Yohane 17:3 - ŊMALƐ KRƆŊKRƆŊ LƐ

³ Shi enɛ ji naanɔ wala lɛ, akɛ amɛle bo, anɔkwa Nyɔŋmɔ kome lɛ, kɛ Yesu Kristo, mɔ ni otsu lɛ.

Ṅmãle̱ Kroṅkroṅ Le̱

³ Ši ene̱ dši nāno̱ wala le̱, ake̱ ame̱le ho, *ano̱kwa Nyoṅmo̱ kome le̱, ke̱ Iesu Kristo, moni otšũ le̱. *1 Ioh. 5,20.

Yohane 17:3 ပူးပေါင်းရင်းမြစ်များ

1 Kronika 28:9

“Ni bo, mibi Solomon, ole otsɛ ni ji Nyɔŋmɔ lɛ; osɔ̃mɔ lɛ kɛ otsuiŋ fɛɛ, asaŋ ojie oyitsoŋ fɛɛ hu ni okɛsɔ̃mɔ lɛ! Ejaakɛ Yehowa taoɔ adesã tsuiŋ fɛɛ, ni ele eyitsoŋ fɛɛ. Kɛji otao esɛɛgbɛ lɛ eeehã ona lɛ; shi kɛji okwa lɛ lɛ, eeeshɛ bo efɔ̃ kɛya naanɔ.

2 Kronika 15:3

Israel hi shi be kplaŋŋ ni ebɛ anɔkwa Nyɔŋmɔ lɛ, ebɛ osɔfoi ni tsɔ̃ɔ maŋbii lɛ anii, ni ebɛ mla hu.

Lalai 9:10

Ni mɛi ni le ogbɛi lɛ ŋɔɔ amɛhiɛ amɛfɔ̃ɔ onɔ; ejaakɛ bo Yehowa, okwaaa mɛi ni taoɔ osɛɛgbɛ lɛ.

Abe̱i 8:35

Ejaakɛ mɔ ni aaaná mi lɛ, ena wala ni ehiɛ aaaba nyam yɛ Yehowa hiɛ.

Yesaia 48:16

Nyɛtsia nyɛbɛŋkɛa mi nyɛbaboa enɛ toi. Kɛjɛ shishijee lɛ miwieee yɛ dujiaŋ; ni dani nɔ ko baaba mli lɛ, miyɛ jɛi. Ni agbɛnɛ Nuŋtsɔ Nyɔŋmɔ etsu mi kɛ Emumɔ lɛ.”

Yesaia 53:11

Esusuma haomɔ lɛ hewɔ lɛ, eeena nii ni aaahã etsui anyɔ emli. Kɛtsɔ̃ mitsulɔ jalɔ lɛ nilee nɔ lɛ, eeehã aŋɔ mɛi babaoo akɛ jalɔi, ni eeetere amɛnishaianii lɛ.

Yesaia 61:1

Nuŋtsɔ Yehowa mumɔ lɛ yɛ minɔ. Efɔ mi mu, ni etsu mi koni mibashiɛ Sanekpakpa lɛ mitsɔ̃ɔ ohiafoi. Etsu mi koni mibashɛje mɛi ni efee bliboo kɛ awerɛho lɛ amii, koni mishiɛ heyeli mitsɔ̃ɔ nomii lɛ, kɛ mɛi ni awo amɛ tsuŋ lɛ.

Yeremia 10:10

Shi Yehowa ji anɔkwa Nyɔŋmɔ. Lɛ ji Nyɔŋmɔ hiɛkãalɔ kɛ Naanɔ Maŋtsɛ lɛ. Emlifu hãa shikpɔŋ hosoɔ, ni maji nyɛɛɛ emlila lɛ naa adamɔ.

Hosea 6:3

Nyɛhãa wɔbɔa mɔdɛŋ wɔlea Yehowa. Bɔ ni ŋwanejee ko bɛ he akɛ daa gbi lɛ je tsɛreɔ lɛ, nakai nɔŋŋ ŋwanejee ko bɛ he akɛ Yehowa baajie ehe kpo etsɔ̃ɔ wɔ. Ebaaba wɔŋɔɔ tamɔ Agbiɛnaa nunɛmɔ tueɔ shwieɔ shikpɔŋ lɛ nɔ lɛ.”

Marko 9:37

“Mɔ fɛɛ mɔ ni hereɔ gbekɛbii ni tamɔ mɛnɛɛmɛi ateŋ mɔ kome yɛ migbɛi mli lɛ, ehereɔ mi; ni mɔ ni hereɔ mi lɛ, jeee mi ehereɔ, shi moŋ mɔ ni tsu mi lɛ!”

Luka 9:48

ni ekɛɛ amɛ akɛ, “Mɔ fɛɛ mɔ ni hereɔ gbekɛ fioo nɛɛ yɛ migbɛi mli lɛ, ehereɔ mi; ni mɔ ni hereɔ mi lɛ, ehereɔ mɔ ni tsu mi lɛ; ejaakɛ mɔ ni ji bibioo yɛ nyɛ fɛɛ nyɛteŋ lɛ, lɛ ji agbo fe fɛɛ.”

Yohane 10:36

nyɛmiikɛɛ mɔ ni Tsɛ lɛ efee lɛ krɔŋkrɔŋ ni etsu lɛ kɛba je lɛ mli lɛ akɛ, ‘Obɔ musu’, akɛni mikɛɛ akɛ, ‘Nyɔŋmɔ Bi ji mi’ lɛ?

Yohane 11:42

Mile akɛ daa oboɔ mi toi, shi asafo lɛ ni damɔ biɛ lɛ hewɔ mikɛɔ enɛ, koni amɛhe amɛye akɛ bo otsu mi.”

Yohane 14:26

Shi Hefatalɔ lɛ ni ji Mumɔ Krɔŋkrɔŋ lɛ, mɔ ni Tsɛ lɛ baatsu yɛ migbɛi mli lɛ, lɛ eeetsɔ̃ɔ nyɛ nii fɛɛ, ni eeekai nyɛ nii fɛɛ ni mikɛɛ nyɛ lɛ.

Yohane 17:18

Tamɔ bɔ ni otsu mi je lɛ mli lɛ, nakai nɔŋŋ mi hu mitsu amɛ je lɛ mli.

Yohane 17:21

bɔ ni afee ni amɛ fɛɛ amɛfee ekome, tamɔ bɔ ni bo, Ataa, oyɔɔ mimli ni mi hu miyɔɔ omli lɛ, koni amɛ hu amɛfee ekome yɛ wɔmli, ni je lɛ ahe aye akɛ bo otsu mi.

Yohane 17:23

Miyɛ amɛmli, ni bo hu oyɛ mimli, koni amɛfee ekome kɛwula shi, ni je lɛ ale akɛ bo otsu mi, ni osumɔɔ amɛ tamɔ osumɔɔ mi lɛ.

Yohane 17:25

Ataa Jalɔ, je lɛ leee bo, shi mi lɛ mile bo, ni mɛnɛɛmɛi le akɛ bo otsu mi;

Yohane 17:8

ejaakɛ wiemɔi lɛ ni okɛhã mi lɛ, mikɛhã amɛ; ni amɛmɔ mli, ni amɛna amɛle anɔkwale mli akɛ oŋɔɔ mijɛ, ni amɛhe amɛye akɛ bo otsu mi.

Yohane 3:17

Ejaakɛ Nyɔŋmɔ tsuuu eBi lɛ kɛbaaa je lɛ mli koni ebakojo je lɛ, shi moŋ koni atsɔ̃ enɔ ahere je lɛ yiwala.

Yohane 3:34

Ejaakɛ mɔ ni Nyɔŋmɔ tsu lɛ, Nyɔŋmɔ wiemɔi ewieɔ; ejaakɛ jeee susumɔ Nyɔŋmɔ susuɔ Mumɔ lɛ ehãa lɛ.

Yohane 5:44

Te aaafee tɛŋŋ ni nyɛaanyɛ nyɛhe nyɛyeŋ, nyɛ ni nyɛtaoɔ anunyam yɛ nyɛteaŋ, shi anunyam ni jɛɔ Nyɔŋmɔ koome lɛ ŋɔɔ lɛ nyɛdii sɛɛ lɛ?

Yohane 6:57

Bɔ ni Tsɛ, hiɛkãalɔ lɛ, tsu mi, ni Tsɛ lɛ hewɔ mihiɛ kã lɛ, nakai nɔŋŋ mɔ ni yeɔ mi lɛ hu hiɛ aaakã yɛ mihewɔ.

Yohane 7:29

Shi mi lɛ mile lɛ, ejaakɛ eŋɔɔ mijɛ, ni lɛ etsu mi.”

Yohane 8:19

Kɛkɛ ni amɛbi lɛ akɛ, “Nɛgbɛ oTsɛ lɛ yɔɔ?” Yesu here nɔ akɛ, “Nyɛleee mi ni nyɛsaa nyɛleee miTsɛ; nyɛle mi jikulɛ, nyɛaale miTsɛ hu.”

1 Korintobii 15:34

Nyɛhãa nyɛhiɛ akãa shi jogbaŋŋ, ni nyɛkafea esha; ejaakɛ nyɛteŋ mɛi komɛi leee nɔ ko nɔ ko yɛ Nyɔŋmɔ he. Miikɛɛ enɛ ni mikɛwo nyɛ hiɛgbele.

1 Korintobii 8:4

Agbɛnɛ nɔ ni kɔɔ wɔji afɔle nii ayeli he lɛ, wɔle akɛ wɔŋ ko wɔŋ ko jeee fɛifɛi yɛ je nɛɛ mli, ni asaŋ nyɔŋmɔ ko nyɔŋmɔ ko bɛ, akɛ ja Mɔ kome kɛkɛ.

2 Korintobii 4:6

ejaakɛ Nyɔŋmɔ ni kɛɛ akɛ la ajɛ duŋ mli akpɛ lɛ, lɛ nɔŋŋ ekpɛ yɛ wɔtsuii amli hu, koni Nyɔŋmɔ anunyam he nilee la lɛ akpɛ yɛ Yesu Kristo hiɛ.

Filipibii 3:10

ni male lɛ Kristo eshitee lɛ hewalɛ lɛ; ni mana emanehului lɛ eko, ni matamɔ lɛ yɛ egbele lɛ gbɛfaŋ;

Filipibii 3:8

Anɔkwale mli lɛ mibuɔ fɛɛ akɛ shigbeemɔ yɛ Kristo Yesu, miNuŋtsɔ lɛ, he nilee ni fe nii fɛɛ lɛ hewɔ; lɛ ehewɔ ni nii fɛɛ ebɔ mi, ni mibuɔ amɛ akɛ tumo nɔ nii, koni mana Kristo,

1 Tesalonikabii 1:9

Ejaakɛ amɛ diɛŋtsɛ amɛgbaa wɔhe sane bɔ ni wɔba nyɛŋɔɔ kɛ bɔ ni nyɛkpale kɛjɛ amãgãi ahe kɛba Nyɔŋmɔ ŋɔɔ ni nyɛbasɔ̃mɔ anɔkwa Nyɔŋmɔ hiɛkãalɔ lɛ

2 Tesalonikabii 1:8

Ekɛ lalilɛi aaatɔ owele yɛ mɛi ni leee Nyɔŋmɔ kɛ mɛi ni booo wɔNuŋtsɔ Yesu Kristo Sanekpakpa lɛ toi lɛ anɔ.

Hebribii 3:1

Enɛ hewɔ lɛ, anyɛmimɛi krɔŋkrɔŋi ni ena ŋwɛi tsɛmɔ lɛ eko, nyɛjwɛŋa wɔhemɔkɛyeli jajemɔ lɛ he bɔfo kɛ osɔfonukpa ni ji Kristo Yesu lɛ he,

2 Petro 1:2

Dromɔ kɛ hejɔlɛ afa ahã nyɛ yɛ Nyɔŋmɔ kɛ wɔNuŋtsɔ Yesu he nilee lɛ mli.

2 Petro 1:3

ENyɔŋmɔ hewalɛ lɛ kɛ nii fiaa ni hi hã wala kɛ Nyɔŋmɔ gbeyeishemɔ lɛ eke wɔ yɛ mɔ ni tsɔ̃ lɛ diɛŋtsɛ enunyam kɛ ehewalɛ nɔ etsɛ wɔ lɛ he nilee mli.

2 Petro 1:8

Ejaakɛ kɛji nɛkɛ nii nɛɛ yɛ nyɛmli ni efa lɛ, ehãŋ nyɛfee mɛi ni ebɔɔɔ mɔdɛŋ aloo mɛi ni wooo yibii yɛ wɔNuŋtsɔ Yesu Kristo he nilee lɛ gbɛfaŋ.

1 Yohane 1:2

Ni wala lɛ jie ehe kpo etsɔ̃ɔ, ni wɔna, ni wɔyeɔ he odase ni wɔjajeɔ naanɔ wala lɛ, nɔ ni kɛ Tsɛ lɛ yɔɔ ni ejie ehe kpo etsɔ̃ɔ wɔ lɛ he sane wɔtsɔ̃ɔ nyɛ lɛ.

1 Yohane 1:3

Nɔ ni wɔna ni wɔnu lɛ, no wɔjajeɔ wɔtsɔ̃ɔ nyɛ hu, koni nyɛ hu nyɛkɛ wɔ abɔ naanyo. Shi wɔnaanyobɔɔ lɛ, Tsɛ lɛ kɛ eBi Yesu Kristo lɛ wɔkɛbɔɔ.

1 Yohane 2:23

Mɔ fɛɛ mɔ ni kwaa Bi lɛ, ebɛ Tsɛ lɛ hu; shi mɔ ni gbaa mli kpoo akɛ eheɔ Bi lɛ nɔ eyeɔ lɛ, eyɛ Tsɛ lɛ hu.

1 Yohane 4:6

Wɔ lɛ, Nyɔŋmɔ mli wɔjɛ; mɔ ni le Nyɔŋmɔ lɛ, eboɔ wɔ toi mɔ ni jɛɛɛ Nyɔŋmɔ mli lɛ, ebooo wɔ toi. No wɔkɛyoɔ anɔkwale mumɔ lɛ kɛ shishiumɔ mumɔ lɛ.

1 Yohane 5:20

Wɔle akɛ Nyɔŋmɔ Bi lɛ eba, ni ehã wɔ jwɛŋmɔ koni wɔle anɔkwafo lɛ. Ni wɔyɛ anɔkwafo lɛ mli, yɛ eBi Yesu Kristo lɛ mli, mɔ ni ji anɔkwa Nyɔŋmɔ lɛ kɛ naanɔ wala lɛ.