Yohane 19:13 - ŊMALƐ KRƆŊKRƆŊ LƐ

¹³ Be ni Pilato nu nɛkɛ wiemɔi nɛɛ, ekɛ Yesu je kpo, ni eyata kojomɔ sɛi lɛ nɔ, yɛ he ni atsɛɔ jɛi akɛ “Tɛkamɔ” ni Hebri wiemɔ mli lɛ atsɛɔ lɛ “Gabata” lɛ.

Ṅmãle̱ Kroṅkroṅ Le̱

¹³ Nohewo̱ lo̱, beni Pilato nu ne̱ke̱ wiemo̱i ne̱, eke̱ Iesu dše kpo, ni eyatá kodšomo̱sẽi le̱ no̱, ye̱ heni atšé̱o̱ dše̱i ake̱ Te̱kamo̱, ni Hebri wiemo̱ mli le̱ atšé̱o̱le̱ Gabata le̱.

Yohane 19:13 ပူးပေါင်းရင်းမြစ်များ

Abe̱i 29:25

Gbɔmɔ gbeyeishemɔ lɛ, etsɔ̃ɔ tsɔne ehãa mɔ; shi mɔ ni kɛ ehiɛ fɔ̃ɔ Yehowa nɔ lɛ, eyɛ shweshweeshwe.

Jajelɔ 5:8

Kɛji ona akɛ aawa ohiafo ko yi, asaŋ aatsɔ̃ jalɛ saneyeli hiɛ aaabu shi, ni afeee nɔ ni ja yɛ shikpɔŋ ko nɔ lɛ, kaahã enɛ miifee bo naakpɛɛ, ejaakɛ tsulɔnukpa lɛ, tsulɔnukpa ko ni fe lɛ yɛ ni kwɛɔ enɔ, ni tsulɔi krokomɛi hu yɛ lolo ni amɛgbɛnaa kwɔlɔ fe klɛŋklɛŋ tsulɔi lɛ.

Yesaia 57:11

“Namɔ gbeyei oshe, ni otsui fã, hewɔ ni omale, ni okaiii mi, ni oyasusuuu mihe lɛ? Aso diŋŋ ni mifee ni miŋamɔ mihiŋmɛii nɛɛ lɛ hewɔ ni osheee mi gbeyei lɛ?

Yeremia 38:19

Shi Maŋtsɛ Zedekia kɛɛ Yeremia akɛ, “Miishe wɔmaŋ Yudabii ni eyafata Babilonbii lɛ ahe lɛ moŋ gbeyei, akɛ eko lɛ Babilonbii lɛ kɛ mi baawo amɛdɛŋ, ni amɛbaashwie mihiɛ shi.”

Amos 4:7

“Asaŋ be ni eshwɛ nyɔji etɛ̃ ni akɛkpaa ŋmɔshinii lɛ tete mihãaa nu anɛ nyɛ. Mihã nu nɛ maŋ kome ko nɔ, shi mihãaa enɛ maŋ ko hu nɔ. Nu nɛ ŋmɔ ko shi, ni nu enɛɛɛ ŋmɔ ko hu shi, no hewɔ lɛ, ŋmɔ ni enɛɛɛ mli lɛ mli nii ŋala.

Mateo 27:19

Shi be ni eta kojomɔ sɛi lɛ nɔ lɛ, eŋa tsu aba eŋɔɔ abakɛɛ lɛ akɛ, “Okɛ jalɔ nɛɛ akaye sane ko; ejaakɛ ehewɔ lɛ mihe ejara mi babaoo yɛ wɔlamɔ mli ŋmɛnɛ.”

Luka 12:5

Shi matsɔ̃ɔ nyɛ mɔ gbeyei ni nyɛshe: nyɛshea mɔ ni kɛ egbe sɛɛ ni eyɔɔ hegbɛ akɛ eshɛɔ efɔ̃ɔ abonsamiiaje lɛ. Hɛɛ, miikɛɛ nyɛ akɛ, lɛ gbeyei nyɛshea.

Yohane 19:17

Ni lɛ diɛŋtsɛ etere esɛŋmɔtso lɛ kɛtee he ni atsɛɔ jɛi Yitsoŋoŋohe ni Hebri mli lɛ atsɛɔ lɛ “Golgota” lɛ.

Yohane 19:20

Nɛkɛ nii ni aŋma nɛɛ Yudafoi lɛ ateŋ mɛi pii kane, ejaakɛ he ni asɛŋ Yesu yɛ lɛ bɛŋkɛ maŋ lɛ; ni aŋma yɛ Hebri kɛ Roma kɛ Hela wiemɔi amli.

Yohane 19:8

Be ni Pilato nu nɛkɛ wiemɔ nɛɛ, eshe gbeyei fe tsutsu lɛ;

Yohane 5:2

Kpaakpo ko yɛ Yerusalɛm yɛ Toi Agboi lɛ masɛi, ni Hebri wiemɔ mli lɛ atsɛɔ lɛ Betesda, ni koii enumɔ yɛ he.

Bɔfoi 4:19

Shi Petro kɛ Yohane here nɔ ni amɛkɛɛ amɛ akɛ, “Kɛ eja gbɛ yɛ Nyɔŋmɔ hiɛ akɛ abo nyɛ moŋ toi fe Nyɔŋmɔ lɛ, nyɛkojoa.