Yohane 20:17 - ŊMALƐ KRƆŊKRƆŊ LƐ

¹⁷ Yesu kɛɛ lɛ akɛ, “Kaata mihe; miyako ŋwɛi yɛ miTsɛ ŋɔɔ; shi yaa minyɛmimɛi lɛ aŋɔɔ ni oyakɛɛ amɛ akɛ, miiya ŋwɛi yɛ miTsɛ kɛ nyɛ hu nyɛTsɛ kɛ miNyɔŋmɔ kɛ nyɛ hu nyɛNyɔŋmɔ lɛ ŋɔɔ.”

Ṅmãle̱ Kroṅkroṅ Le̱

¹⁷ Iesu kē̱le̱ ake̱: Kāta mihe; edšake̱ mináko maya ṅwei ye̱ mitše̱ ṅõ; ši ya *minyemimei le̱ aṅõ ní oyakē̱ame̱ ake̱: Mīya ṅwei ye̱ mitše̱ ke̱ nye hũ nyetše̱ ke̱ mi-Nyoṅmo̱ ke̱ nye hũ nye-Nyoṅmo̱ lo̱ ṅõ. *Heb. 2,11. 12.

Yohane 20:17 ပူးပေါင်းရင်းမြစ်များ

2 Maŋtsɛmɛi 4:29

Kɛkɛ ni Elisha kɛɛ Gehazi akɛ, “Miamɔ, ni okɔ midɛŋhiɛmɔtso lɛ ohiɛ odɛ̃, ni oya. Kɛji okɛ mɔ ko kpe yɛ gbɛ lɛ nɔ lɛ, kaaŋa lɛ; ni kɛji mɔ ko ŋa bo lɛ, kaahere lɛ nɔ, ni oya ni okɛ mitso lɛ ayafɔ gbekɛ lɛ hiɛŋtso nɔ.”

2 Maŋtsɛmɛi 7:9

Kɛkɛ lɛ amɛkɛɛkɛɛ amɛhe akɛ, “Nɔ ni wɔfeɔ nɛɛ ejaaa. Ŋmɛnɛ gbi nɛɛ, omanye gbi ni. Shi moŋ kɛji wɔfee diŋŋ ni wɔmɛ kɛyashi jetsɛre leebi lɛ, wɔɔye sɔ̃. No hewɔ lɛ, nyɛhãa wɔyaa ni wɔyabɔa amaniɛ yɛ maŋtsɛ we lɛ.”

Lalai 22:22

Majaje onifeemɔi lɛ matsɔ̃ɔ minyɛmimɛi lɛ, ni majie oyi yɛ asafo lɛ mli.

Lalai 43:4

Kɛkɛ lɛ maya Nyɔŋmɔ afɔleshãa latɛ lɛ he; maya Nyɔŋmɔ ni hãa mi miishɛɛ kpeteŋkple lɛ ŋɔɔ; ni matswa saŋku mikɛaajie oyi. Oo Nyɔŋmɔ, miNyɔŋmɔ.

Lalai 48:14

“Nyɔŋmɔ nɛɛ lɛ ji wɔNyɔŋmɔ kɛmiiya naanɔ. Lɛ nɔŋŋ eeetsɔ̃ɔ wɔ gbɛ kɛaatee naanɔ.

Lalai 68:18

Okwɔ kɛtee gɔŋ grɔŋŋ lɛ nɔ, kɛ nomii ni nyiɛ osɛɛ, ohe nikee kɛjɛ mɛi, mɛi tete ni te shi wo bo lɛ adɛŋ, Yehowa, Nyɔŋmɔ lɛ, baahi jɛi.

Lalai 89:26

Eeebo, ni eeekɛɛ mi akɛ, ‘Bo ji miTsɛ kɛ miNyɔŋmɔ kɛ mihebuu Tɛsaa!’

Yesaia 41:10

Kaashe gbeyei, shi mi mi kɛ bo yɔɔ; kaakwɛkwɛɛ ohe ejaakɛ mi ji oNyɔŋmɔ lɛ!” Mibawaje bo, mibaye mabua bo; mibahiɛ omli kɛ mikunimyeli ninejurɔ lɛ!

Yeremia 31:33

Kpãŋmɔ hee ni mikɛ Israel baakpãŋ yɛ nakai gbi lɛ sɛɛ nɛ: Mibaŋɔ mimla lɛ mawo amɛmli, ni mibaŋmã mlai lɛ mawo amɛtsuii amli, ni mibatsɔ̃ amɛNyɔŋmɔ, ni amɛbaatsɔ mimaŋ.

Yeremia 32:38

ni amɛbaatsɔ̃ miwebii, ni mibatsɔ̃ amɛNyɔŋmɔ.

Ezekiel 36:28

Nyɛbaahi shikpɔŋ ni mikɛhã nyɛtsɛmɛi lɛ anɔ; ni nyɛaatsɔ̃ mimaŋ, ni mi hu matsɔ̃ nyɛNyɔŋmɔ.

Ezekiel 37:27

Mi kɛ amɛ baahi jɛi, ni matsɔ̃ amɛNyɔŋmɔ ni amɛaatsɔ̃ mimaŋ.

Mateo 12:50

Ejaakɛ mɔ fɛɛ mɔ ni feɔ miTsɛ ni yɔɔ ŋwɛi lɛ suɔmɔnaanii lɛ, lɛ ji minyɛmi nuu kɛ minyɛmi yoo kɛ minyɛ.”

Mateo 25:40

Ni maŋtsɛ lɛ aaahere nɔ ekɛɛ amɛ akɛ, ‘Anɔkwale mikɛɔ nyɛ akɛ, gbii abɔ kɛ̃ ni nyɛfee nyɛhã minyɛmimɛi nɛɛ ateŋ bibioo kome lɛ, mi nɔŋŋ nyɛfee nyɛhã lɛ.’

Mateo 28:7

Ni nyɛyaa mramra nyɛyakɛa ekaselɔi lɛ akɛ ete shi kɛjɛ gbohii ateŋ; ni eetsɔ̃ nyɛhiɛ kɛya Galilea; jɛi nyɛaana lɛ yɛ; naa, mikɛɛ nyɛ.”

Marko 12:26

Shi akɛ gbohii baate shi ekoŋŋ lɛ, ani nyɛkaneko yɛ Mose wolo lɛ mli bɔ ni Nyɔŋmɔ kɛɛ lɛ yɛ ŋmeitso lɛ he sane lɛ mli akɛ, ‘Mi lɛ Abraham Nyɔŋmɔ kɛ Isak Nyɔŋmɔ kɛ Yakob Nyɔŋmɔ ji mi,’ lɛ?

Marko 16:19

Kɛkɛ ni be ni Nuŋtsɔ Yesu kɛ amɛ ewie sɛɛ lɛ, aŋɔ lɛ kɛtee ŋwɛi, ni eyata Nyɔŋmɔ ninejurɔ nɔ.

Luka 10:4

Nyɛkahiɛa fotro loo kotoku loo tokotai ni nyɛkaŋaa mɔ ko yɛ gbɛ lɛ nɔ.

Yohane 13:1

Dani Hehoo Gbijurɔ lɛ aaashɛ lɛ, akɛni Yesu le akɛ eŋmɛlɛtswaa ni ekɛbaaje je nɛɛ mli kɛya Tsɛ lɛ ŋɔɔ lɛ eshɛ hewɔ lɛ, bɔ ni esumɔɔ lɛ diɛŋtsɛ emɛi ni yɔɔ je lɛ mli lɛ, nakai esumɔ amɛ kɛyashi naagbee.

Yohane 13:3

akɛni Yesu le akɛ Tsɛ lɛ etu nii fɛɛ ewo edɛŋ, ni Nyɔŋmɔ ŋɔɔ ejɛ, ni esaa eeya Nyɔŋmɔ ŋɔɔ lɛ,

Yohane 14:2

Shihilɛhei pii yɛ miTsɛ we lɛ; jeee nakai ni kulɛ makɛɛ nyɛ akɛ miiya ni mayasaa gbɛhe mato nyɛ lo?

Yohane 14:28

Nyɛnu akɛ mikɛɛ nyɛ akɛ, Miiya, ni mibaba nyɛŋɔɔ. Nyɛmiisumɔ mi kulɛ, nyɛaana miishɛɛ akɛ miiya Tsɛ lɛ ŋɔɔ, ejaakɛ miTsɛ da fe mi.

Yohane 14:6

Yesu kɛɛ lɛ akɛ, “Mi ji gbɛ lɛ kɛ anɔkwale lɛ kɛ wala lɛ; mɔ ko baaa Tsɛ lɛ ŋɔɔ, akɛ ja etsɔ̃ minɔ.

Yohane 16:28

Tsɛ lɛ ŋɔɔ mijɛ miba je lɛ mli, ni miije je lɛ mli maya Tsɛ lɛ ŋɔɔ ekoŋŋ.”

Yohane 17:11

Mibɛ je lɛ mli dɔŋŋ, shi mɛnɛɛmɛi yɛ je lɛ mli, ni mi lɛ miiba oŋɔɔ. Ataa Krɔŋkrɔŋ, mɛi ni okɛhã mi lɛ, too amɛ yɛ ogbɛi lɛ mli, bɔ ni afee ni amɛfee ekome tamɔ wɔ.

Yohane 17:25

Ataa Jalɔ, je lɛ leee bo, shi mi lɛ mile bo, ni mɛnɛɛmɛi le akɛ bo otsu mi;

Yohane 17:5

Ni agbɛnɛ, Ataa, kɛ anunyam ni miyɔɔ yɛ oŋɔɔ dani abɔ je lɛ awo mihiɛ nyam yɛ omasɛi.”

Yohane 20:27

No sɛɛ lɛ, ekɛɛ Toma akɛ, “Okɛ owao aba biɛ ni obakwɛ midɛ̃ lɛ mli, ni okɛ onine abahɔ miŋmawuiaŋ lɛ, ni okaje ŋwane, shi moŋ ohe oye.”

Yohane 7:33

Kɛkɛ ni Yesu kɛɛ amɛ akɛ, “Be fioo kɛkɛ eshwɛ ni mikɛ nyɛ baahi shi, ni mibaya mɔ ni tsu mi lɛ ŋɔɔ.

Romabii 8:29

Ejaakɛ mɛi ni ele amɛ eto momo lɛ, amɛ ejie eto ni amɛsubaŋ atamɔ eBi lɛ nɔ lɛ, koni efee nyɛmimɛi pii ateŋ kromɔbi.

2 Korintobii 6:18

Ni matsɔ̃ nyɛtsɛ, ni nyɛ hu nyɛaatsɔ̃mɔ mibihii kɛ mibiyei,” Yehowa, Ofe lɛ, kɛɛ.

Galatabii 3:26

Ejaakɛ nyɛ fɛɛ lɛ Nyɔŋmɔ bii ji nyɛ yɛ Kristo Yesu mli kɛtsɔ̃ hemɔkɛyeli lɛ nɔ;

Hebribii 11:16

Shi agbɛnɛ lɛ amɛmiitao maŋ ni hi fe no, ni ji ŋwɛi nɔ lɛ. No hewɔ lɛ, efeee Nyɔŋmɔ hiɛgbele akɛ aaatsɛ lɛ amɛNyɔŋmɔ, ejaakɛ esaa maŋ eto amɛ.

Hebribii 8:10

Shi enɛ ji kpãŋmɔ ni mikɛ Israel we lɛ baakpãŋ yɛ nakai gbii lɛ asɛɛ lɛ, Nuŋtsɔ lɛ kɛɛ, Mikɛ mimlai aaawo amɛjwɛŋmɔ mli, Ni maŋma mawo amɛtsui mli, ni matsɔ̃ amɛNyɔŋmɔ, ni amɛ hu amɛaatsɔ̃ mimaŋ.

1 Petro 1:3

Ajɔɔ Nyɔŋmɔ ni ji wɔNuŋtsɔ Yesu Kristo Tsɛ lɛ. Efɔ wɔ ehee yɛ lɛ diɛŋtsɛ emɔbɔnalɛ babaoo lɛ naa, ni ehã wɔ hiɛnɔkãmɔ ni gbooo kɛtsɔ̃ Yesu Kristo shi ni ete kɛjɛ gbohii ateŋ lɛ nɔ.

1 Yohane 3:2

Suɔmɔmɛi, agbɛnɛ lɛ Nyɔŋmɔ bii ji wɔ, ni anako ajie nɔ ni wɔbaatsɔ̃mɔ lɛ shi; shi wɔle akɛ, be ni aaajie no shi lɛ, wɔɔtamɔ Kristo, ejaakɛ wɔɔna lɛ bɔ ni eyɔɔ.

Kpojiemɔ 21:3

Ni minu gbee kpeteŋkple ko jɛ maŋtsɛ sɛ̃i lɛ mli kɛɛ, “Naa, Nyɔŋmɔ shihilɛhe lɛ yɛ gbɔmɛi ateŋ, ni eeehi shi yɛ amɛteŋ, ni amɛaatsɔ̃ emaŋ, ni Nyɔŋmɔ diɛŋtsɛ kɛ amɛ aaahi shi.

Kpojiemɔ 21:7

Kunimyelɔ lɛ aaatsɔ̃ nɛkɛ nii nɛɛ fɛɛ yelɔ, ni matsɔ eNyɔŋmɔ ni lɛ hu eeetsɔ̃ mibi.