Yohane 2:24 - ŊMALƐ KRƆŊKRƆŊ LƐ

²⁴ Shi Yesu diɛŋtsɛ lɛ ekɛ ehe efɔ̃ɔɔ amɛnɔ, ejaakɛ ele amɛ fɛɛ amɛsu.

Ṅmãle̱ Kroṅkroṅ Le̱

²⁴ Ši Iesu dientše̱ le̱ edšiee ehe ši ehããame̱, edšake̱ ele ame̱fẽ,

Yohane 2:24 ပူးပေါင်းရင်းမြစ်များ

1 Maŋtsɛmɛi 8:39

no lɛ bo amɛ toi yɛ ŋwɛi ni ji oshihilɛhe lɛ koni oŋɔ fa. Ni oye obua mɔ fɛɛ mɔ yɛ enifeemɔnii anaa, ejaakɛ bo okome too pɛ ole gbɔmɛi adesai atsuiiaŋ. Okɛ mɔ fɛɛ mɔ aye bɔ pɛ ni sa lɛ,

1 Kronika 28:9

“Ni bo, mibi Solomon, ole otsɛ ni ji Nyɔŋmɔ lɛ; osɔ̃mɔ lɛ kɛ otsuiŋ fɛɛ, asaŋ ojie oyitsoŋ fɛɛ hu ni okɛsɔ̃mɔ lɛ! Ejaakɛ Yehowa taoɔ adesã tsuiŋ fɛɛ, ni ele eyitsoŋ fɛɛ. Kɛji otao esɛɛgbɛ lɛ eeehã ona lɛ; shi kɛji okwa lɛ lɛ, eeeshɛ bo efɔ̃ kɛya naanɔ.

1 Kronika 29:17

MiNyɔŋmɔ, mile akɛ bo lɛ okaa gbɔmɔ tsui okwɛɔ, ni onaa mɛi ni yeɔ anɔkwa he miishɛɛ. Mijɛ mitsuiŋ fɛɛ kɛ suɔmɔ mli mikɛ nibii nɛɛ fɛɛ ke, ni agbɛnɛ miina akɛ omaŋ ni jwere shi nɛɛ hu miike bo nii kɛ miishɛɛ kɛ nyamɔ.

Yeremia 17:9

Tsui yɔɔ nɛɛ elakaa mɔ fe nɔ fɛɛ nɔ; efite kwraa. Namɔ aaanu lɛ shishi?

Mateo 9:4

Ni be ni Yesu na amɛjwɛŋmɔi lɛ, ekɛɛ, “Mɛɛ hewɔ ni nyɛjwɛŋɔ nii fɔ̃ji yɛ nyɛtsuii amli nɛɛ?

Marko 2:8

Amrɔ nɔŋŋ ni Yesu yoo yɛ emumɔ mli akɛ amɛmiisusu nɛkɛ yɛ amɛtsuiiaŋ lɛ, ebi amɛ akɛ, “Mɛɛba nyɛsusuɔ nɛkɛ nii nɛɛ yɛ nyɛtsuiiaŋ?

Yohane 1:42

Ni ekɛ lɛ ba Yesu ŋɔɔ. Ni Yesu kwɛ lɛ ni ekɛɛ, “Bo ji Simon, Yona bi lɛ, aaatsɛ bo Kefa (eshishi ji Petro loo tɛsaa).”

Yohane 16:30

Agbɛnɛ wɔna akɛ ole nii fɛɛ ni ehiaaa bo akɛ mɔ ko biɔ bo sane ko; enɛ wɔkɛheɔ wɔyeɔ akɛ Nyɔŋmɔ ŋɔɔ ojɛ.”

Yohane 21:17

Ebi lɛ nɔ ni ji shii etɛ̃ akɛ, “Simon, Yona bi, oosumɔ mi lo?” Edɔ Petro akɛ ebi lɛ nɔ ni ji shii etɛ̃ akɛ, “Oosumɔ mi lo?” lɛ; ni ekɛɛ lɛ akɛ, “Nuŋtsɔ, ole nii fiaa, ole akɛ miisumɔ bo.” Yesu kɛɛ lɛ akɛ, “Lɛɛ mitoi lɛ!

Yohane 4:16

Yesu kɛɛ lɛ akɛ, “Yaa ni oyatsɛ owu, ni okɛ lɛ aba biɛ.”

Yohane 5:42

Shi moŋ mikpa nyɛ shi akɛ nyɛbɛ Nyɔŋmɔ suɔmɔ yɛ nyɛmli.

Yohane 6:15

Be ni Yesu yoo akɛ amɛbaaba ni amɛbamɔ lɛ ni amɛyawo lɛ maŋtsɛ lɛ, ekome too egbala ehe shi kɛtee gɔŋ lɛ nɔ ekoŋŋ.

Yohane 6:64

Shi nyɛteŋ mɛi komɛi yɛ ni heee yeee.” Ejaakɛ kɛjɛ shishijee lɛ Yesu le mɛi ni heee yeee lɛ kɛ mɔ hu ni baatsɔ̃ɔ esɛɛgbɛ lɛ.

Bɔfoi 1:24

Ni amɛsɔle amɛkɛɛ, “Bo, Nuŋtsɔ, ni ole gbɔmɛi fɛɛ atsuiiaŋ, tsɔ̃ɔmɔ mɛi enyɔ nɛɛ ateŋ mɔ ni ohala

Bɔfoi 15:8

Ni Nyɔŋmɔ ni le tsuiiaŋ lɛ hã amɛ Mumɔ Krɔŋkrɔŋ lɛ tamɔ bɔ ni ehã wɔ lɛ kɛtsɔ̃ɔ akɛ ekpɛlɛ̃ nɔ,

5 Mose 31:21

Kɛji saji fɔ̃ji kɛ hejaramɔ babaoo eba amɛnɔ lɛ, lala nɛɛ aaaye mi kɛ amɛteŋ odase, ejaakɛ amɛshwiei ahiɛ kpaŋ lala nɛɛ nɔ, ni lala lɛ aaahi amɛdaaŋ daa. Amrɔmrɔ nɛɛ po, dani mikɛ amɛ aaaya ayashɛ shikpɔŋ lɛ ni mikã he kitã akɛ mikɛbaahã amɛ lɛ nɔ lɛ, mile yiŋ ni amɛtoɔ momo.”

Hebribii 4:13

Ni ateee bɔɔnɔ ko yɛ ehiɛ, shi nibii fɛɛ yɛ faŋŋ ni agbele nɔ yɛ lɛ mɔ ni wɔkɛyɔɔ sane lɛ hiɛ.

Kpojiemɔ 2:23

Ni ebii lɛ, gbe magbe amɛ; ni asafoi lɛ fɛɛ aaana ale akɛ mi ji mɔ ni taoɔ jwɛŋmɔi kɛ tsuii amli, ni mahã nyɛteŋ mɔ fɛɛ mɔ enyɔmɔwo bɔ ni nyɛnitsumɔi lɛ yɔɔ lɛ.

1 Samuel 16:7

Shi Yehowa kɛɛ Samuel akɛ, “Kaahã ehiɛŋtso loo ekwɔlɛ nyɛnyereŋŋ lɛ miilaka bo. Jeee bɔ ni gbɔmɔ adesa kwɛɔ nii Yehowa kwɛɔ nii. Gbɔmɔ adesa kwɛɔ kpo nɔ gbɛ nii ekɛyeɔ sane, shi Yehowa lɛ kwɛɔ tsuiŋ.”