Yohane 17:11 - ŊMALƐ KRƆŊKRƆŊ LƐ

¹¹ Mibɛ je lɛ mli dɔŋŋ, shi mɛnɛɛmɛi yɛ je lɛ mli, ni mi lɛ miiba oŋɔɔ. Ataa Krɔŋkrɔŋ, mɛi ni okɛhã mi lɛ, too amɛ yɛ ogbɛi lɛ mli, bɔ ni afee ni amɛfee ekome tamɔ wɔ.

Ṅmãle̱ Kroṅkroṅ Le̱

¹¹ Ni mibe̱ dše le̱ mli doṅṅ, ši mene̱mei ye̱ dše le̱ mli, ni mi le̱ miba oṅõ. Atā kroṅkroṅ, mei ní oṅõ-hãmi ne̱, toame̱ ye̱ ogbe̱i le̱ amli, beni afe ní ame̱fe ekome *tamo̱wo̱. *10,30.

Yohane 17:11 ပူးပေါင်းရင်းမြစ်များ

Lalai 79:9

Oo wɔyiwalaheremɔ Nyɔŋmɔ, ogbɛi lɛ hiɛ nyam hewɔ lɛ, heremɔ wɔyiwala! Ni okɛ wɔhe eshai lɛ afa wɔ yɛ ogbɛi lɛ hewɔ.

Abe̱i 18:10

Mɔɔ ni wa ji Yehowa gbɛi lɛ, ni no mli jalɔ shaa foi kɛyaa, ni ehiɔ shi shweshweeshwe.

Yesaia 27:3

“Mi, Yehowa, misaa mli; mishwieɔ enɔ nu be fɛɛ be. Mibuɔ ehe nyɔɔŋ kɛ shwane fɛɛ bɔ ni afee ni mɔ ko akafite emli nɔ ko.

Yesaia 64:2

tamɔ bɔ ni la hãa lai tsoɔ, ni ehaa nu tswaa lɛ, koni eha ohenyɛlɔi ale ogbɛi. Ba koni obajie ohewalɛ lɛ kpo otsɔ̃ɔ ohenyɛlɔi lɛ, koni eha jeŋ maji lɛ ahe akpokpo yɛ ohiɛ!

Yeremia 14:21

Ogbɛi lɛ hewɔ lɛ, kaakwa wɔ; kaahã Yerusalɛm hiɛ miishwie shi; he ni ogbojee maŋtsɛ sɛ̃i lɛ yɔɔ lɛ. Kaimɔ kpãŋmɔ ni okɛ wɔ kpãŋ lɛ; ni okaku mli.

Yeremia 14:7

‘Wɔnishaianii lɛ miibu wɔ fɔ moŋ; shi Yehowa, ogbɛi lɛ hewɔ lɛ, feemɔ he eko ohã wɔ; tsɛbelɛ wɔsɛɛsɛɛyaa lɛ fa tsɔ̃, ni wɔfee esha wɔshi bo.

Ezekiel 20:22

Shi kɛ̃lɛ, mitsake miyiŋtoo lɛ, bɔ ni afee ni akagbe migbɛi lɛ he guɔ yɛ jeŋmaji ni amɛyɔɔ amɛteŋ lɛ ahiɛ; mɛi ahiɛ ni mi, mijie Israelbii lɛ yɛ, kɛje Ijipt shikpɔŋ lɛ nɔ lɛ.

Ezekiel 20:44

Nuŋtsɔ Yehowa kɛɛ akɛ, nyɛ Israel we, kɛji mikɛnyɛ ye yɛ migbɛi lɛ hewɔ, shi jeee yɛ nyɛjeŋba gbohii lɛ ahewɔ, loo nyɛnifeemɔnii gbohii lɛ ahewɔ lɛ, no nyɛkɛaale akɛ mi, mi ji Yehowa.”

Ezekiel 20:9

Shi kɛ̃lɛ, mifeee; mitsake miyiŋtoo lɛ yɛ migbɛi hewɔ, bɔ ni afee ni mikagbe migbɛi lɛ he guɔ yɛ jeŋmaji ni amɛyɔɔ amɛteŋ lɛ ahiɛ, mɛi ahiɛ ni mihã amɛle mi yɛ, be ni mijie amɛ kɛjɛ Ijipt shikpɔŋ lɛ nɔ lɛ.

Mateo 10:16

“Naa miitsu nyɛ tamɔ too Gwantɛŋi yɛ klãji ateŋ; no hewɔ lɛ, nyɛhiɛ atɛ̃a tamɔ onufui, ni nyɛfea kpoo tamɔ okpoi.

Mateo 5:48

No hewɔ lɛ, nyɛhia kɛwulaa shi, tamɔ bɔ ni nyɛTsɛ ni yɔɔ ŋwɛi lɛ hi kɛwula shi lɛ.”

Mateo 6:9

“No hewɔ lɛ, nyɛsɔlea nɛkɛ, ‘WɔTsɛ ni yɔɔ ŋwɛi, ogbɛi lɛ he atse;

Yohane 13:1

Dani Hehoo Gbijurɔ lɛ aaashɛ lɛ, akɛni Yesu le akɛ eŋmɛlɛtswaa ni ekɛbaaje je nɛɛ mli kɛya Tsɛ lɛ ŋɔɔ lɛ eshɛ hewɔ lɛ, bɔ ni esumɔɔ lɛ diɛŋtsɛ emɛi ni yɔɔ je lɛ mli lɛ, nakai esumɔ amɛ kɛyashi naagbee.

Yohane 13:3

akɛni Yesu le akɛ Tsɛ lɛ etu nii fɛɛ ewo edɛŋ, ni Nyɔŋmɔ ŋɔɔ ejɛ, ni esaa eeya Nyɔŋmɔ ŋɔɔ lɛ,

Yohane 14:20

Nakai gbi lɛ nɔ lɛ nyɛ diɛŋtsɛ nyɛaale akɛ miyɛ miTsɛ mli, ni nyɛ hu nyɛyɛ mimli, ni mi hu miyɛ nyɛmli.

Yohane 16:28

Tsɛ lɛ ŋɔɔ mijɛ miba je lɛ mli, ni miije je lɛ mli maya Tsɛ lɛ ŋɔɔ ekoŋŋ.”

Yohane 16:33

Mikɛɛ nyɛ nii nɛɛ, koni nyɛna hejɔlɛ yɛ mimli. Je lɛ mli lɛ, nyɛbaana amanehulu, shi nyɛtsui anyɔa nyɛmli, miye je lɛ nɔ kunim.”

Yohane 17:23

Miyɛ amɛmli, ni bo hu oyɛ mimli, koni amɛfee ekome kɛwula shi, ni je lɛ ale akɛ bo otsu mi, ni osumɔɔ amɛ tamɔ osumɔɔ mi lɛ.

Yohane 17:25

Ataa Jalɔ, je lɛ leee bo, shi mi lɛ mile bo, ni mɛnɛɛmɛi le akɛ bo otsu mi;

Yohane 17:6

“Mijie ogbɛi lɛ shi mitsɔ̃ɔ gbɔmɛi ni okɛhã mi kɛjɛ je lɛŋ lɛ. Onii ji amɛ, ni okɛ amɛ hã mi, ni amɛye owiemɔ lɛ nɔ.

Yohane 7:33

Kɛkɛ ni Yesu kɛɛ amɛ akɛ, “Be fioo kɛkɛ eshwɛ ni mikɛ nyɛ baahi shi, ni mibaya mɔ ni tsu mi lɛ ŋɔɔ.

Bɔfoi 3:21

mɔ ni sa akɛ ŋwɛi aŋɔ lɛ kɛyashi be ni aaato nibii fɛɛ ni Nyɔŋmɔ ewie he yɛ egbalɔi krɔŋkrɔŋi lɛ anaa kɛjɛ teteete lɛ gbɛjianɔ.

Romabii 12:5

nakai nɔŋŋ wɔyi pii nɛɛ gbɔmɔtso kome ji wɔ yɛ Kristo mli, ni wɔteŋ mɔ fɛɛ mɔ lɛ enaanyohenɔ ji lɛ,

Romabii 9:17

Ejaakɛ ŋmalɛ lɛ kɛɛ Farao akɛ, “Enɛ nɔŋŋ hewɔ mitee bo shi, koni majie mihewalɛ kpo kɛtsɔ̃ onɔ, koni atsi migbɛi tã yɛ shikpɔŋ lɛ fɛɛ nɔ.”

1 Korintobii 1:10

Shi, anyɛmimɛi, miikpa nyɛ fai yɛ wɔNuŋtsɔ Yesu Kristo gbɛi mli, akɛ nyɛnaabu afee ekome ni mligbalamɔi akaba nyɛteŋ, shi moŋ nyɛ fɛɛ nyɛhiɛa jwɛŋmɔ kome kɛ susumɔ kome.

Galatabii 3:28

Yudanyo bɛ lɛ, Helanyo hu bɛ dɔŋŋ; nyɔŋ bɛ lɛ, odehe hu bɛ dɔŋŋ; nuu bɛ lɛ, yoo hu bɛ dɔŋŋ: ejaakɛ nyɛ fɛɛ lɛ mɔ kome ji nyɛ yɛ Kristo Yesu mli.

Efesobii 4:4

Gbɔmɔtso kome kɛ Mumɔ kome yɔɔ, tamɔ bɔ nɔŋŋ ni hiɛnɔkãmɔ kome ji nɔ ni yɔɔ tsɛmɔ ni atsɛ nyɛ lɛ mli lɛ.

Filipibii 2:9

Enɛ hewɔ hu ni Nyɔŋmɔ wo enɔ gojoo, ni eduro lɛ gbɛi ni ta gbɛi fɛɛ gbɛi nɔ,

Hebribii 1:3

Lɛ ji enunyam lɛ kpɛmɔ kɛ esu lɛ mfoniri lɛ, ni ekɛ lɛ diɛŋtsɛ ehewalɛ wiemɔ lɛ hiɛɔ nibii fɛɛ. Be ni ekɛ lɛ diɛŋtsɛ ehe etsuu wɔhe kɛjɛ wɔhe eshai lɛ amli lɛ, etee eyata shi yɛ anunyam-Tsɛ agbo lɛ nine jurɔ nɔ yɛ ŋwɛi,

Hebribii 9:24

Ejaakɛ jeee He Krɔŋkrɔŋ ni akɛ niji fee ni ji nii lɛ diɛŋtsɛ lɛ afoniri kɛkɛ lɛ mli Kristo yabote lɛ; shi moŋ ŋwɛi diɛŋtsɛ eyabote, koni agbɛnɛ eyapue yɛ Nyɔŋmɔ hiɛ ehã wɔ.

Yakobo 4:4

Gbãlãfitelɔi! Nyɛleee akɛ naanyo ni akɛ je lɛ bɔɔ lɛ Nyɔŋmɔ nyɛɛ ni lo? No hewɔ lɛ, mɔ fɛɛ mɔ ni sumɔɔ akɛ ekɛ je lɛ abɔ naanyo lɛ etsɔ̃ Nyɔŋmɔ henyɛlɔ.

1 Petro 1:5

Ni atsɔ̃ɔ hemɔkɛyeli nɔ abuɔ nyɛhe yɛ Nyɔŋmɔ hewalɛ naa atoɔ yiwalaheremɔ ni asaa ato ni abaajie kpo yɛ naagbee be lɛ mli lɛ.

1 Yohane 3:12

Jeee tamɔ Kain ni jɛ mɔ fɔŋ lɛ mli ni egbe enyɛmi lɛ. Ni mɛɛ hewɔ egbe lɛ? Ejaakɛ enitsumɔi lɛ efɔ̃ɔji ni, shi enyɛmi lɛ nɔ lɛ ja.

1 Yohane 5:19

Wɔle akɛ wɔjɛ Nyɔŋmɔ mli, ni jeŋ muu lɛ fɛɛ yɛ efɔŋ nɔyeli shishi.

Yuda 1:1

Yuda, ni ji Yesu Kristo tsulɔ kɛ Yakobo nyɛmi lɛ; ŋma yahã mɛi ni atsɛ amɛ ni afee amɛ krɔŋkrɔŋ yɛ Tsɛ Nyɔŋmɔ lɛ mli ni akɛ amɛ eto ahã Yesu Kristo lɛ.

Yuda 1:24

Shi lɛ mɔ ni yɔɔ hewalɛ ni ekɛaabu nyɛhe ni nyɛkatɛrɛ ni eŋɔ nyɛ eyadamɔ enunyam lɛ hiɛ ni kpa ko bɛ nyɛhe yɛ mliflimɔ mli lɛ,

Kpojiemɔ 15:4

Namɔ po sheŋ bo gbeyei, Nuŋtsɔ, ni ewoŋ ogbɛ́i lɛ hiɛ nyam? Ejaakɛ bo okometoo ji Mɔ krɔŋkrɔŋ; ejaakɛ jeŋmaji lɛ fɛɛ aaaba ni amɛbaja yɛ ohiɛ, ejaakɛ ajie ojalɛ nitsumɔi lɛ ashi faŋŋ.”

Kpojiemɔ 19:12

Ni ehiŋmɛii tamɔ lalilɛi, ni maŋtsɛ faii pii bumɔ eyitso, ni aŋma gbɛi ko yɛ he ni mɔ ko mɔ ko leee akɛ ja lɛ diɛŋtsɛ;

Kpojiemɔ 4:8

Ni hiɛkãalɔi ejwɛ lɛ ateŋ mɔ fɛɛ mɔ yɛ fiji ekpaa, ni amɛhewɔ kɛ amɛmli eyimɔ obɔ̃bɔ̃ kɛ hiŋmɛii, ni amɛjɔɔɔ amɛhe nyɔɔŋ kɛ shwane ni amɛkɛɔ akɛ, “Krɔŋkrɔŋ, krɔŋkrɔŋ, krɔŋkrɔŋ ji Nuŋtsɔ Nyɔŋmɔ Ofe lɛ, mɔ ni yɛ momo lɛ kɛ mɔ ni yɔɔ lɛ kɛ mɔ ni baaba lɛ.”