Yohane 19:4 - ŊMALƐ KRƆŊKRƆŊ LƐ

⁴ Kɛkɛ ni Pilato je kpo ekoŋŋ ni ekɛɛ amɛ akɛ, “Naa, mikɛ lɛ eje kpo kɛba nyɛŋɔɔ, koni nyɛna nyɛle akɛ minaaa fɔbuu sane ko yɛ ehe.”

Ṅmãle̱ Kroṅkroṅ Le̱

⁴ Ke̱ke̱ ni Pilato dše kpo ekoṅ ni ekē̱ame̱ ake̱: Na, mike̱le̱ edše kpo ke̱-ba nyeṅõ, koni nyená nyele ake̱ minaa fo̱būsane ko ye̱ ehe.

Yohane 19:4 ပူးပေါင်းရင်းမြစ်များ

Mateo 27:19

Shi be ni eta kojomɔ sɛi lɛ nɔ lɛ, eŋa tsu aba eŋɔɔ abakɛɛ lɛ akɛ, “Okɛ jalɔ nɛɛ akaye sane ko; ejaakɛ ehewɔ lɛ mihe ejara mi babaoo yɛ wɔlamɔ mli ŋmɛnɛ.”

Mateo 27:24

Be ni Pilato na akɛ enyɛɛɛ he nɔ ko efee; shi moŋ basabasa feemɔ miiba lɛ, ekɛ nu fɔ edɛ̃ yɛ asafo lɛ hiɛ, ni ekɛɛ, “Mi lɛ miyeee jalɔ nɛɛ lá yi sɔ̃; nyɛ, nyɛkwɛa nɔ!”

Mateo 27:4

ni ekɛɛ, “Mifee esha akɛ mitsɔ̃ɔ lá ni efɔŋ ko bɛ ehe lɛ sɛɛgbɛ.” Shi amɛ lɛ amɛkɛɛ, “No jeee wɔhe sane ko; bo diɛŋtsɛ kwɛmɔ nɔ!”

Mateo 27:54

Shi be ni asraafoiohaatsɛ lɛ kɛ mɛi ni kɛ lɛ buɔ Yesu he lɛ na shikpɔŋ hosomɔ lɛ kɛ nii ni afee lɛ, amɛshe gbeyei tsɔ̃, ni amɛkɛɛ, “Lɛɛlɛŋ, Nyɔŋmɔ Bi nɛ!”

Luka 23:4

Ni Pilato kɛɛ osɔfonukpai lɛ kɛ asafoi lɛ akɛ, “Minaaa fɔbuu sane ko yɛ nuu nɛɛ he.”

Luka 23:41

Ni wɔnɔ lɛ sa wɔ, ejaakɛ wɔnifeemɔnii ahe nyɔmɔwoo wɔna nɛɛ; shi mɔ nɛ lɛ efeko nɔ ko ni esaaa.”

Luka 23:47

Shi be ni asraafoiohaiatsɛ lɛ na nɔ ni efee lɛ, ewo Nyɔŋmɔ hiɛ nyam ni ekɛɛ, “Yɛŋ lɛɛlɛŋ akɛ nɛkɛ nuu nɛɛ jalɔŋ!”

Yohane 18:33

Kɛkɛ ni Pilato saa bote kojomɔhe lɛ ekoŋŋ, ni etsɛ Yesu, ni ebi lɛ akɛ, “Ani bo ji Yudafoi amaŋtsɛ lɛ?”

Yohane 18:38

Pilato bi lɛ akɛ, “Mɛni ji anɔkwale?” Ni be ni ekɛɛ enɛ lɛ, eje kpo kɛtee Yudafoi lɛ aŋɔɔ ekoŋŋ, ni eyakɛɛ amɛ akɛ, “Mi lɛ minaaa fɔbuu sane ko kwraa yɛ ehe.

Yohane 19:6

Be ni osɔfonukpai lɛ kɛ tsuji lɛ na lɛ lɛ, amɛbolɔ amɛkɛɛ, “Sɛŋmɔ lɛ, sɛŋmɔ lɛ!” Pilato kɛɛ amɛ akɛ, “Nyɛ diɛŋtsɛ nyɛŋɔa lɛ ni nyɛyasɛŋa lɛ mɔ, ejaakɛ mi lɛ minaaa fɔbuu sane ko yɛ ehe.”

2 Korintobii 5:21

Ejaakɛ mɔ ni leee esha lɛ, wɔhewɔ lɛ ehã etsɔ̃ esha, koni wɔ lɛ wɔtsɔ̃mɔ Nyɔŋmɔ jalɛ yɛ emli.

Hebribii 7:26

Ejaakɛ Yesu lɛ Osɔfonukpa ni sa wɔ pɛ nɛ. Mɔ ni he tse, ni efɔŋ ko bɛ ehe, ni ehe bɛ kpa ko, ni etse ehe kɛjɛ esha he, ni awo enɔ ahã ekwɔ fe ŋwɛii.

1 Petro 1:19

shi moŋ Kristo, mɔ ni tamɔ Toobi ni he bɛ kpa loo ŋmamɔ nɔ ko lɛ lá ni jara wa lɛ akɛkpɔ̃ nyɛ.

1 Petro 2:22

Lɛ mɔ ni efeee esha ni asaŋ anaaa shishiumɔ yɛ edaaŋ lɛ.

1 Petro 3:18

Ejaakɛ Kristo hu na amanehulu yɛ eshai ahewɔ shi kome, lɛ jalɔ lɛ yɛ mɛi ni ejaaa lɛ anajiaŋ, koni ekɛ wɔ aya Nyɔŋmɔ ŋɔɔ. Ni agbe lɛ yɛ heloo gbɛfaŋ moŋ, shi ahã lɛ wala yɛ mumɔ gbɛfaŋ.

1 Yohane 3:5

Ni nyɛle akɛ Kristo jie ehe kpo, koni ewo wɔhe eshai kɛya; ni esha ko bɛ emli.