Yohane 20:26 - ŊMALƐ KRƆŊKRƆŊ LƐ

²⁶ Ni gbii kpaanyɔ sɛɛ ekoŋŋ lɛ ekaselɔi lɛ yɛ tsu mli, ni Toma hu yɛ mli. Ni aŋamɔ shinai lɛ ni Yesu ba, ni ebadamɔ amɛteŋ ni ekɛɛ, “Hejɔlɛ ahã nyɛ!”

Ṅmãle̱ Kroṅkroṅ Le̱

²⁶ Ni gbĩĩ kpānyo̱ se̱ ekoṅ le̱ ekaselo̱i le̱ ye̱ tšũ mli, ni Toma hũ ye̱ mli. Ni *aṅãmo̱ šĩnāi le̱ ni Iesu ba, ni ebadamo̱ ame̱teṅ ni ekē̱: Hedšo̱le̱ ahãnye! *K. 19.

Yohane 20:26 ပူးပေါင်းရင်းမြစ်များ

Yesaia 26:12

Ao Yehowa, oooha wɔna toiŋjɔlɛ ejaakɛ nitsumɔi fɛɛ ni wɔtsu lɛ, bo ji mɔ ni otsu.

Yesaia 27:5

Kɛji miwebii ahenyɛlɔi lɛ miitao mihebuu lɛ, ja amɛbaba mi abo, ni amɛkɛ mi kpãtã. Hɛɛ! Ja amɛna amɛkɛ mi kpãtã!”

Yesaia 54:10

Gɔji lɛ aaaje amɛshihilɛhei lɛ aya, ni gɔŋkpɔi lɛ hu aaafamɔ kɛaatee nɛ, shi suɔmɔ ni miyɔɔ ha bo lɛ tsakeŋ, ni mi kɛ bo teŋ toiŋjɔlɛ kpãŋmɔ lɛ hu mikuŋ mli.” Bɔ ni Yehowa mɔ ni musuŋ tsɔ̃ɔ lɛ yɛ ohe lɛ kɛɛ nɛ,

Mateo 17:1

Gbii ekpaa sɛɛ lɛ, Yesu ŋɔ Petro kɛ Yakobo kɛ enyɛmi Yohane, ni ekɛ amɛ tee gɔŋ ni kwɔ ko nɔ, ekɛ amɛ pɛ.

Marko 16:14

Fee sɛɛ lɛ ejie ehe kpo etsɔ̃ɔ mɛi nyɔŋma kɛ ekome lɛ diɛŋtsɛ, be ni amɛtara niyenii ashi lɛ, ni ekã amɛhiɛ yɛ he ni amɛheee amɛyeee kɛ amɛtsuiwalɛ lɛ hewɔ, ejaakɛ amɛheee mɛi ni na lɛ yɛ eshitee lɛ sɛɛ lɛ amɛyeee.

Luka 24:36

Ni be ni amɛwieɔ nii nɛɛ ahe lɛ, Yesu diɛŋtsɛ badamɔ amɛteŋ ni ekɛɛ amɛ akɛ, “Hejɔlɛ ahã nyɛ!”

Luka 9:28

Wiemɔi nɛɛ asɛɛ aaafee gbii kpaanyɔ lɛ Yesu ŋɔ Petro kɛ Yohane kɛ Yakobo, ni ekɛ amɛ tee gɔŋ ko nɔ ni eyasɔle.

Yohane 11:16

Kɛkɛ lɛ Toma, mɔ ni atsɛɔ lɛ Didimo lɛ, kɛɛ enanemɛi kaselɔi lɛ akɛ, “Nyɛhãa wɔ hu wɔyaa, ni wɔ kɛ lɛ ayagboa.”

Yohane 14:27

“Hejɔlɛ mishiɔ mahã nyɛ, hejɔlɛ ni ji minɔ lɛ mikɛhãa nyɛ, jeee bɔ ni je lɛ hãa lɛ mihãa nyɛ nɛɛ. Nyɛtsui akayea, ni asaŋ nyɛkashea gbeyei.

Yohane 20:19

Kɛkɛ lɛ nakai gbi lɛ ni ji otsi lɛ klɛŋklɛŋ gbi lɛ nɔŋŋ gbɛkɛ, be ni Yudafoi lɛ ashemɔ hewɔ lɛ aŋamɔ shinai he ni kaselɔi lɛ ebua amɛhe naa yɛ lɛ Yesu ba ni ebadamɔ amɛteŋ ni ekɛɛ amɛ akɛ “Hejɔlɛ ahã nyɛ!”

Yohane 20:21

Yesu saa kɛɛ amɛ ekoŋŋ akɛ, “Hejɔlɛ ahã nyɛ! Bɔ ni Tsɛ lɛ tsu mi lɛ, nakai mi hu mitsuɔ nyɛ nɛɛ.”

Yohane 21:1

Nii nɛɛ asɛɛ lɛ Yesu saa jie ehe kpo ekoŋŋ etsɔ̃ɔ kaselɔi lɛ yɛ Tiberia Ŋshɔ lɛ naa. Ni bɔ ni ejie ehe kpo etsɔ̃ɔ amɛ nɛ.

Yohane 21:14

Enɛ ji shii etɛ̃ ni Yesu jie ehe kpo etsɔ̃ɔ ekaselɔi lɛ, be ni ete shi kɛjɛ gbohii ateŋ lɛ.

Bɔfoi 1:3

Emanehulu lɛ sɛɛ lɛ, etsɔ̃ odaseyeli nibii pii anɔ ejie ehe kpo etsɔ̃ɔ bɔfoi nɛɛ akɛ ehiɛ kã, ni ehã amɛna lɛ gbii nyɔŋmai ejwɛ sɔŋŋ, ni ekɛ amɛ wie Nyɔŋmɔ maŋtsɛyeli lɛ he.