroṅkroṅ Le̱

¹⁶ Edšake̱ ne̱ke̱ Nyoṅmo̱ sumo̱ dše le̱, ake̱ eṅõ ebi kōme le̱ ehã, koni mofẽmo ní heo̱ eno̱ yeo̱ le̱ hĩe akakpãtã, ši moṅ ená nāno̱ wala. Rom. 6,8; 8,32. 1 Ioh. 4,9.

Yohane 3:16 ပူးပေါင်းရင်းမြစ်များ

1 Mose 22:12

Bɔfo lɛ kɛɛ lɛ akɛ, “Kaahã onine miisa oblanyo lɛ he, ni asaŋ kaafee lɛ nɔ ko nɔ ko! Shi mina mile agbɛnɛ akɛ osheɔ Nyɔŋmɔ gbeyei, akɛni okamaaa lɛ obi koome nɛɛ lɛ.”

1 Mose 22:2

Nyɔŋmɔ kɛɛ lɛ akɛ, “Ŋɔɔ obi Isak ni ji obi koome ni odɔɔ ehe lɛ, ni oyiŋ oya Moria Shikpɔŋ lɛ nɔ, ni okɛ lɛ ayashã afɔle yɛ jɛi, yɛ gɔji lɛ ateŋ ekome ni matsɔ̃ɔ bo lɛ nɔ.”

Yesaia 9:6

Ejaakɛ afɔ bi ahã wɔ! Afɔ binuu ahã wɔ. Elumɔyeli kã ekɔŋ. Abaatsɛ lɛ “Naakpɛɛ Ŋaawolɔ,” “Nyɔŋmɔ Hewalɔ, Naanɔtsɛ, Hejɔlɛ Lumɔ.”

Mateo 9:13

Shi nyɛyaa ni nyɛyakasea nɔ ni ji enɛ shishi. ‘Mɔbɔnalɛ mitaoɔ, ni jeee afɔle!’ Ejaakɛ mibaaa jalɔi atsɛmɔ, shi eshafeelɔi moŋ.”

Marko 12:6

Agbɛnɛ eshwɛ mɔ kome pɛ ni ebaatsu, ebinuu ni esumɔɔ lɛ lɛ. Naagbee lɛ etsu lɛ hu amɛŋɔɔ ni ekɛɛ, ‘Amɛhiɛ aaasɔ mibi lɛ.’

Luka 2:14

“Anunyam ahã Nyɔŋmɔ yɛ ŋwɛi flooflo, ni hejɔlɛ aba shikpɔŋ lɛ nɔ, ni ana gbɔmɛi ahe tsuijurɔ!”

Yohane 1:14

Ni Wiemɔ lɛ tsɔ̃ gbɔmɔ adesa, ni ebahi shi yɛ wɔteŋ, ni wɔna enunyam lɛ akɛ Tsɛ lɛ Bi koome lɛ anunyam, ni dromɔ kɛ anɔkwale eyi lɛ obɔ̃.

Yohane 1:18

Nyɔŋmɔ lɛ, mɔ ko enako lɛ pɛŋ; Bi koome ni yɔɔ Tsɛ lɛ mlishi lɛ, lɛ ebajie lɛ shi etsɔ̃ɔ faŋŋ.

Yohane 1:29

Enɔ jetsɛremɔ lɛ Yohane na Yesu miiba eŋɔɔ ni ekɛɛ, “Naa Nyɔŋmɔ Toobi lɛ ni woɔ je lɛ esha lɛ kɛyaa lɛ!

Yohane 10:28

ni mihãa amɛ naanɔ wala, ni amɛhiɛ kpãtãŋ kɛaatee naanɔ, ni asaŋ mɔ ko shɔŋ amɛ yɛ midɛŋ.

Yohane 3:15

koni mɔ fɛɛ mɔ ni heɔ enɔ eyeɔ lɛ ana naanɔ wala.”

Yohane 3:18

Mɔ ni heɔ enɔ yeɔ lɛ, akojooo lɛ; shi mɔ ni heee yeee lɛ, akojo lɛ momo, ejaakɛ eheko Nyɔŋmɔ Bi koome lɛ gbɛi lɛ nɔ eyeko.

Yohane 3:36

Mɔ ni heɔ Bi lɛ nɔ eyeɔ lɛ, eyɛ naanɔ wala; shi mɔ ni booo Bi lɛ toi lɛ, enaŋ wala; shi moŋ Nyɔŋmɔ mlifu hiɔ enɔ.

Yohane 6:40

Ejaakɛ enɛ ji mí-Tsɛ suɔmɔnaanii, akɛ mɔ fɛɛ mɔ ni kwɛɔ Bi lɛ ni eheɔ enɔ eyeɔ lɛ ana naanɔ wala, ni mi lɛ mitee lɛ shi yɛ naagbee gbi lɛ nɔ.”

Romabii 5:10

Ejaakɛ kɛ be mli ni wɔji henyɛlɔi lɛ ni akɛ Nyɔŋmɔ Bi lɛ gbele lɛ bakpãtã wɔ kɛ Nyɔŋmɔ teŋ lɛ, agbɛnɛ ni akpãtã wɔteŋ nɛɛ, aaahere wɔyiwala yɛ ewala lɛ mli aahu.

Romabii 5:8

Shi Nyɔŋmɔ jieɔ lɛ diɛŋtsɛ esuɔmɔ ni ekɛsumɔ wɔ lɛ shi etsɔ̃ɔ, akɛ be mli ni wɔji eshafeelɔi lɛ beebe ni Kristo bagbo yɛ wɔnajiaŋ.

Romabii 8:32

Lɛ mɔ ni kãmãaa wɔ lɛ diɛŋtsɛ eBi lɛ, shi moŋ ekɛ lɛ hã yɛ wɔ fɛɛ wɔnajiaŋ lɛ, ani eŋɔŋ nibii fiaa efataŋ ehe ekeŋ wɔ?

Efesobii 2:4

Shi Nyɔŋmɔ ni emɔbɔnalɛ fa babaoo lɛ, etsɔ̃ lɛ diɛŋtsɛ esuɔmɔ babaoo ni ekɛsumɔ wɔ lɛ nɔ,

2 Tesalonikabii 2:16

Shi lɛ wɔNuŋtsɔ Yesu Kristo lɛ diɛŋtsɛ kɛ wɔTsɛ Nyɔŋmɔ ni sumɔ wɔ ni ekɛ naanɔ miishɛjemɔ kɛ hiɛnɔkãmɔ kpakpa hã wɔ yɛ dromɔ naa lɛ,

Tito 3:4

Shi be ni Nyɔŋmɔ ni ji wɔyiwalaherelɔ lɛ mlihilɛ kɛ egbɔmɛiahedɔɔ lɛ pue lɛ,

Hebribii 2:9

Shi mɔ ni be kuku ko mli lɛ ahã shwɛ fioo ni ekɛ ŋwɛi bɔfoi aye egbɔ lɛ, wɔna akɛ Yesu ni, mɔ ni gbele mli nɔnaa hewɔ ni akɛ anunyam kɛ woo fi lɛ akekre lɛ, bɔ ni afee ni Nyɔŋmɔ dromɔ naa lɛ esa enaa gbele ehã mɔ fɛɛ mɔ.

1 Yohane 3:1

Nyɛkwɛa suɔmɔ bɔ sɔŋŋ ni Tsɛ lɛ kɛsumɔ wɔ, akɛ atsɛ wɔ Nyɔŋmɔ bii, ni nakai wɔji! Enɛ hewɔ lɛ, je lɛ leee wɔ, ejaakɛ eleee Nyɔŋmɔ.

1 Yohane 4:19

Wɔsumɔɔ Nyɔŋmɔ, ejaakɛ lɛ tsutsu esumɔ wɔ.

Kpojiemɔ 1:5

kɛ Yesu Kristo ni ji odasefonyo anɔkwafo lɛ, gbohii ateŋ kromɔbi kɛ shikpɔŋ lɛ nɔ maŋtsɛmɛi lɛ anɔyelɔ lɛ dɛŋ. Esumɔɔ wɔ, ni ekɛ lɛ diɛŋtsɛ elá etsuu wɔhe kɛjɛ wɔhe eshai lɛ amli,