Yohane 17:25 - ŊMALƐ KRƆŊKRƆŊ LƐ

²⁵ Ataa Jalɔ, je lɛ leee bo, shi mi lɛ mile bo, ni mɛnɛɛmɛi le akɛ bo otsu mi;

Ṅmãle̱ Kroṅkroṅ Le̱

²⁵ Atā dšalo̱, dše le̱ leeo, ši mi le̱ mileo, ni mene̱mei le ake̱ bo otšũmi;

Yohane 17:25 ပူးပေါင်းရင်းမြစ်များ

Yesaia 45:21

Nyɛbaa koni nyɛbajajea nyɛsane lɛ; nyɛhãa amɛyaa ajina! Namɔ ji mɔ ni jeeŋmɔ ko lɛ egba nɔ ni eba nɛɛ? Namɔ kɛɛ enɛ kɛjɛ blema? Aso jeee mi, Yehowa, ni? Ni misɛɛ lɛ Nyɔŋmɔ ko bɛ dɔŋŋ ni ji Nyɔŋmɔ jalɔ kɛ Yiwalaherelɔ? Misɛɛ lɛ mɔ ko mɔ ko bɛ dɔŋŋ.”

Mateo 11:27

MiTsɛ etu nii fɛɛ ewo midɛŋ; ni mɔ ko mɔ ko leee Bi lɛ, akɛ ja Tsɛ lɛ kɛkɛ, asaŋ Tsɛ lɛ hu, mɔ ko mɔ ko leee lɛ, akɛ ja Bi lɛ, kɛ mɔ ni Bi lɛ sumɔɔ akɛ ejieɔ lɛ kpo etsɔ̃ɔ lɛ lɛ.”

Mateo 16:16

Simon Petro here nɔ ekɛɛ, “Bo ji Kristo lɛ, Nyɔŋmɔ hiɛkãalɔ lɛ Bi lɛ!”

Luka 10:22

“MiTsɛ etu nii fɛɛ ewo midɛŋ, ni mɔ ko leee mɔ ni ji Bi lɛ, ja Tsɛ lɛ, kɛ mɔ ni ji Tsɛ lɛ hu, ja Bi lɛ kɛ mɔ ni Bi lɛ sumɔɔ akɛ ejie lɛ kpo etsɔ̃ɔ lɛ.”

Yohane 1:18

Nyɔŋmɔ lɛ, mɔ ko enako lɛ pɛŋ; Bi koome ni yɔɔ Tsɛ lɛ mlishi lɛ, lɛ ebajie lɛ shi etsɔ̃ɔ faŋŋ.

Yohane 10:15

tamɔ bɔ ni Tsɛ lɛ le mi, ni mi hu mile Tsɛ lɛ. Ni mikɛ miwala ŋmɛɔ shi yɛ toi lɛ anajiaŋ.

Yohane 15:21

Shi amɛkɛ enɛɛmɛi fɛɛ aaafee nyɛ yɛ migbɛi lɛ hewɔ; ejaakɛ amɛleee mɔ ni tsu mi lɛ.

Yohane 16:27

ejaakɛ Tsɛ lɛ diɛŋtsɛ miisumɔ nyɛ, akɛni nyɛsumɔ mi, ni nyɛhe nyɛye akɛ Nyɔŋmɔ ŋɔɔ mijɛ lɛ.

Yohane 16:3

Ni amɛaafee enɛɛmɛi, ejaakɛ amɛleee Tsɛ lɛ ni amɛleee mi hu.

Yohane 16:30

Agbɛnɛ wɔna akɛ ole nii fɛɛ ni ehiaaa bo akɛ mɔ ko biɔ bo sane ko; enɛ wɔkɛheɔ wɔyeɔ akɛ Nyɔŋmɔ ŋɔɔ ojɛ.”

Yohane 17:11

Mibɛ je lɛ mli dɔŋŋ, shi mɛnɛɛmɛi yɛ je lɛ mli, ni mi lɛ miiba oŋɔɔ. Ataa Krɔŋkrɔŋ, mɛi ni okɛhã mi lɛ, too amɛ yɛ ogbɛi lɛ mli, bɔ ni afee ni amɛfee ekome tamɔ wɔ.

Yohane 17:18

Tamɔ bɔ ni otsu mi je lɛ mli lɛ, nakai nɔŋŋ mi hu mitsu amɛ je lɛ mli.

Yohane 17:21

bɔ ni afee ni amɛ fɛɛ amɛfee ekome, tamɔ bɔ ni bo, Ataa, oyɔɔ mimli ni mi hu miyɔɔ omli lɛ, koni amɛ hu amɛfee ekome yɛ wɔmli, ni je lɛ ahe aye akɛ bo otsu mi.

Yohane 17:23

Miyɛ amɛmli, ni bo hu oyɛ mimli, koni amɛfee ekome kɛwula shi, ni je lɛ ale akɛ bo otsu mi, ni osumɔɔ amɛ tamɔ osumɔɔ mi lɛ.

Yohane 17:3

Shi enɛ ji naanɔ wala lɛ, akɛ amɛle bo, anɔkwa Nyɔŋmɔ kome lɛ, kɛ Yesu Kristo, mɔ ni otsu lɛ.

Yohane 17:8

ejaakɛ wiemɔi lɛ ni okɛhã mi lɛ, mikɛhã amɛ; ni amɛmɔ mli, ni amɛna amɛle anɔkwale mli akɛ oŋɔɔ mijɛ, ni amɛhe amɛye akɛ bo otsu mi.

Yohane 3:17

Ejaakɛ Nyɔŋmɔ tsuuu eBi lɛ kɛbaaa je lɛ mli koni ebakojo je lɛ, shi moŋ koni atsɔ̃ enɔ ahere je lɛ yiwala.

Yohane 6:19

Be ni amɛwiri aaafee shitoi etɛ̃ loo ejwɛ lɛ, amɛna Yesu ni enyiɛ ŋshɔ lɛ hiɛ ni eebɛŋkɛ lɛlɛ lɛ, ni amɛshe gbeyei.

Yohane 7:29

Shi mi lɛ mile lɛ, ejaakɛ eŋɔɔ mijɛ, ni lɛ etsu mi.”

Yohane 8:19

Kɛkɛ ni amɛbi lɛ akɛ, “Nɛgbɛ oTsɛ lɛ yɔɔ?” Yesu here nɔ akɛ, “Nyɛleee mi ni nyɛsaa nyɛleee miTsɛ; nyɛle mi jikulɛ, nyɛaale miTsɛ hu.”

Yohane 8:55

ni nyɛleko lɛ, shi mi lɛ mile lɛ; ni kɛji mikɛɛ akɛ mileee lɛ lɛ, matsɔ̃ amalelɔ tamɔ nyɛ; shi mile lɛ, ni miyeɔ ewiemɔ nɔ.

Bɔfoi 17:23

Ejaakɛ be ni mihoɔ ni mikwɛ nii ni nyɛjaa lɛ, mina afɔleshãa latɛ ko hu ni aŋma yɛ nɔ akɛ, ‘Nyɔŋmɔ ni aleee lɛ nɔŋ.’ No hewɔ lɛ, mɔ ni nyɛleee lɛ ni kɛ̃ lɛ nyɛjaa lɛ lɛ, lɛ nɔŋŋ ehe sane mijajeɔ mitsɔ̃ɔ nyɛ nɛɛ.

Bɔfoi 26:18

ni oyagbele amɛhiŋmɛii, koni amɛkpale kɛjɛ duŋ mli kɛba la he, kɛjɛ abonsam hewalɛ mli kɛba Nyɔŋmɔ ŋɔ̃ɔ, ni amɛna amɛhe eshaifaa kɛ gboshinii yɛ mɛi ni akɛ minɔ hemɔkɛyeli efee amɛ krɔŋkrɔŋ lɛ ateŋ.’ ”

Romabii 1:28

Ni akɛni amɛbuuu akɛ esa akɛ amɛleɔ Nyɔŋmɔ lɛ, Nyɔŋmɔ hu ŋmɛɛ amɛhe ehã jwɛŋmɔ ni esaaa koni amɛfee nibii ni esaaa;

Romabii 3:11

nilelɔ ko bɛ, mɔ ko mɔ ko bɛ ni taoɔ Nyɔŋmɔ sɛɛgbɛ.

Romabii 3:26

koni ejie ejalɛ lɛ etsɔ̃ɔ yɛ benɛ be nɛɛ mli, ni eye bem ni ebu mɔ ni heɔ Yesu nɔ yeɔ lɛ hu bem.

1 Korintobii 1:21

Shi akɛni yɛ Nyɔŋmɔ nilee naa lɛ je lɛ nyɛɛɛ etsɔ̃ lɛ diɛŋtsɛ enilee nɔ kɛle Nyɔŋmɔ lɛ, esa Nyɔŋmɔ hiɛ akɛ ekɛ kwashiai asane lɛ ni ashiɛɔ lɛ ahere mɛi ni heɔ yeɔ lɛ ayiwala.

1 Korintobii 15:34

Nyɛhãa nyɛhiɛ akãa shi jogbaŋŋ, ni nyɛkafea esha; ejaakɛ nyɛteŋ mɛi komɛi leee nɔ ko nɔ ko yɛ Nyɔŋmɔ he. Miikɛɛ enɛ ni mikɛwo nyɛ hiɛgbele.

2 Korintobii 4:4

amɛ ji mɛi amli ni je nɛɛ mli nyɔŋmɔ lɛ eshwila mɛi ni heee yeee lɛ ajwɛŋmɔi lɛ yɛ, koni Kristo ni ji Nyɔŋmɔ subaŋ lɛ anunyam Sanekpakpa la lɛ akakpɛ miihã amɛ.

2 Tesalonikabii 1:8

Ekɛ lalilɛi aaatɔ owele yɛ mɛi ni leee Nyɔŋmɔ kɛ mɛi ni booo wɔNuŋtsɔ Yesu Kristo Sanekpakpa lɛ toi lɛ anɔ.

Hebribii 8:11

Ni amɛteŋ mɔ ko etsɔ̃ŋ emaŋnyo loo enyɛmi dɔŋŋ akɛ, ‘Le Nuŋtsɔ lɛ.’ Ejaakɛ amɛ fɛɛ amɛaale mi, kɛaajɛ amɛteŋ mɔ bibioo nɔ kɛyashi mɔ wulu nɔ.

1 Yohane 1:9

Kɛji wɔjaje wɔhe eshai lɛ wɔtsɔ̃ɔ Nyɔŋmɔ lɛ, anɔkwafo kɛ jalɔ ji lɛ, ni ekɛ wɔhe eshai lɛ aaafa wɔ ni eeetsumɔ wɔhe kɛjɛ nii ni ejaaa gbɛ fɛɛ mli.

Kpojiemɔ 13:8

Ni mɛi fɛɛ ni yɔɔ shikpɔŋ lɛ nɔ lɛ aaaja lɛ. Ja mɔ fɛɛ mɔ ni aŋma egbɛi kɛjɛ jeŋ shishijee yɛ Toobi ni agbe lɛ wala wolo lɛ mli lɛ kɛkɛ.

Kpojiemɔ 16:5

Ni minu nui lɛ anɔ bɔfo lɛ miikɛɛ, “Jalɔ ji bo, bo ni oyɔɔ, ni oyɛ, ni oji Mɔ krɔŋkrɔŋ lɛ, akɛni okojo nɛkɛ nɛɛ.