Yohane 21:12 - ŊMALƐ KRƆŊKRƆŊ LƐ

¹² Yesu kɛɛ amɛ akɛ, “Nyɛbaa nyɛbakpaa nyɛnaa nɔ ko.” Ni kaselɔi lɛ ateŋ mɔ ko ekaaa lɛ bimɔ akɛ, “Namɔ ji bo?” Ejaakɛ amɛle akɛ Nuŋtsɔ lɛ ni.

Ṅmãle̱ Kroṅkroṅ Le̱

¹² Iesu kē̱ame̱ ake̱: Nyebakpaä nyenā noko. Ni kaselo̱i le̱ ateṅ moko ekaale̱ bimo̱ ake̱: Namo dšio? edšake̱ ame̱le ake̱ Nuṅtšo̱ le̱ ni.

Yohane 21:12 ပူးပေါင်းရင်းမြစ်များ

Mateo 22:46

Ni mɔ ko nyɛɛɛ lɛ hetoo ko ahã, ni asaŋ kɛjɛ nakai gbi lɛ nɔ lɛ mɔ ko ekaaa lɛ nɔ ko bimɔ dɔŋŋ.

Marko 9:32

Shi amɛnaaa nakai wiemɔ lɛ naa, ni amɛmiishe gbeyei hu akɛ amɛaabi lɛ.

Luka 9:45

Shi amɛ lɛ amɛnaaa wiemɔ nɛɛ shishi, ni akɛtee amɛ ni amɛkayoo sɛɛ, ni amɛmiishe gbeyei akɛ amɛaabi lɛ wiemɔ nɛɛ he nɔ ko.

Yohane 16:19

Yesu na akɛ amɛmiitao akɛ amɛbiɔ lɛ, ni ekɛɛ amɛ akɛ, “Ni mikɛɛ akɛ eshwɛ fioo ni nyɛnaŋ mi, ni asaŋ eshwɛ fioo ni nyɛbaana mi lɛ, no he nii nyɛbibiɔ nyɛhe nɛɛ?

Yohane 21:11

Simon Petro tee lɛlɛ lɛ mli, ni eyagbala yaa lɛ kɛba shikpɔŋ kɛ emli loo wuji obɔ̃, oha kɛ nyɔŋmai enumɔ kɛ etɛ̃ ni loo lɛ fa nɛkɛ moŋ, shi kɛ̃lɛ yaa lɛ gbalaaa.

Yohane 21:15

Be ni amɛye nii lɛ tã lɛ, Yesu bi Simon Petro akɛ, “Simon, Yona bi, oosumɔ mi fe mɛnɛɛmɛi lo?” Ekɛɛ lɛ akɛ, “Hɛɛ, Nuŋtsɔ, ole akɛ miisumɔ bo.” Yesu kɛɛ lɛ akɛ, “Lɛɛ mitoobii lɛ!”

Yohane 4:27

Kɛkɛ ni ekaselɔi lɛ ba, ni amɛhiɛ fee amɛ yaa akɛ ekɛ yoo miiwie, shi kɛ̃lɛ mɔ ko biii lɛ akɛ, “Mɛni obiɔ lɛ?” Aloo “Mɛni wiemɔ okɛ lɛ wieɔ?”

Bɔfoi 10:41

jeee mɛi lɛ fɛɛ ejie ehe kpo etsɔ̃ɔ, shi moŋ odasefoi ni Nyɔŋmɔ ehala eto momo lɛ, ni ji wɔ mɛi ni wɔkɛ lɛ ye nii ni wɔkɛ lɛ nu, be ni ete shi kɛjɛ gbohii ateŋ lɛ sɛɛ lɛ.