Yohane 3:15 - ŊMALƐ KRƆŊKRƆŊ LƐ

¹⁵ koni mɔ fɛɛ mɔ ni heɔ enɔ eyeɔ lɛ ana naanɔ wala.”

Ṅmãle̱ Kroṅkroṅ Le̱

¹⁵ Koni mofẽmo ni heo̱ eno̱ yeo̱ le̱ hĩe akakpãtã, ši moṅ ená nāno̱ wala.

Yohane 3:15 ပူးပေါင်းရင်းမြစ်များ

Yesaia 11:10

Be miiba be ni maŋtsɛ ni aaajɛ Ishai mli lɛ baatsɔ̃ tamɔ aflaŋaa ni ashi ahã majimaji lɛ. Lɛ esɛɛgbɛ maji lɛ fɛɛ aaatao, ni eshihilɛhe lɛ hiɛ baaba nyam.

Yesaia 45:22

“Jeŋ gbɔmɛi fɛɛ, nyɛkua nyɛsɛɛ kɛbaa miŋɔɔ, koni ahere nyɛyiwala. Ejaakɛ mi pɛ ji Nyɔŋmɔ, ni kɛjɛ misɛɛ lɛ mɔ ko bɛ dɔŋŋ.

4 Mose 21:9

No hewɔ lɛ, Mose kɛ akɔɔble fee onufu, ni ekɛtsotsoro tso bloblo nɔ ni ekɛma shi. Mɔ fɛɛ mɔ ni onufui lɛ eko ekɔ̃ lɛ lɛ, ewoɔ ehiɛ nɔ ekwɛɔ akɔɔble onufu lɛ, ni eyi naa wala.

Mateo 18:10

“Nyɛkwɛa jogbaŋŋ koni nyɛkabu mɛi bibii nɛɛ ateŋ mɔ ko mɔ ko akɛ ejeee mɔ ko; ejaakɛ miikɛɛ nyɛ akɛ, amɛbɔfoi ni yɔɔ ŋwɛi lɛ kwɛɔ miTsɛ ni yɔɔ ŋwɛi lɛ hiɛ daa. [

Mateo 25:46

Ni mɛnɛɛmɛi lɛ, amɛaatee naanɔ hejaramɔ mli; shi jalɔi lɛ aaatee naanɔ wala mli.”

Marko 16:16

Mɔ ni heɔ yeɔ ni aaabaptisi lɛ lɛ, aaahere eyiwala, shi mɔ ni heee yeee lɛ, aaabu lɛ fɔ.

Luka 19:10

Ejaakɛ Gbɔmɔ Bi lɛ ba nɔ ni elaaje lɛ taomɔ kɛ eyiwalaheremɔ.”

Yohane 1:12

Shi mɛi abɔ ni here lɛ, ni amɛhe egbɛi lɛ nɔ amɛye lɛ, ehã amɛ hegbɛ akɛ amɛtsɔ̃mɔ Nyɔŋmɔ bii,

Yohane 16:33

Mikɛɛ nyɛ nii nɛɛ, koni nyɛna hejɔlɛ yɛ mimli. Je lɛ mli lɛ, nyɛbaana amanehulu, shi nyɛtsui anyɔa nyɛmli, miye je lɛ nɔ kunim.”

Yohane 20:31

shi enɛɛmɛi lɛ aŋma koni nyɛhe nyɛye akɛ Yesu ji Kristo, Nyɔŋmɔ Bi lɛ, ni kɛ nyɛhe nyɛye lɛ, nyɛaana wala kɛtsɔ̃ egbɛi lɛ nɔ.

Yohane 3:16

“Ejaakɛ nɛkɛ Nyɔŋmɔ sumɔ je lɛ, akɛ eŋɔ eBi koome lɛ ehã, koni mɔ fɛɛ mɔ ni heɔ enɔ yeɔ lɛ hiɛ akakpãtã, shi moŋ ena naanɔ wala.

Yohane 3:36

Mɔ ni heɔ Bi lɛ nɔ eyeɔ lɛ, eyɛ naanɔ wala; shi mɔ ni booo Bi lɛ toi lɛ, enaŋ wala; shi moŋ Nyɔŋmɔ mlifu hiɔ enɔ.

Yohane 5:24

“Anɔkwale mikɛɔ nyɛ akɛ, mɔ ni nuɔ miwiemɔ ni eheɔ mɔ ni tsu mi lɛ eyeɔ lɛ, eyɛ naanɔ wala, ni ebaŋ kojomɔ mli, shi moŋ efo mli yɛ gbele mli kɛtee wala mli.

Yohane 6:27

Nyɛkatsua ŋmaa ni fiteɔ lɛ he nii, shi moŋ nyɛtsua ŋmaa ni hiɔ shi kɛyaa naanɔ wala mli ni Gbɔmɔ Bi lɛ aaahã nyɛ lɛ he nii, ejaakɛ lɛ enaa Tsɛ Nyɔŋmɔ lɛ esɔo.”

Yohane 6:40

Ejaakɛ enɛ ji mí-Tsɛ suɔmɔnaanii, akɛ mɔ fɛɛ mɔ ni kwɛɔ Bi lɛ ni eheɔ enɔ eyeɔ lɛ ana naanɔ wala, ni mi lɛ mitee lɛ shi yɛ naagbee gbi lɛ nɔ.”

Yohane 6:47

Anɔkwale mikɛɔ nyɛ akɛ, mɔ ni heɔ yeɔ lɛ eyɛ naanɔ wala.

Bɔfoi 13:41

‘Nyɛkwɛa, nyɛ heguɔgbelɔi, ni nyɛhiɛ afea nyɛ yaa, ni nyɛhiɛ akpãtãa, ejaakɛ mibatsu nitsumɔ ko yɛ nyɛyinɔ, nitsumɔ ko ni kɛ mɔ ko gba nyɛ tete lɛ, nyɛheŋ nyɛyeŋ kɔkɔɔkɔ.’ ”

Bɔfoi 8:36

Ni be ni amɛnyiɛ gbɛ lɛ nɔ lɛ, amɛbashɛ nu ko he, ni piafonyo lɛ kɛɛ, “Naa nu; mɛni tsiɔ mibaptisimɔ gbɛ?” [

Romabii 5:21

koni bɔ nɔŋŋ ni esha lɛ ye maŋtsɛ yɛ gbele mli lɛ, nakai nɔŋŋ dromɔ lɛ atsɔ̃ jalɛ nɔ aye maŋtsɛ kɛya naanɔ wala mli yɛ Yesu Kristo, wɔNuŋtsɔ lɛ, hewɔ.

1 Korintobii 1:18

Ejaakɛ sɛŋmɔtso lɛ he sane lɛ ji kwashiai asane hã mɛi ni hiɛ kpãtãa lɛ; shi wɔ mɛi ni ahereɔ wɔyiwala lɛ, eji Nyɔŋmɔ hewalɛ hã wɔ.

2 Korintobii 4:3

Shi kɛ ha aha wɔsanekpakpa lɛ hiɛ tete lɛ, mɛi ni laajeɔ lɛ amli kɛkɛ aha hiɛ yɛ,

Galatabii 2:16

shi akɛni wɔle akɛ abuuu gbɔmɔ bem kɛjɛɛɛ Mla nitsumɔi amli, akɛ ja atsɔ̃ Yesu Kristo nɔ hemɔkɛyeli lɛ nɔ kɛkɛ lɛ, wɔ hu wɔhe Kristo Yesu nɔ wɔye, koni abu wɔ bem yɛ Kristo nɔ hemɔkɛyeli mli, ni jeee Mla nitsumɔi amli, ejaakɛ abuŋ gbɔmɔ ko gbɔmɔ ko bem kɛjɛŋ Mla nitsumɔi amli.

Galatabii 2:20

Asɛŋ mi kɛ Kristo; hewɔ lɛ jeee mi mihiɛ kã dɔŋŋ, shi Kristo ni hiɛ kã yɛ mimli; shi mihiɛ ni kã yɛ heloo mli agbɛnɛ nɛɛ, Nyɔŋmɔ Bi lɛ ni sumɔ mi ni ekɛ ehe hã yɛ mihewɔ lɛ nɔ hemɔkɛyeli mli mihiɛ kã yɛ.

Hebribii 10:39

Shi wɔ lɛ, jeee mɛi ni kpaleɔ kɛyaa hiɛkpãtãmɔ mli lɛ ateŋ mɛi komɛi ji wɔ, shi moŋ wɔji mɛi ni kɛ hemɔkɛyeli naa amɛsusuma yiwalaheremɔ lɛ ateŋ mɛi komɛi.

Hebribii 7:25

No hewɔ hu lɛ enyɛɔ mɛi ni tsɔ̃ɔ enɔ kɛbaa Nyɔŋmɔ ŋɔɔ lɛ ayiwala ehereɔ kwraa, akɛni eyɛ daa koni edamɔ mli ehã amɛ lɛ.

1 Yohane 2:25

Ni enɛ ji shi ni ewo wɔ lɛ — naanɔ wala lɛ.

1 Yohane 5:1

Mɔ fɛɛ mɔ ni heɔ yeɔ akɛ Yesu ji Kristo lɛ, Nyɔŋmɔ fɔ lɛ. Ni mɔ fɛɛ mɔ ni sumɔɔ mɔ ni fɔ lɛ lɛ, esumɔɔ mɔ ni efɔ lɛ hu.

1 Yohane 5:20

Wɔle akɛ Nyɔŋmɔ Bi lɛ eba, ni ehã wɔ jwɛŋmɔ koni wɔle anɔkwafo lɛ. Ni wɔyɛ anɔkwafo lɛ mli, yɛ eBi Yesu Kristo lɛ mli, mɔ ni ji anɔkwa Nyɔŋmɔ lɛ kɛ naanɔ wala lɛ.