Yohane 21:16 - ŊMALƐ KRƆŊKRƆŊ LƐ

¹⁶ Esaa ebi lɛ nɔ ni ji shi enyɔ akɛ, “Simon, Yona bi, oosumɔ mi lo?” Ekɛɛ lɛ akɛ, “Hɛɛ, Nuŋtsɔ, ole akɛ miisumɔ bo.” Yesu kɛɛ lɛ akɛ, “Kwɛmɔ mitoi lɛ!”

Ṅmãle̱ Kroṅkroṅ Le̱

¹⁶ Esā ekē̱le̱ noni dši ši enyo̱ ake̱: Simon, Iona bi, ōsumo̱mi lo? Ekē̱le̱ ake̱: Hē̃, Nuṅtšo̱, ole ake̱ mīdo̱ ohe. Ekē̱le̱ ake̱: *Kwe̱mo̱ mitōi le̱! *1 Pet. 5,2. 4.

Yohane 21:16 ပူးပေါင်းရင်းမြစ်များ

Lalai 100:3

Nyɛnaa nyɛlea akɛ Yehowa lɛ, lɛ ji Nyɔŋmɔ! Lɛ ebɔ wɔ, ni lɛ enii ji wɔ; emaŋ kɛ elɛɛhe lɛ toi ji wɔ.

Lalai 95:7

Ejaakɛ lɛ ji wɔNyɔŋmɔ, ni wɔji elɛɛhe lɛŋ mɛi kɛ edɛŋ toi. Oo, mina ni kulɛ ŋmɛnɛ nyɛbo egbee toi!

Zakaria 13:7

Yehowa Taiatsɛ lɛ kɛɛ ekoŋŋ akɛ, “Bo klante, wo ohe nɔ owo mitookwɛlɔ lɛ, mɔ ni ji misɛɛ mɔ lɛ, koni toi lɛ agbɛ ashwã. Mawo minine nɔ yɛ too bibiibii tete anɔ ni maplenee amɛ.

Mateo 2:6

‘Ni bo, Betlehem ni oyɔɔ Yuda shikpɔŋ lɛ nɔ lɛ, jeee bo ji bibioo fe fɛɛ yɛ Yuda lumɛi lɛ ateŋ kwraa, shi omli lumɔ ni aaakwɛ mimaŋ Israel lɛ aaajɛ!’ ”

Mateo 25:32

ni aaabua jeŋmaji lɛ fɛɛ anaa yɛ ehiɛ, ni eeegbala amɛmli tamɔ bɔ ni tookwɛlɔ gbalaa gwantɛŋi kɛ abotiai amli lɛ.

Mateo 26:72

Ni etso ekoŋŋ kɛ kitãkãmɔ ekɛɛ, “Mileee gbɔmɔ lɛ.”

Luka 19:10

Ejaakɛ Gbɔmɔ Bi lɛ ba nɔ ni elaaje lɛ taomɔ kɛ eyiwalaheremɔ.”

Yohane 18:17

Kɛkɛ lɛ oblayoo lɛ ni buɔ shinaa lɛ naa lɛ kɛɛ Petro akɛ, “Te bo hu nuu nɛɛ kaselɔi lɛ eko ji bo?” Ekɛɛ, “Dabi.”

Yohane 18:25

Shi Simon Petro damɔ shi eewere la lolo. Kɛkɛ lɛ amɛkɛɛ lɛ akɛ, “Te bo hu ekaselɔi lɛ eko ji bo?” Petro tso ni ekɛɛ, “Dabida.”

Yohane 21:17

Ebi lɛ nɔ ni ji shii etɛ̃ akɛ, “Simon, Yona bi, oosumɔ mi lo?” Edɔ Petro akɛ ebi lɛ nɔ ni ji shii etɛ̃ akɛ, “Oosumɔ mi lo?” lɛ; ni ekɛɛ lɛ akɛ, “Nuŋtsɔ, ole nii fiaa, ole akɛ miisumɔ bo.” Yesu kɛɛ lɛ akɛ, “Lɛɛ mitoi lɛ!

Bɔfoi 20:28

No hewɔ lɛ, nyɛlea nyɛhenɔkwɛmɔ kɛ toiku lɛ fɛɛ ni Mumɔ Krɔŋkrɔŋ lɛ ewo nyɛ amɛnɔkwɛlɔi lɛ, koni nyɛlɛ Nyɔŋmɔ asafo lɛ ni ekɛ lɛ diɛŋtsɛ elá he lɛ.

Hebribii 13:20

Shi hejɔlɛ Nyɔŋmɔ lɛ, mɔ ni jie toi lɛ akwɛlɔ kpeteŋkple ni ji wɔNuŋtsɔ Yesu kɛjɛ gbohii ateŋ yɛ naanɔ kpãŋmɔ lɛ lá lɛ mli lɛ,

1 Petro 2:25

Ejaakɛ kulɛ nyɛtamɔ toi ni elaaje, shi agbɛnɛ lɛ nyɛku nyɛsɛɛ kɛba nyɛsusumai alɛlɔ kɛ nɔkwɛlɔ lɛ ŋɔɔ.

1 Petro 5:2

Nyɛlɛa Nyɔŋmɔ tooku ni yɔɔ nyɛteŋ lɛ, nyɛkwɛa nɔ, jeee nɔnyɛɛ naa, shi moŋ yɛ suɔmɔ naa; tamɔ bɔ ni Nyɔŋmɔ taoɔ, asaŋ jeee sɛɛnamɔ ni yɔɔ hiɛgbele hewɔ, shi moŋ tsuijurɔ naa;

Kpojiemɔ 7:17

ejaakɛ Toobi lɛ ni yɔɔ maŋtsɛ sɛ̃i lɛ teŋ lɛ aaalɛ amɛ, ni eeetsɔ̃ɔ amɛ gbɛ kɛaatee wala nubui ahe. Ni Nyɔŋmɔ aaatsumɔ amɛhiɛiaŋ yaafonui fɛɛ.”