Yohane 18:12 - ŊMALƐ KRƆŊKRƆŊ LƐ

¹² Kɛkɛ ni asraafoi lɛ kɛ asafoiatsɛnukpa lɛ kɛ Yudafoi lɛ atsuji lɛ mɔ Yesu ni amɛfi lɛ,

Ṅmãle̱ Kroṅkroṅ Le̱

¹² Ke̱ke̱ ni asrafoi le̱ ke̱ asafoatše̱nukpa le̱ ke̱ Iudafoi le̱ atšũdši le̱ mõ Iesu ni ome̱fĩle̱,

Yohane 18:12 ပူးပေါင်းရင်းမြစ်များ

1 Mose 22:9

Be ni amɛshɛ he ni Nyɔŋmɔ etsɔ̃ɔ lɛ, Abraham ma afɔleshãa latɛ yɛ jɛi. Eto lai lɛ eshwie afɔleshãa latɛ lɛ nɔ. Kɛkɛ ni efi ebi Isak lɛ, ni ekɛ lɛ ŋmɛ lai lɛ nɔ yɛ afɔleshãa latɛ lɛ nɔ.

1 Mose 40:3

ni eyawo amɛ tsuŋ yɛ blafoiatsɛ lɛ shĩa yɛ gboklɛfoi atsu lɛ mli he ni akɛ Yosef ewo lɛ.

Lalai 118:27

Yehowa lɛ ji Nyɔŋmɔ, ni ehã la etso ehã wɔ. Nyɛhiɛa gbijurɔ blɛo lɛ kɛyaa afɔleshãa latɛ lɛ koji lɛ ahe tɔ̃ɔ.

Mateo 26:57

Agbɛnɛ mɛi ni mɔ Yesu lɛ kpala lɛ kɛtee Kaiafa, osɔfonukpa lɛ; ŋɔɔ, yɛ he ni mlatsɔɔlɔi lɛ kɛ onukpai lɛ ebua amɛhe naa yɛ lɛ.

Mateo 27:2

Ni amɛfi lɛ ni amɛkpala lɛ kɛtee amɛyahã Amralo Pontio Pilato.

Mateo 27:27

Kɛkɛ ni Amralo lɛ asraafoi lɛ ŋɔ Yesu kɛtee kojomɔhe lɛ, ni amɛyabua asraafoi aku lɛ fɛɛ naa kɛbabɔle lɛ;

Marko 14:53

Ni amɛkpala Yesu kɛtee osɔfonukpa lɛ ŋɔɔ, ni osɔfonukpai lɛ kɛ maŋ onukpai lɛ kɛ mlatsɔɔlɔi lɛ fɛɛ naa bakpe shi yɛ eŋɔɔ.

Marko 15:1

Ni be ni je kɛɛ etsɛreɔ lɛ, osɔfonukpai lɛ kɛ maŋ onukpai lɛ kɛ mlatsɔɔlɔi lɛ kɛ akwaashɔŋ muu lɛ fɛɛ tee ajina, ni amɛfi Yesu, ni amɛkpala lɛ kɛyahã Pilato.

Luka 22:54

Ni amɛmɔ lɛ ni amɛkpala lɛ kɛtee osɔfonukpa lɛ we lɛ. Shi Petro nyiɛ sɛɛ shɔŋŋ.

Yohane 18:3

No hewɔ lɛ, Yuda yaŋɔ asraafoi kɛ tsuji kɛjɛ osɔfonukpai kɛ Farisifoi lɛ aŋɔɔ, ni amɛhiɛhiɛ kanei kɛ hai kɛ awuiyeli dadei kɛba jɛi.

Bɔfoi 10:1

Shi nuu ko yɛ Kaisarea ni atsɛɔ lɛ Kornelio ni ji asraafoiohaatsɛ yɛ asraafoi akuu ni atsɛɔ lɛ Italia kuu lɛ mli.

Bɔfoi 21:31

Shi be ni amɛheɔ lɛ amɛgbe lɛ, ayatswa asafoiatsɛnukpa lɛ adafi akɛ Yerusalɛm fɛɛ efee gidigidi.

Bɔfoi 21:37

Shi be ni akɛ Paulo baabote mɔɔ lɛ mli lɛ, ebi asafoiatsɛnukpa lɛ akɛ, “Ani miyɛ hegbɛ akɛ mikɛ bo wieɔ wiemɔ ko lo?” Ebi lɛ akɛ, “Ole Hela wiemɔ?

Bɔfoi 23:10

Shi be ni bei lɛ mli wa lɛ, asafoiatsɛnukpa lɛ she gbeyei akɛ ekolɛ amɛaatserɛ Paulo mli hewɔ lɛ, efã asraafoi lɛ akɛ amɛkpeleke shi ni amɛyashɔ̃ lɛ yɛ amɛdɛŋ, ni amɛkɛ lɛ aba mɔɔ lɛ mli.

Kojolɔi 16:21

Kɛkɛ ni Filistibii lɛ mɔ lɛ ni amɛfamɔ ehiŋmɛii. Amɛkɛ lɛ tee Gaza. Amɛkɛ akɔɔble gboklɛi enyɔ wo lɛ, ni amɛhãa ewiɛɔ yɛ wiɛ sɛɛ yɛ gboklɛfoi atsu lɛ mli.