Yohane 19:11 - ŊMALƐ KRƆŊKRƆŊ LƐ

¹¹ Yesu here nɔ akɛ, “Kɛjeee ŋwɛi ajɛ akɛhã bo lɛ, kulɛ onaŋ hewalɛ ko yɛ minɔ. No hewɔ lɛ, mɔ ni jie mi wo odɛ̃ŋ lɛ he esha lɛ da fe onɔ lɛ.”

Ṅmãle̱ Kroṅkroṅ Le̱

¹¹ Iesu here no̱ ake̱: Ké̱ dšee ṅwei adše̱ aṅõ-hão le̱, kũle̱ onáṅ hewale̱ ko ye̱ mino̱; nohewo̱ le̱ moni dšiemi wo edeṅ le̱ he eša le̱ da fé onõ le̱.

Yohane 19:11 ပူးပေါင်းရင်းမြစ်များ

1 Kronika 29:11

Yehowa, oda ni Bo oyɔɔ hewalɛ kɛ anunyam; oyeɔ nii fɛɛ nɔ kunim, ni oje agbo ejaakɛ nɔ fɛɛ nɔ ni yɔɔ ŋwɛi kɛ shikpɔŋ lɛ nɔ lɛ onɔ ni. Yehowa, bo ji maŋtsɛ ni ota nii fɛɛ nɔ akɛ yitso.

Lalai 39:9

Mitɔ mu: mitswaaa misɛŋ, ejaakɛ bo ohã mipiŋ.

Lalai 62:11

Minu ni Nyɔŋmɔ ekɛɛ fe shii abɔ akɛ Lɛ edɛŋ hewalɛ fɛɛ yɔɔ.

Yāfó 3:37

Namɔ efã ni eba mli pɛŋ akɛ ja Nuŋtsɔ lɛ eŋmɛ gbɛ dã?

Daniel 4:17

Nɛkɛ ji bɔ ni ŋwɛi saralɔi lɛ ekpɛ mli ehã, ni mɛi krɔŋkrɔŋi lɛ hu kɛ amɛ kpãa gbee nakai nɔŋŋ, koni adesai fɛɛ kɛna amɛle akɛ mɔ ni yɔɔ ŋwɛi shɔŋŋ lɛ, eyɛ hewalɛ yɛ gbɔmɔ adesa nɔyeli fɛɛ nɔyeli nɔ, asaŋ akɛ eŋɔɔ hewalɛ ehãa mɔ ni lɛ esumɔɔ, ni ekɛ gbɔmɛi amliwoo tete po taa maŋtsɛ sɛi nɔ.’

Daniel 4:25

Abaashwie bo kɛjɛ gbɔmɛi ateŋ, ni obaaya oyahi ŋaŋ kooloi ateŋ, ni obaakpe jwɛi tamɔ tsina. Ŋwɛi bɔ baanyɔ onɔ yɛ jwɛiaŋ, afii kpawo, kɛyaashi beyinɔ ni oooyoo akɛ Nyɔŋmɔ, Ŋwɛi Flooflonyo lɛ, yɛ hewalɛ yɛ adesa maŋtsɛyeli fɛɛ maŋtsɛyeli nɔ; asaŋ mɔ fɛɛ mɔ ni lɛ esumɔɔ lɛ, lɛ ekɛ maŋtsɛyeli hãa.

Daniel 4:32

asaŋ aaashwie bo kɛje gbɔmɛi ateŋ kɛya ŋaŋ kooloi ateŋ koni okɛ amɛ ayahi shi. Obaakpe jwɛi tamɔ tsina afii kpaw, ni ooona oyoo akɛ Nyɔŋmɔ, Ŋwɛi Flooflonyo lɛ, yɛ hewalɛ yɛ gbɔmɛi amaŋtsɛyeli fɛɛ maŋtsɛyeli nɔ, asaŋ akɛ mɔ fɛɛ mɔ ni lɛ esumɔɔ lɛ lɛ ekɛ maŋtsɛyeli hãa.”

Daniel 4:35

Shikpɔŋ lɛ nɔ gbɔmɛi jeee fɛifɛi yɛ ehiɛ, ŋwɛi bɔfoi kɛ adesai fɛɛ yɛ eshishi. Mɔ ko nyɛŋ enine etswa efɔ̃, loo eeebi lɛ akɛ, ‘Mɛni ofeɔ nɛɛ?’

Daniel 5:21

Ashwie lɛ kɛje adesai ateŋ; ejwɛŋmɔ tsɔ̃ tamɔ kooloo jwɛŋmɔ, ni eyahi ŋaŋ tejii ateŋ, ni ekpe jwɛi tamɔ tsina. Ŋwɛi bɔ nyɔ egbɔmɔtso nɔ aahu kɛyashi beyinɔ ni eyoo akɛ Nyɔŋmɔ ni yɔɔ ŋwɛi shɔŋŋ lɛ, eyɛ hewalɛ yɛ maŋtsɛyeli nɔ, ni mɔ ni esumɔɔ lɛ, lɛ maŋtsɛ ewoɔ.

Mateo 26:65

Kɛkɛ ni osɔfonukpa lɛ gbala etadei ni ekɛɛ, “Ebɔ musu! Mɛni wɔsaa wɔtaoɔ odasefoi wɔfee dɔŋŋ? Naa, agbɛnɛ nyɛnu emusubɔɔ lɛ!

Mateo 27:2

Ni amɛfi lɛ ni amɛkpala lɛ kɛtee amɛyahã Amralo Pontio Pilato.

Mateo 6:13

Ni okɛ wɔ akaya kaa mli; shi jiemɔ wɔ kɛjɛ efɔŋ mli. [Shi onɔ ji maŋtsɛyeli lɛ kɛ hewalɛ lɛ kɛ anunyam lɛ kɛyashiɔ naanɔ. Amen.’]

Marko 14:44

Shi sɛɛgbɛtsɔ̃ɔlɔ lɛ ehã amɛ okadi ko akɛ, “Mɔ naa ni mashwɔ lɛ, lɛ ni; nyɛmɔa lɛ ni nyɛkpalaa lɛ kɛyaa shweshweeshwe.”

Luka 22:53

Daa ni mikɛ nyɛ yɔɔ Sɔlemɔ we lɛ, nyɛtaaa mihe; shi nyɛŋmɛlɛtswaa lɛ kɛ duŋ hewalɛ lɛ nɛ!”

Yohane 18:13

ni amɛkpala lɛ kɛtee Ana ŋɔɔ tsutsu, ejaakɛ Kaiafa ni yeɔ osɔfonukpa yɛ nakai afi lɛ nɔ lɛ shaanuu ji lɛ.

Yohane 18:3

No hewɔ lɛ, Yuda yaŋɔ asraafoi kɛ tsuji kɛjɛ osɔfonukpai kɛ Farisifoi lɛ aŋɔɔ, ni amɛhiɛhiɛ kanei kɛ hai kɛ awuiyeli dadei kɛba jɛi.

Yohane 19:10

Ni Pilato kɛɛ lɛ akɛ, “Okɛ mi ewieee? Ani oleee akɛ miyɛ hegbɛ akɛ miŋmɛɔ ohe, ni miyɛ hegbɛ hu akɛ misɛŋɔ bo?”

Yohane 3:27

Yohane here nɔ ni ekɛɛ, “Gbɔmɔ nyɛŋ ana nɔ ko, akɛ ja ajɛ ŋwɛi akɛhã lɛ.

Yohane 7:30

No hewɔ lɛ, amɛmiitao amɛmɔ lɛ, shi kɛ̃lɛ mɔ ko etaaa ehe, ejaakɛ eŋmɛlɛtswaa lɛ shɛko.

Yohane 9:41

Yesu kɛɛ amɛ akɛ, “Eji nyɛshwila moŋ kulɛ, nyɛhe bɛ esha; shi agbɛnɛ nyɛkɛɔ akɛ, ‘Wɔmiina nii.’ No hewɔ lɛ, nyɛhe esha lɛ yɛ nyɛhe lolo.”

Bɔfoi 2:23

Yesu nɛɛ ni ajie lɛ yɛ Nyɔŋmɔ yiŋtoo kɛ enii ni ele eto lɛ naa ahã lɛ, nyɛtsɔ̃ mɛi ni bɛ mla lɛ anine nɔ nyɛsɛŋ lɛ ni nyɛgbe lɛ.

Bɔfoi 3:13

Abraham kɛ Isak kɛ Yakob Nyɔŋmɔ lɛ ni ji wɔtsɛmɛi aNyɔŋmɔ lɛ ewo etsulɔ Yesu hiɛ nyam, Yesu mɔ ni nyɛjie lɛ nyɛhã ni nyɛkwa lɛ yɛ Pontio Pilato hiɛ, be ni lɛ lɛ ekpɛ mli akɛ eeeŋmɛɛ ehe lɛ.

Bɔfoi 4:28

koni amɛfee nii abɔ ni onine kɛ oyiŋtoo lɛ eto efɔ shi akɛ afee lɛ.

Romabii 11:36

Ejaakɛ edɛŋ nii fɛɛ jɛ, ni enɔ amɛtsɔ̃ kɛba, ni lɛ nɔŋŋ amɛyɔɔ amɛhã. Lɛ aaaŋɔ anunyam ahã kɛya naanɔ. Amen!

Romabii 13:1

Mɔ fɛɛ mɔ aba ehe shi ahã hegbɛi ni yeɔ nɔ lɛ. Ejaakɛ hegbɛ ko bɛ ni jeee Nyɔŋmɔ ŋɔɔ ejɛ; hegbɛi ni yɔɔ lɛ, Nyɔŋmɔ to.

Yakobo 1:17

Dromɔnii kpakpai fɛɛ kɛ nikeenii ni hi kɛwula shi fɛɛ lɛ; ŋwɛi ejɛɔ ekpelekeɔ shi, kɛjɛɔ ŋwɛi lai aTsɛ lɛ ŋɔɔ, mɔ mli ni tsakemɔ loo duŋ ni tsakemɔ kɛbaa bɛ lɛ.

Yakobo 4:17

No hewɔ lɛ, mɔ ni le ekpakpafeemɔ ni efeee lɛ, esha ji no hã lɛ.