Yohane 19:34 - ŊMALƐ KRƆŊKRƆŊ LƐ

³⁴ shi moŋ asraafoi lɛ ateŋ mɔ kome kɛ akplɔ tsu eŋmawuiaŋ, ni amrɔ lɛ lá kɛ nu jɛ mli ho.

Ṅmãle̱ Kroṅkroṅ Le̱

³⁴ ši moṅ asrafoi le̱ ateṅ mokome ke̱ akplo̱ tšu eṅmãwuaṅ, ni amrõ le̱ lá ke̱ nu dše̱ mli ho.

Yohane 19:34 ပူးပေါင်းရင်းမြစ်များ

Lalai 51:7

Mihe esha lɛ okɛ awrɔke afɔ, koni mihe atse; juu mihe, ni mayɛ futaa fe ayilɔ.

Ezekiel 36:25

Mikɛ nu ni mli tse baashwã nyɛnɔ, ni nyɛhe baatse. Ni matsuu nyɛwɔji ahe muji ni yɔɔ nyɛhe lɛ hu.

Zakaria 12:10

“Mafɔse mimɔbɔnalɛ kɛ sɔlemɔ mumɔ mashwie David shwiei lɛ kɛ Yerusalɛm maŋbii lɛ anɔ bɔ ni kɛ amɛna mɔ ko ni amɛye lɛ awui ko lɛ, amɛaaye mɔ lɛ ŋkɔmɔ tamɔ ayeɔ bi koome ni egbo he ŋkɔmɔ; ni amɛaafo lɛ kɛ mlishãlɛ tamɔ afoɔ kromɔbi ni egbo.

Zakaria 13:1

“Nakai gbi lɛ nɔ lɛ abaagbele nu hiŋmɛi naa ahã David we lɛ kɛ mɛi ni yɔɔ Yerusalɛm lɛ, koni akɛfɔ amɛhe eshai kɛ amɛhe muji ashwie.”

Mateo 27:62

Shi Hesaamɔ-kɛ-too-Gbi lɛ nɔ jetsɛremɔ lɛ, osɔfonukpai lɛ kɛ Farisifoi lɛ anaa bakpe shi yɛ Pilato ŋɔɔ,

Yohane 19:33

Shi be ni amɛshɛ Yesu nɔ ni amɛna akɛ egbo momo lɛ, lɛ lɛ amɛkumɔ̃ɔɔ enaji;

Yohane 20:20

Ni be ni ekɛɛ nakai lɛ, ekɛ edɛ̃i lɛ kɛ eŋmawuiaŋ lɛ tsɔ̃ɔ amɛ. Kɛkɛ ni kaselɔi lɛ na miishɛɛ akɛ amɛna Nuŋtsɔ lɛ.

Bɔfoi 22:16

Ni agbɛnɛ mɛɛba oshashaoɔ shi? Tee shi ni ohã abaptisi bo, ni afɔ ohe eshai lɛ ashwie ahã bo, ni osɔle otsɛ Nuŋtsɔ lɛ.

1 Korintobii 1:30

Shi lɛ ejɛ ni nyɛyɔɔ Kristo Yesu, mɔ ni tsɔ̃ nilee ni jɛ Nyɔŋmɔ ŋɔɔ kɛ jalɛ kɛ hetsuumɔ kɛ kpɔ̃mɔ ehã wɔ lɛ mli;

1 Korintobii 6:11

Ni nɛkɛ nyɛteŋ mɛi komɛi yɔɔ sa; shi agbɛnɛ aju nyɛhe, ni asaŋ atsuu nyɛhe, ni abu nyɛ bem hu yɛ Nuŋtsɔ Yesu Kristo gbɛi kɛ wɔNyɔŋmɔ lɛ Mumɔ lɛ mli.

Efesobii 5:26

koni ekɛ hejuu yɛ nu mli kɛ wiemɔ atsuu ehe ni ehã efee krɔŋkrɔŋ,

Tito 2:14

Lɛ ekɛ lɛ diɛŋtsɛ ehe hã yɛ wɔnajiaŋ, koni ekpɔ̃ wɔ kɛjɛ nɔtɔmɔ fɛɛ mli, ni etsuu wɔhe ehã ehe akɛ lɛ diɛŋtsɛ enɔ, maŋ ni hiɛ dɔɔ yɛ nitsumɔi kpakpai ahe lɛ.

Hebribii 9:13

Ejaakɛ kɛ too kpakpo kɛ tsinai alá kɛ tsina yoo lamlu ni atsɔɔ ashwãa mɛi ni ebule amɛhe lɛ anɔ lɛ tsuuɔ amɛhe ni amɛhe tseɔ yɛ heloo gbɛfaŋ lɛ,

Hebribii 9:22

Ni shwɛ fioo ni lá akɛtsuuɔ nii fɛɛ he yɛ Mla lɛ naa; ni kɛ ashwieee lá shi lɛ, akɛfaaa.

1 Petro 3:21

Ni agbɛnɛ baptisimɔ ni nakai nu lɛ ji ehe okadi lɛ hereɔ nyɛ hu nyɛyiwala. Ejeee hewolo nɔ mujijiemɔ, shi moŋ eji kpãŋmɔ ni ajɛɔ henilee kpakpa mli akɛ Nyɔŋmɔ kpãŋɔ, kɛtsɔ̃ Yesu Kristo shitee lɛ nɔ,

1 Yohane 5:6

Yesu Kristo ji mɔ ni tsɔ̃ nu kɛ lá mli kɛba, jeee nu kɛkɛ mli, shi moŋ nu kɛ lá mli. Ni Mumɔ lɛ ji mɔ ni yeɔ odase lɛ, ejaakɛ Mumɔ lɛ ji anɔkwale lɛ.

1 Yohane 5:8

Mumɔ lɛ kɛ nu lɛ kɛ lá lɛ, ni mɛi etɛ̃ nɛɛ feɔ ekome.

Kpojiemɔ 1:5

kɛ Yesu Kristo ni ji odasefonyo anɔkwafo lɛ, gbohii ateŋ kromɔbi kɛ shikpɔŋ lɛ nɔ maŋtsɛmɛi lɛ anɔyelɔ lɛ dɛŋ. Esumɔɔ wɔ, ni ekɛ lɛ diɛŋtsɛ elá etsuu wɔhe kɛjɛ wɔhe eshai lɛ amli,

Kpojiemɔ 7:14

Ni mikɛɛ lɛ akɛ, “Minuŋtsɔ, bo ole” Ni ekɛɛ mi akɛ, “Mɛnɛɛmɛi ji mɛi ni jɛ amanehulu kpeteŋkple lɛ mli lɛ, ni amɛfɔ amɛtadei lɛ ahe, ni amɛhã eyɛ futaa yɛ Toobi lɛ lá lɛ mli.