Yohane 17:26 - ŊMALƐ KRƆŊKRƆŊ LƐ

²⁶ ni mijie ogbɛi lɛ kpo mitsɔ̃ɔ amɛ, ni masaa majie lɛ kpo matsɔ̃ɔ, koni suɔmɔ ni okɛsumɔ mi lɛ ahi amɛmli, ni mi hu mahi amɛmli.”

Ṅmãle̱ Kroṅkroṅ Le̱

²⁶ ni midšie ogbe̱i le̱ kpo mitšõame̱, ni masa madšĩele̱ kpo matšõ, koni suomo̱ ni oke̱-sumo̱mi le̱ ahĩ ame̱mli, ni mi hũ mahĩ ame̱mli.

Yohane 17:26 ပူးပေါင်းရင်းမြစ်များ

Lalai 22:22

Majaje onifeemɔi lɛ matsɔ̃ɔ minyɛmimɛi lɛ, ni majie oyi yɛ asafo lɛ mli.

Yohane 14:20

Nakai gbi lɛ nɔ lɛ nyɛ diɛŋtsɛ nyɛaale akɛ miyɛ miTsɛ mli, ni nyɛ hu nyɛyɛ mimli, ni mi hu miyɛ nyɛmli.

Yohane 14:23

Yesu here nɔ ni ekɛɛ lɛ akɛ, “Kɛji mɔ ko miisumɔ mi lɛ, eeeye miwiemɔ lɛ nɔ, ni miTsɛ aaasumɔ lɛ, ni wɔɔba eŋɔɔ, ni wɔkɛ lɛ aaahi shi.

Yohane 15:15

Mitsɛɛɛ nyɛ tsuji dɔŋŋ, ejaakɛ tsulɔ leee nɔ ni enuŋtsɔ feɔ, shi moŋ shieŋtsɛmɛi matsɛ nyɛ, ejaakɛ nii fɛɛ ni minu yɛ miTsɛ naa lɛ, mitsi tã mikɛɛ nyɛ.

Yohane 15:4

Nyɛhia mimli, ni mi hu mahi nyɛmli. Tamɔ bɔ ni tso nine nyɛŋ awo yibii lɛ diɛŋtsɛ akɛ ja ema waintso lɛ he lɛ, nakai nyɛ hu nyɛnyɛŋ akɛ ja nyɛhi mimli.

Yohane 15:9

“Bɔ ni Tsɛ lɛ sumɔ mi lɛ, nakai mi hu misumɔ nyɛ; nyɛhia misuɔmɔ lɛ mli.

Yohane 17:23

Miyɛ amɛmli, ni bo hu oyɛ mimli, koni amɛfee ekome kɛwula shi, ni je lɛ ale akɛ bo otsu mi, ni osumɔɔ amɛ tamɔ osumɔɔ mi lɛ.

Yohane 17:6

“Mijie ogbɛi lɛ shi mitsɔ̃ɔ gbɔmɛi ni okɛhã mi kɛjɛ je lɛŋ lɛ. Onii ji amɛ, ni okɛ amɛ hã mi, ni amɛye owiemɔ lɛ nɔ.

Yohane 17:8

ejaakɛ wiemɔi lɛ ni okɛhã mi lɛ, mikɛhã amɛ; ni amɛmɔ mli, ni amɛna amɛle anɔkwale mli akɛ oŋɔɔ mijɛ, ni amɛhe amɛye akɛ bo otsu mi.

Yohane 6:56

Mɔ ni yeɔ miheloo ni enuɔ mila lɛ, ehiɔ mimli, ni mi hu mihiɔ emli.

Yohane 8:50

Mitaooo mi diɛŋtsɛ minunyam; shi mɔ ko yɛ ni taoɔ ni ekojoɔ ehãa mi.

Romabii 8:10

Shi kɛ Kristo yɛ nyɛmli lɛ, no lɛ gbɔmɔtso lɛ egbo yɛ esha hewɔ nɛ, shi Mumɔ lɛ hiɛ kã, yɛ jalɔi ni abu nyɛ lɛ hewɔ.

1 Korintobii 1:30

Shi lɛ ejɛ ni nyɛyɔɔ Kristo Yesu, mɔ ni tsɔ̃ nilee ni jɛ Nyɔŋmɔ ŋɔɔ kɛ jalɛ kɛ hetsuumɔ kɛ kpɔ̃mɔ ehã wɔ lɛ mli;

1 Korintobii 12:12

Shi tamɔ bɔ ni gbɔmɔtso lɛ ekome ni, shi ehiɛ henii pii, ni gbɔmɔtso lɛ henii pii lɛ fɛɛ gbɔmɔtso kome ni lɛ, nakai nɔŋŋ hu ji Kristo.

Galatabii 2:20

Asɛŋ mi kɛ Kristo; hewɔ lɛ jeee mi mihiɛ kã dɔŋŋ, shi Kristo ni hiɛ kã yɛ mimli; shi mihiɛ ni kã yɛ heloo mli agbɛnɛ nɛɛ, Nyɔŋmɔ Bi lɛ ni sumɔ mi ni ekɛ ehe hã yɛ mihewɔ lɛ nɔ hemɔkɛyeli mli mihiɛ kã yɛ.

Efesobii 1:6

koni akɛjie edromɔ ni ekɛduro wɔ yɛ mɔ ni esumɔɔ lɛ lɛ mli lɛ anunyam lɛ yi.

Efesobii 3:17

ni atsɔ̃ hemɔkɛyeli nɔ ni Kristo ahi shi yɛ nyɛtsuii amli, ni nyɛshishifã amɔ shi ni nyɛma shi shiŋŋ yɛ suɔmɔ mli.

Efesobii 5:30

ejaakɛ egbɔmɔtso henii ji wɔ.

Efesobii 5:32

Teemɔ sane ni tsii nɛ; mi lɛ mikɛtoɔ Kristo kɛ asafo lɛ he.

Kolosebii 1:27

Ni Nyɔŋmɔ sumɔ akɛ ahã amɛle nɔ ni ji nɛkɛ teemɔ sane nɛɛ anunyam falɛ lɛ yɛ jeŋmaji lɛ ateŋ. Teemɔ sane nɛɛ ji akɛ Kristo yɛ nyɛmli koni nyɛna anunyam lɛ hiɛnɔkãmɔ lɛ.

Kolosebii 2:10

ni nyɛye emuu yɛ emli, lɛ mɔ ni ji onukpayeli kɛ hegbɛ fɛɛ yitso lɛ.

Kolosebii 3:11

Enɛ mli lɛ Helanyo kɛ Yudanyo, ketiafolɔ kɛ foolɔ, gbɔ, Sikitianyo, nyɔŋ kɛ odehe ko bɛ dɔŋŋ, shi moŋ Kristo ji nii fiaa yɛ mɛi fɛɛ mli.

2 Tesalonikabii 2:16

Shi lɛ wɔNuŋtsɔ Yesu Kristo lɛ diɛŋtsɛ kɛ wɔTsɛ Nyɔŋmɔ ni sumɔ wɔ ni ekɛ naanɔ miishɛjemɔ kɛ hiɛnɔkãmɔ kpakpa hã wɔ yɛ dromɔ naa lɛ,

Hebribii 2:12

Ni ekɛɛ, “Matsĩ ogbɛi lɛ tã matsɔ̃ɔ minyɛmimɛi lɛ; asafo mli hu mala majie oyi yɛ.”

1 Yohane 3:24

Ni mɔ ni yeɔ ekitãi lɛ anɔ lɛ hiɔ emli, ni lɛ hu ehiɔ emli; ni nɔ ni wɔkɛleɔ akɛ ehiɔ wɔmli ji Mumɔ ni ekɛhã wɔ lɛ.