Yohane 17:2 - ŊMALƐ KRƆŊKRƆŊ LƐ

² tamɔ bɔ ni ohã lɛ hegbɛ yɛ gbɔmɛi fɛɛ anɔ, koni mɛi fɛɛ ni okɛhã lɛ lɛ, ehã amɛ naanɔ wala lɛ.

Ṅmãle̱ Kroṅkroṅ Le̱

² take̱ bo̱ni ohãle̱ *hegbe̱ ye̱ helo fẽ no̱, koni mei fẽ ní oṅō-hãle̱ le̱, ehã-ame̱ nāno̱ wala le̱. *Mat. 11,27.

Yohane 17:2 ပူးပေါင်းရင်းမြစ်များ

Lalai 110:1

Yehowa kɛɛ minuŋtsɔ lɛ akɛ, “Ta mininejurɔ nɔ kɛyashi beyinɔ ni maŋɔ ohenyɛlɔi lɛ mafee onajiashi maaŋoo.”

Daniel 7:14

Ahã lɛ nɔyeli kɛ anunyam kɛ maŋtsɛyeli hewalɛ koni majimaji kɛ asafoi srɔtoi kɛ wiemɔi srɔtoi ashikpɔji anɔ bii fɛɛ asɔ̃mɔ lɛ. Emaŋtsɛyeli lɛ naanɔ maŋtsɛyeli ni, ni esɛɛ efoŋ; ni mɔ ko mɔ ko nyɛŋ hiɛ akpãtã.

Mateo 11:27

MiTsɛ etu nii fɛɛ ewo midɛŋ; ni mɔ ko mɔ ko leee Bi lɛ, akɛ ja Tsɛ lɛ kɛkɛ, asaŋ Tsɛ lɛ hu, mɔ ko mɔ ko leee lɛ, akɛ ja Bi lɛ, kɛ mɔ ni Bi lɛ sumɔɔ akɛ ejieɔ lɛ kpo etsɔ̃ɔ lɛ lɛ.”

Mateo 25:46

Ni mɛnɛɛmɛi lɛ, amɛaatee naanɔ hejaramɔ mli; shi jalɔi lɛ aaatee naanɔ wala mli.”

Mateo 28:18

Ni Yesu ba ekɛ amɛ bawie ekɛɛ, “Aŋɔ hegbɛ fɛɛ ahã mi yɛ ŋwɛi kɛ shikpɔŋ nɔ.

Yohane 17:24

Ataa, mɛi ni okɛhã mi lɛ, miisumɔ akɛ he ni miyɔɔ lɛ amɛkɛ mi abahi jɛi, koni amɛna minunyam ni okɛhã mi lɛ, ejaakɛ osumɔ mi dani ato je lɛ shishi.

Yohane 17:6

“Mijie ogbɛi lɛ shi mitsɔ̃ɔ gbɔmɛi ni okɛhã mi kɛjɛ je lɛŋ lɛ. Onii ji amɛ, ni okɛ amɛ hã mi, ni amɛye owiemɔ lɛ nɔ.

Yohane 17:9

Amɛ mibiɔ mahã; jeee je lɛ mibiɔ mahã, shi moŋ mɛi ni okɛhã mi lɛ, ejaakɛ onii ji amɛ.

Yohane 3:35

Tsɛ lɛ sumɔɔ Bi lɛ, ni etu nii fɛɛ ewo edɛŋ.

Yohane 4:14

shi mɔ ni nuɔ nu ni mi mahã lɛ lɛ, kumai yeŋ lɛ dɔŋŋ kɛaatee naanɔ; shi moŋ nu ni mahã lɛ lɛ aaatsɔ̃ nu hiŋmɛi ni baa kɛyaa naanɔ wala mli yɛ emli.”

Yohane 6:27

Nyɛkatsua ŋmaa ni fiteɔ lɛ he nii, shi moŋ nyɛtsua ŋmaa ni hiɔ shi kɛyaa naanɔ wala mli ni Gbɔmɔ Bi lɛ aaahã nyɛ lɛ he nii, ejaakɛ lɛ enaa Tsɛ Nyɔŋmɔ lɛ esɔo.”

Yohane 6:37

Mɛi fɛɛ ni Tsɛ lɛ kɛhãa mi lɛ aaaba miŋɔɔ, ni mɔ ni baa miŋɔɔ lɛ, mishwieŋ lɛ kɔkɔɔkɔ.

Yohane 6:39

Shi enɛ ji mɔ ni tsu mi lɛ suɔmɔnaanii lɛ, akɛ mɛi fɛɛ ni ekɛhã mi lɛ, mikahã amɛteŋ mɔ ko miilaaje, shi moŋ mitee lɛ shi yɛ naagbee gbi lɛ nɔ.

Romabii 6:23

Ejaakɛ esha dɛŋ nyɔmɔwoo lɛ gbele ni; shi Nyɔŋmɔ dromɔ keenɔ lɛ naanɔ walaŋ yɛ Yesu Kristo, wɔNuŋtsɔ lɛ, mli.

1 Korintobii 15:25

Shi ja eye maŋtsɛ kɛyashi beyinɔ ni Nyɔŋmɔ kɛ henyɛlɔi lɛ fɛɛ aaawo enajiaŋshi.

Efesobii 1:20

Hewalɛ nitsumɔ nɛɛ etsu yɛ Kristo mli, be ni etee lɛ shi kɛjɛ gbohii ateŋ, ni ekɛ lɛ ta eninejurɔ nɔ yɛ ŋwɛiniiaŋ,

Filipibii 2:10

koni mɛi ni yɔɔ ŋwɛi kɛ mɛi ni yɔɔ shikpɔŋ lɛ nɔ kɛ mɛi ni yɔɔ shikpɔŋ lɛ shishi lɛ ateŋ mɔ fɛɛ mɔ nakutso akula shi yɛ Yesu gbɛi lɛ mli;

1 Timoteo 1:16

shi kɛ̃lɛ enɛ hewɔ ni ana mi mɔbɔ lɛ, koni mi tsutsu mimli Yesu Kristo ajie etsuishitoo lɛ fɛɛ kpo yɛ, ni akɛto mɛi ni baahe enɔ aye ni amɛna naanɔ wala lɛ okadi.

Hebribii 1:2

Shi nɛkɛ bei nɛɛ anaagbee mli lɛ, eBi lɛ naa ekɛ wɔ wie yɛ. Ekɛ lɛ efee nibii fɛɛ yelɔ, ni enɔ hu etsɔ̃ efee je lɛ.

1 Petro 3:22

mɔ ni etee ŋwɛi ni eyata Nyɔŋmɔ ninejurɔ nɔ, ni akɛ ŋwɛi bɔfoi kɛ hegbɛi kɛ hewalɛi fɛɛ ewo eshishi lɛ.

1 Yohane 1:2

Ni wala lɛ jie ehe kpo etsɔ̃ɔ, ni wɔna, ni wɔyeɔ he odase ni wɔjajeɔ naanɔ wala lɛ, nɔ ni kɛ Tsɛ lɛ yɔɔ ni ejie ehe kpo etsɔ̃ɔ wɔ lɛ he sane wɔtsɔ̃ɔ nyɛ lɛ.

1 Yohane 2:25

Ni enɛ ji shi ni ewo wɔ lɛ — naanɔ wala lɛ.

1 Yohane 5:20

Wɔle akɛ Nyɔŋmɔ Bi lɛ eba, ni ehã wɔ jwɛŋmɔ koni wɔle anɔkwafo lɛ. Ni wɔyɛ anɔkwafo lɛ mli, yɛ eBi Yesu Kristo lɛ mli, mɔ ni ji anɔkwa Nyɔŋmɔ lɛ kɛ naanɔ wala lɛ.

Yuda 1:21

ni nyɛkwɛa nyɛhe nɔ jogbaŋŋ yɛ Nyɔŋmɔ suɔmɔ lɛ mli, ni nyɛkwɛa wɔNuŋtsɔ Yesu Kristo mɔbɔnalɛ lɛ gbɛ koni nyɛna naanɔ wala.