Yohane 19:41 - ŊMALƐ KRƆŊKRƆŊ LƐ

⁴¹ He ni asɛŋ lɛ yɛ lɛ, trom ko yɛ jɛi, ni gbonyobu hee ko yɛ trom lɛ mli ni atoko mɔ ko yɛ mli pɛŋ;

Ṅmãle̱ Kroṅkroṅ Le̱

⁴¹ Ši heni ase̱ṅle̱ ye̱ le̱, trom ko ye̱ dše̱i, ni sāṅ hē ko ye̱ trom le̱ mli ní atoko moko ye̱ mli pẽṅ;

Yohane 19:41 ပူးပေါင်းရင်းမြစ်များ

2 Maŋtsɛmɛi 23:30

Ni etsuji lɛ ŋɔ egbonyo lɛ amɛwo tayaa shwiili mli, ni akɛ lɛ ku sɛɛ kɛba Yerusalɛm, ni amɛbafu lɛ yɛ maŋtsɛmɛi afũuhe lɛ yɛ lɛ diɛŋtsɛ egbonyobu mli. Kɛkɛ ni shikpɔŋ lɛ nɔ bii lɛ ŋɔ Yosia bi Yehoahaz; ni amɛfɔ lɛ mu, ni amɛwo lɛ maŋtsɛ yɛ etsɛ sɛɛ.

Yesaia 22:16

mɛɛ hegbɛ oyɔɔ yɛ biɛ; ni namɛi ji owekumɛi yɛ biɛ, hewɔ ni okpɛɔ yɛ he grɔŋŋ nɛɛ, ni okpɛɔ tɛsaa mli otoɔ okɛfeɔ ofũuhe lɛ?

Mateo 27:60

ni ekɛ lɛ yaŋmɛ lɛ diɛŋtsɛ egbonyobu hee ni ekpɛ yɛ tɛsaa mli lɛ mli, ni ekoklo tɛ kpeteŋkple ekɛtsi gbonyobu lɛ naa, ni eyiŋ etee.

Luka 23:53

Ni ejie lɛ kɛkpeleke shi, ni eŋɔ klala ebala ehe, ni eyato lɛ yɛ gbonyobu ni akpɛ yɛ tɛsaa mli ni atoko mɔ ko yɛ mli dã lɛ mli.

Yohane 19:42

no hewɔ lɛ, amɛyato Yesu yɛ jɛi yɛ Yudafoi lɛ aHesaamɔkɛtoo gbi lɛ hewɔ, ejaakɛ gbonyobu lɛ bɛŋkɛ.

Yohane 20:15

Yesu bi lɛ akɛ, “Awo, mɛɛba ofoɔ? Namɔ otaoɔ?” Lɛ lɛ esusu akɛ benɛ tromsaalɔ lɛ ni, ni ekɛɛ lɛ akɛ, “Nuŋtsɔ, kɛ bo owo lɛ kɛje biɛ lɛ, tsɔ̃ɔmɔ mi he ni okɛ lɛ eyaŋmɛ, koni mayawo lɛ.”