Yohane 19:7 - ŊMALƐ KRƆŊKRƆŊ LƐ

⁷ Yudafoi lɛ here lɛ nɔ akɛ, “Wɔ lɛ wɔyɛ mla, ni wɔmla lɛ naa lɛ esa gbele, ejaakɛ efee ehe Nyɔŋmɔ Bi.”

Ṅmãle̱ Kroṅkroṅ Le̱

⁷ Iudafoi le̱ herele̱ no̱ ake̱: Wo̱ le̱ wo̱ye̱ mla, ni wo̱mla le̱ nā le̱ esa gbĕle, edšake̱ efe ehe Nyoṅmo̱ bi. 10,33. 3 Mose 24,16.

Yohane 19:7 ပူးပေါင်းရင်းမြစ်များ

Yesaia 53:4

“Anɔkwa, wɔhelai lɛ, lɛ etere, ni wɔhejaramɔi lɛ, lɛ ehole eshwie enɔ. Shi wɔ lɛ, wɔbu lɛ akɛ mɔ ko kɛkɛ ni Nyɔŋmɔ gbala etoi, ni ena nɔ.

3 Mose 24:16

mɔ ni baalomɔ Yehowa lɛ, gbe kɛ̃ aaagbe lɛ. Gbɔ ni jio, maŋnyo ni jio, kɛji ena elomɔ Yehowa lɛ, maŋtso muu lɛ fɛɛ atswia lɛ tɛ ni egbo.’

Marko 15:39

Shi be ni asraafoiohaatsɛ ni damɔ eŋɛlɛnɔ lɛ na akɛ ebo nɛkɛ ni ebu enaa lɛ, ekɛɛ, “Lɛɛlɛŋ akɛ nɛkɛ gbɔmɔ nɛɛ, Nyɔŋmɔ Bi ni!”

Yohane 19:8

Be ni Pilato nu nɛkɛ wiemɔ nɛɛ, eshe gbeyei fe tsutsu lɛ;

Yohane 5:18

No hewɔ titri Yudafoi lɛ taoɔ lɛ agbe lɛ, ejaakɛ jeee akɛ ebule hejɔɔmɔ gbi lɛ kɛkɛ, shi asaŋ etsɛ Nyɔŋmɔ akɛ lɛ diɛŋtsɛ eTsɛ, ni efee ehe akɛ mɔ ko ni kɛ Nyɔŋmɔ ye hegbɔ.

Bɔfoi 18:13

amɛkɛɛ, “Nuu nɛɛ woɔ mɛi lɛ ayiŋ ni amɛshi mla lɛ sɛɛ amɛja Nyɔŋmɔ.”

Romabii 1:4

EBi nɛɛ, hetsemɔ Mumɔ lɛ naa lɛ, atsɔ̃ gbohiiashitee lɛ nɔ ajie lɛ atsɔ̃ɔ yɛ hewalɛ mli akɛ Nyɔŋmɔ Bi ni ji Yesu Kristo wɔNuŋtsɔ lɛ.

5 Mose 18:20

Shi gbalɔ ni aaato lɛ diɛŋtsɛ eyiŋ ni ewie wiemɔ ko yɛ migbɛi mli, be mli ni jeee mi mifã lɛ akɛ ewie nakai wiemɔ lɛ, ja agbe lɛ; nakai nɔŋŋ gbalɔ ko ni aaawie yɛ nyɔŋmɔi krokomɛi agbɛi amli hu agbe lɛ.’