Yohane 17:23 - ŊMALƐ KRƆŊKRƆŊ LƐ

²³ Miyɛ amɛmli, ni bo hu oyɛ mimli, koni amɛfee ekome kɛwula shi, ni je lɛ ale akɛ bo otsu mi, ni osumɔɔ amɛ tamɔ osumɔɔ mi lɛ.

Ṅmãle̱ Kroṅkroṅ Le̱

²³ miye̱ *ame̱mli, ni bo hũ oye̱ mimli, koni ame̱fe ekome ke̱-wula ši, ni dše le̱ ale ake̱ bo otšũmi ni osumoo̱ame̱ tamo̱ bo̱ni osumoo̱mi le̱. *1 Kor. 6,17.

Yohane 17:23 ပူးပေါင်းရင်းမြစ်များ

Yohane 10:38

shi kɛji no mitsuɔ, ni kɛ̃lɛ nyɛheee mi nyɛyeee lɛ, nyɛhea nitsumɔi lɛ kɛkɛ nyɛyea mɔ, koni nyɛle ni nyɛhe nyɛye akɛ Tsɛ lɛ yɛ mimli, ni mi hu miyɛ Tsɛ lɛ mli.”

Yohane 13:35

Kɛji nyɛsumɔɔ nyɛhe lɛ, no mɛi fɛɛ kɛaale akɛ mikaselɔi ji nyɛ.”

Yohane 14:10

Ani oheee oyeee akɛ miyɛ Tsɛ lɛ mli ni Tsɛ lɛ hu yɛ mimli? Wiemɔi ni mikɛ nyɛ wieɔ lɛ, jeee mi diɛŋtsɛ miyiŋ mitoɔ miwieɔ; shi Tsɛ lɛ ni hiɔ mimli lɛ, lɛ etsuɔ enitsumɔi lɛ.

Yohane 14:23

Yesu here nɔ ni ekɛɛ lɛ akɛ, “Kɛji mɔ ko miisumɔ mi lɛ, eeeye miwiemɔ lɛ nɔ, ni miTsɛ aaasumɔ lɛ, ni wɔɔba eŋɔɔ, ni wɔkɛ lɛ aaahi shi.

Yohane 15:9

“Bɔ ni Tsɛ lɛ sumɔ mi lɛ, nakai mi hu misumɔ nyɛ; nyɛhia misuɔmɔ lɛ mli.

Yohane 16:27

ejaakɛ Tsɛ lɛ diɛŋtsɛ miisumɔ nyɛ, akɛni nyɛsumɔ mi, ni nyɛhe nyɛye akɛ Nyɔŋmɔ ŋɔɔ mijɛ lɛ.

Yohane 17:11

Mibɛ je lɛ mli dɔŋŋ, shi mɛnɛɛmɛi yɛ je lɛ mli, ni mi lɛ miiba oŋɔɔ. Ataa Krɔŋkrɔŋ, mɛi ni okɛhã mi lɛ, too amɛ yɛ ogbɛi lɛ mli, bɔ ni afee ni amɛfee ekome tamɔ wɔ.

Yohane 17:21

bɔ ni afee ni amɛ fɛɛ amɛfee ekome, tamɔ bɔ ni bo, Ataa, oyɔɔ mimli ni mi hu miyɔɔ omli lɛ, koni amɛ hu amɛfee ekome yɛ wɔmli, ni je lɛ ahe aye akɛ bo otsu mi.

Yohane 17:24

Ataa, mɛi ni okɛhã mi lɛ, miisumɔ akɛ he ni miyɔɔ lɛ amɛkɛ mi abahi jɛi, koni amɛna minunyam ni okɛhã mi lɛ, ejaakɛ osumɔ mi dani ato je lɛ shishi.

Yohane 17:26

ni mijie ogbɛi lɛ kpo mitsɔ̃ɔ amɛ, ni masaa majie lɛ kpo matsɔ̃ɔ, koni suɔmɔ ni okɛsumɔ mi lɛ ahi amɛmli, ni mi hu mahi amɛmli.”

Yohane 17:3

Shi enɛ ji naanɔ wala lɛ, akɛ amɛle bo, anɔkwa Nyɔŋmɔ kome lɛ, kɛ Yesu Kristo, mɔ ni otsu lɛ.

Yohane 17:8

ejaakɛ wiemɔi lɛ ni okɛhã mi lɛ, mikɛhã amɛ; ni amɛmɔ mli, ni amɛna amɛle anɔkwale mli akɛ oŋɔɔ mijɛ, ni amɛhe amɛye akɛ bo otsu mi.

Yohane 3:17

Ejaakɛ Nyɔŋmɔ tsuuu eBi lɛ kɛbaaa je lɛ mli koni ebakojo je lɛ, shi moŋ koni atsɔ̃ enɔ ahere je lɛ yiwala.

Yohane 6:56

Mɔ ni yeɔ miheloo ni enuɔ mila lɛ, ehiɔ mimli, ni mi hu mihiɔ emli.

1 Korintobii 1:30

Shi lɛ ejɛ ni nyɛyɔɔ Kristo Yesu, mɔ ni tsɔ̃ nilee ni jɛ Nyɔŋmɔ ŋɔɔ kɛ jalɛ kɛ hetsuumɔ kɛ kpɔ̃mɔ ehã wɔ lɛ mli;

2 Korintobii 5:21

Ejaakɛ mɔ ni leee esha lɛ, wɔhewɔ lɛ ehã etsɔ̃ esha, koni wɔ lɛ wɔtsɔ̃mɔ Nyɔŋmɔ jalɛ yɛ emli.

Galatabii 3:28

Yudanyo bɛ lɛ, Helanyo hu bɛ dɔŋŋ; nyɔŋ bɛ lɛ, odehe hu bɛ dɔŋŋ; nuu bɛ lɛ, yoo hu bɛ dɔŋŋ: ejaakɛ nyɛ fɛɛ lɛ mɔ kome ji nyɛ yɛ Kristo Yesu mli.

Filipibii 3:15

No hewɔ lɛ, nyɛhãa wɔ mɛi abɔ ni wɔdara yɛ mumɔ gbɛfaŋ lɛ wɔjwɛŋa nakai. Ni kɛ nɔ ko yɛ ni nyɛjwɛŋɔ lɛ ekroko lɛ, Nyɔŋmɔ aaajie no hu kpo faŋŋ atsɔ̃ɔ nyɛ.

Kolosebii 1:28

Lɛ ehe sane wɔjajeɔ, ni wɔwoɔ gbɔmɔ fɛɛ gbɔmɔ ŋaa, ni wɔtsɔ̃ɔ gbɔmɔ fɛɛ gbɔmɔ nilee nɛɛ fɛɛ, koni wɔkɛ gbɔmɔ fɛɛ gbɔmɔ adamɔ shi akɛ mɔ ni eye emuu yɛ Kristo mli.

Kolosebii 2:2

Miifee enɛ koni amɛtsɛ amɛtsui amɛŋmɛ amɛmli ni amɛfee ekome yɛ suɔmɔ mli ni amɛna hewalɛ falɛ fɛɛ ni anaa kɛjɛɔ niiashishinumɔ mli lɛ ni amɛle Nyɔŋmɔ teemɔ sane lɛ ni ji Kristo.

Kolosebii 3:14

Shi enɛɛmɛi fɛɛ sɛɛ lɛ nyɛwoa suɔmɔ ni ji kpãa ni fiɔ nibii fɛɛ feɔ lɛ ekome ni ehãa eyeɔ emuu lɛ.

1 Petro 5:10

Shi dromɔ fɛɛ Nyɔŋmɔ ni tsɛ nyɛ kɛba enaanɔ anunyam lɛ mli yɛ Kristo Yesu mli lɛ, kɛ nyɛna amanehulu fioo nɛɛ etã lɛ, lɛ diɛŋtsɛ eeesaa nyɛ pɛ, ni eeewaje nyɛ, ni eeewo nyɛ hewalɛ ni eeehã nyɛfi shi shiŋŋ.

1 Yohane 1:3

Nɔ ni wɔna ni wɔnu lɛ, no wɔjajeɔ wɔtsɔ̃ɔ nyɛ hu, koni nyɛ hu nyɛkɛ wɔ abɔ naanyo. Shi wɔnaanyobɔɔ lɛ, Tsɛ lɛ kɛ eBi Yesu Kristo lɛ wɔkɛbɔɔ.

1 Yohane 3:1

Nyɛkwɛa suɔmɔ bɔ sɔŋŋ ni Tsɛ lɛ kɛsumɔ wɔ, akɛ atsɛ wɔ Nyɔŋmɔ bii, ni nakai wɔji! Enɛ hewɔ lɛ, je lɛ leee wɔ, ejaakɛ eleee Nyɔŋmɔ.

1 Yohane 4:19

Wɔsumɔɔ Nyɔŋmɔ, ejaakɛ lɛ tsutsu esumɔ wɔ.

Kpojiemɔ 3:9

Naa, mikɛ mɛi ni jɛ Satan kpeehe lɛ ni kɛɔ akɛ Yudafoi ji amɛ shi ebɛ mli, shi malemɔ moŋ amɛmaleɔ lɛ aaaba ni amɛbakoto onaji anaa, ni amɛle akɛ mi lɛ miisumɔ bo.