Yohane 20:31 - ŊMALƐ KRƆŊKRƆŊ LƐ

³¹ shi enɛɛmɛi lɛ aŋma koni nyɛhe nyɛye akɛ Yesu ji Kristo, Nyɔŋmɔ Bi lɛ, ni kɛ nyɛhe nyɛye lɛ, nyɛaana wala kɛtsɔ̃ egbɛi lɛ nɔ.

Ṅmãle̱ Kroṅkroṅ Le̱

³¹ ši ene̱mei le̱ aṅmã, koni nyehé nyeye ake̱ Iesu dši Kristo, Nyoṅmo̱ bi le̱, ni ké̱ *nyeheo̱ nyeyeo̱ le̱, ní nyená wala ye̱ egbe̱i le̱ mli, *1 Ioh. 5,18.

Yohane 20:31 ပူးပေါင်းရင်းမြစ်များ

Lalai 2:12

nyɛkɛ hekpokpomɔ akotoa lɛ; kɛjeee nakai lɛ emli baafu nyɛ oya, ni nyɛhiɛ aaakpãtã. Ajɔɔ mɛi fɛɛ ni baa lɛ abo lɛ.

Lalai 2:7

“Mashiɛ akpɔ ni Yehowa ewo mi lɛ,” Ekɛɛ, “Mibi ji bo, ŋmɛnɛ gbi nɛɛ mifɔ bo.

Mateo 16:16

Simon Petro here nɔ ekɛɛ, “Bo ji Kristo lɛ, Nyɔŋmɔ hiɛkãalɔ lɛ Bi lɛ!”

Mateo 27:54

Shi be ni asraafoiohaatsɛ lɛ kɛ mɛi ni kɛ lɛ buɔ Yesu he lɛ na shikpɔŋ hosomɔ lɛ kɛ nii ni afee lɛ, amɛshe gbeyei tsɔ̃, ni amɛkɛɛ, “Lɛɛlɛŋ, Nyɔŋmɔ Bi nɛ!”

Mateo 4:3

Ni abonsam lɛ ba eŋɔɔ ebakɛɛ lɛ akɛ, “Kɛji Nyɔŋmɔ Bi ji bo lɛ, fã koni tɛi nɛɛ atsɔ̃mɔ aboloo.”

Marko 16:16

Mɔ ni heɔ yeɔ ni aaabaptisi lɛ lɛ, aaahere eyiwala, shi mɔ ni heee yeee lɛ, aaabu lɛ fɔ.

Luka 1:35

Ni bɔfo lɛ to he ekɛɛ lɛ akɛ, “Mumɔ Krɔŋkrɔŋ aaaba onɔ. Ni Ŋwɛinyo lɛ hewalɛ aaabaha onɔ, No hewɔ lɛ, nakai bi krɔŋkrɔŋ lɛ hu ni ooofɔ lɛ, aaatsɛ lɛ Nyɔŋmɔ Bi.

Luka 1:4

koni ona anɔkwale ni yɔɔ nii ni atsɔ̃ɔ bo lɛ mli.

Luka 24:47

ni ashiɛ tsuitsakemɔ kɛ eshaifaa yɛ egbɛi lɛ mli atsɔ̃ɔ maji fɛɛ, ni abɔ̃i kɛjɛ Yerusalɛm.

Yohane 1:49

Natanael here nɔ ni ekɛɛ lɛ akɛ, “Rabi, bo ji Nyɔŋmɔ Bi lɛ, bo ji Israel Maŋtsɛ lɛ.”

Yohane 10:10

Julɔ baaa yaka, shi juu kɛ gbee kɛ hiɛkpãtãmɔ hewɔ ebaa; mi lɛ miba bɔ ni afee ni amɛna wala ni amɛna ni ateke nɔ.

Yohane 19:35

Ni mɔ ni na lɛ, lɛ eye he odase nɛɛ, ni edase lɛ anɔkwaŋ, ni ele akɛ anɔkwale ewieɔ, koni nyɛhe nyɛye.

Yohane 20:28

Toma here nɔ ni ekɛɛ lɛ akɛ, “MiNuŋtsɔ kɛ miNyɔŋmɔ.”

Yohane 3:18

Mɔ ni heɔ enɔ yeɔ lɛ, akojooo lɛ; shi mɔ ni heee yeee lɛ, akojo lɛ momo, ejaakɛ eheko Nyɔŋmɔ Bi koome lɛ gbɛi lɛ nɔ eyeko.

Yohane 3:36

Mɔ ni heɔ Bi lɛ nɔ eyeɔ lɛ, eyɛ naanɔ wala; shi mɔ ni booo Bi lɛ toi lɛ, enaŋ wala; shi moŋ Nyɔŋmɔ mlifu hiɔ enɔ.

Yohane 5:24

“Anɔkwale mikɛɔ nyɛ akɛ, mɔ ni nuɔ miwiemɔ ni eheɔ mɔ ni tsu mi lɛ eyeɔ lɛ, eyɛ naanɔ wala, ni ebaŋ kojomɔ mli, shi moŋ efo mli yɛ gbele mli kɛtee wala mli.

Yohane 6:40

Ejaakɛ enɛ ji mí-Tsɛ suɔmɔnaanii, akɛ mɔ fɛɛ mɔ ni kwɛɔ Bi lɛ ni eheɔ enɔ eyeɔ lɛ ana naanɔ wala, ni mi lɛ mitee lɛ shi yɛ naagbee gbi lɛ nɔ.”

Bɔfoi 10:43

Lɛ ehe odase gbalɔi lɛ fɛɛ yeɔ, akɛ mɔ fɛɛ mɔ ni heɔ enɔ yeɔ lɛ aaana ehe eshai faa yɛ egbɛi lɛ hewɔ.”

Bɔfoi 3:16

Ni egbɛi lɛ nɔ hemɔkɛyeli naa, ni egbɛi lɛ tsa nuu nɛɛ ni nyɛnaa ni nyɛle lɛ; ni enɔ hemɔkɛyeli lɛ ehã efee kpiŋtiŋkpliŋŋ yɛ nyɛ fɛɛ nyɛhiɛ nɛɛ.

Bɔfoi 8:36

Ni be ni amɛnyiɛ gbɛ lɛ nɔ lɛ, amɛbashɛ nu ko he, ni piafonyo lɛ kɛɛ, “Naa nu; mɛni tsiɔ mibaptisimɔ gbɛ?” [

Bɔfoi 8:37

Shi Filipo kɛɛ, “Kɛji ohe oye kɛ otsuiŋ fɛɛ lɛ, oyɛ hegbɛ.” Ni ehere nɔ ekɛɛ, “Miihe miiye akɛ Yesu Kristo ji Nyɔŋmɔ Bi lɛ.”]

Bɔfoi 9:20

Ni amrɔ lɛ nɔŋŋ eshiɛ yɛ kpeehei lɛ akɛ Yesu ji Nyɔŋmɔ Bi lɛ.

1 Petro 1:9

ejaakɛ nyɛnine miishɛ nyɛhemɔkɛyeli naagbee ni ji nyɛsusumai ayiwalaheremɔ lɛ nɔ.

1 Yohane 4:15

Mɔ fɛɛ mɔ ni jajeɔ faŋŋ akɛ Yesu ji Nyɔŋmɔ Bi lɛ, Nyɔŋmɔ hiɔ emli, ni lɛ hu ehiɔ Nyɔŋmɔ mli.

1 Yohane 5:1

Mɔ fɛɛ mɔ ni heɔ yeɔ akɛ Yesu ji Kristo lɛ, Nyɔŋmɔ fɔ lɛ. Ni mɔ fɛɛ mɔ ni sumɔɔ mɔ ni fɔ lɛ lɛ, esumɔɔ mɔ ni efɔ lɛ hu.

1 Yohane 5:20

Wɔle akɛ Nyɔŋmɔ Bi lɛ eba, ni ehã wɔ jwɛŋmɔ koni wɔle anɔkwafo lɛ. Ni wɔyɛ anɔkwafo lɛ mli, yɛ eBi Yesu Kristo lɛ mli, mɔ ni ji anɔkwa Nyɔŋmɔ lɛ kɛ naanɔ wala lɛ.

2 Yohane 1:9

Mɔ fɛɛ mɔ ni tekeɔ Kristo tsɔ̃ɔmɔ lɛ ni ehiii mli lɛ, ebɛ Nyɔŋmɔ; mɔ ni hiɔ Kristo tsɔ̃ɔmɔ lɛ mli lɛ, eyɛ Tsɛ lɛ kɛ Bi lɛ.

Kpojiemɔ 2:18

“Ni Tiatira asafo lɛ bɔfo lɛ; ŋmaa oyahã lɛ akɛ, “Nii ni Nyɔŋmɔ Bi lɛ ni ehiŋmɛii tamɔ lalilɛi ni enaji tamɔ ayawa kaŋkaŋ lɛ kɛɛ nɛ.