Yohane 2:4 - ŊMALƐ KRƆŊKRƆŊ LƐ

⁴ Yesu kɛɛ lɛ akɛ, “Ohe sane mɛ ji no, Awo? Miŋmlɛtswaa lɛ shɛko.”

Ṅmãle̱ Kroṅkroṅ Le̱

⁴ Iesu kē̱le̱ ake̱: Mẽ sane mike̱o yo̱, awo? Miṅmle̱tſā le̱ še̱ko. 19,26. Mat 12,48.

Yohane 2:4 ပူးပေါင်းရင်းမြစ်များ

2 Samuel 16:10

Shi David kɛɛ Abishai kɛ enyɛbi Yoab akɛ, “Nyɛhe sane ko mɛ? Kɛji eelomɔ mi, ejaakɛ Yehowa ni tsu lɛ koni ebafee nakai lɛ, namɔ yɔɔ hegbɛ ni ebiɔ he sane ko?”

2 Samuel 19:22

Shi David to he ni ekɛɛ Zeruia bi Abishai kɛ enyɛmi Yoab akɛ, “Nyɛhe sane ko mɛ? Nyɛkawoa minajiaŋ. Ani ŋmɛnɛ ni mitsɔ̃ Israel fɛɛ maŋtsɛ lɛ, ani abaagbe Israelnyo lo?”

1 Maŋtsɛmɛi 17:18

Kɛkɛ ni yoo lɛ kɛɛ Elia akɛ, “Ao Nyɔŋmɔ gbɔmɔ, mɛni mifee bo! Obato mi koni akai efɔŋ ni mifee, koni agbe mibinuu lɛ lo?”

Jajelɔ 3:1

Nɔ fɛɛ nɔ kɛ ebe ni ato ahã lɛ; ni sane fɛɛ sane ni baa je nɛɛ mli yɛ ebe ni Nyɔŋmɔ eto.

Mateo 15:28

Kɛkɛ ni Yesu here nɔ ekɛɛ lɛ akɛ, “O yoo, ohemɔkɛyeli da! Afee ahã bo tamɔ bɔ ni otaoɔ lɛ!” Ni atsa ebiyoo lɛ yɛ nakai ŋmɛlɛtswaa lɛ nɔ nɔŋŋ.

Mateo 8:29

Ni naa, amɛbolɔ amɛkɛɛ, “Mɛɛ sane wɔkɛ bo yɔɔ, bo Yesu Nyɔŋmɔ Bi lɛ? Ani oba biɛ ni obawo wɔ hejaramɔ dani be lɛ ashɛ?”

Luka 2:49

Yesu kɛɛ amɛ akɛ, “Mɛɛba nyɛtaoɔ mi? Ani nyɛleee akɛ esa akɛ mihiɔ shi yɛ nii ni ji miTsɛ nɔ lɛ mli?”

Yohane 12:23

Ni Yesu here amɛ nɔ ekɛɛ, “Ŋmɛlɛtswaa ni akɛbaawo Gbɔmɔ Bi lɛ hiɛ nyam lɛ eshɛ.

Yohane 13:1

Dani Hehoo Gbijurɔ lɛ aaashɛ lɛ, akɛni Yesu le akɛ eŋmɛlɛtswaa ni ekɛbaaje je nɛɛ mli kɛya Tsɛ lɛ ŋɔɔ lɛ eshɛ hewɔ lɛ, bɔ ni esumɔɔ lɛ diɛŋtsɛ emɛi ni yɔɔ je lɛ mli lɛ, nakai esumɔ amɛ kɛyashi naagbee.

Yohane 2:3

Ni be ni wain lɛ tã lɛ, Yesu nyɛ kɛɛ lɛ akɛ, “Amɛbɛ wain.”

Yohane 20:13

Ni amɛbi lɛ akɛ, “Awo, mɛɛba ofoɔ?” Ekɛɛ amɛ akɛ, “Ejaakɛ amɛwo miNuŋtsɔ lɛ kɛtee, ni mileee he ni amɛkɛ lɛ eyaŋmɛ.”

Yohane 20:15

Yesu bi lɛ akɛ, “Awo, mɛɛba ofoɔ? Namɔ otaoɔ?” Lɛ lɛ esusu akɛ benɛ tromsaalɔ lɛ ni, ni ekɛɛ lɛ akɛ, “Nuŋtsɔ, kɛ bo owo lɛ kɛje biɛ lɛ, tsɔ̃ɔmɔ mi he ni okɛ lɛ eyaŋmɛ, koni mayawo lɛ.”

Yohane 7:30

No hewɔ lɛ, amɛmiitao amɛmɔ lɛ, shi kɛ̃lɛ mɔ ko etaaa ehe, ejaakɛ eŋmɛlɛtswaa lɛ shɛko.

Yohane 7:6

Kɛkɛ ni Yesu kɛɛ amɛ akɛ, “Mibe lɛ nako ashɛ, shi nyɛ lɛ nyɛbe lɛ daa nɛɛ eshɛ.

Yohane 7:8

Nyɛ lɛ nyɛyaa gbijurɔ nɛɛ yeli; shi mi lɛ minako maya, ejaakɛ mibe lɛ nako ashɛ.”

Yohane 8:20

Yesu wie wiemɔi nɛɛ yɛ nitoohe lɛ, be ni etsɔ̃ɔ nii yɛ Sɔlemɔ we lɛ; ni mɔ ko mɔɔɔ lɛ, ejaakɛ eŋmɛlɛtswaa lɛ shɛko.

2 Korintobii 5:16

Belɛ, kɛjɛ ŋmɛnɛ nɔ kɛyaa nɛɛ, wɔleee mɔ ko mɔ ko dɔŋŋ yɛ gbɔmɛi asusumɔ naa; ni kɛ gbɔmɛi asusumɔ naa wɔle Kristo yɛ tete lɛ, agbɛnɛ lɛ wɔleee lɛ nakai dɔŋŋ.

5 Mose 33:9

Amɛkɛɛ yɛ amɛtsɛ kɛ amɛnyɛ he akɛ, ‘Wɔbuuu amɛ, ni amɛkwa amɛnyɛmimɛi, ni amɛshi amɛmusuŋbii asɛɛ, ejaakɛ amɛmɔ owiemɔ lɛ mli, ni amɛye okpãŋmɔ lɛ nɔ.