Yohane 17:1 - ŊMALƐ KRƆŊKRƆŊ LƐ

¹ Be ni Yesu wie nii nɛɛ lɛ, ewo ehiɛ nɔ kɛtee ŋwɛi, ni ekɛɛ, “Ataa, ŋmɛlɛtswaa lɛ eshɛ; wo oBi lɛ hiɛ nyam, koni oBi lɛ hu awo ohiɛ nyam;

Ṅmãle̱ Kroṅkroṅ Le̱

¹ Nii ne̱ Iesu wie, ni ehole ehĩṅme̱ii ano̱ ke̱-te ṅwei, ni ekē̱: Atā, ṅmle̱tſā le̱ éše̱: wo obi le̱ hĩe nyam, koni obi le̱ hũ awo ohĩe nyam;

Yohane 17:1 ပူးပေါင်းရင်းမြစ်များ

Lalai 123:1

Oo, bo miwoɔ mihiɛ nɔ mikwɛɔ, bo mɔ ni ota maŋtsɛ sɛi nɔ yɛ ŋwɛi amli ŋwɛi lɛ.

Yesaia 38:14

Mibolɔ tamɔ nyɔŋmɔbitɛte loo kpokukpoku; miye ŋkɔmɔ tamɔ okpo. Ŋwɛikwɛmɔ sɔŋŋ hã mihiŋmɛii shiu. Ao Yehowa, efĩ mi, daamɔ mli oha mi.

Marko 14:41

Ni eba nɔ ni ji shii etɛ̃, ni ekɛɛ amɛ akɛ, “Nyɛ lɛ nyɛhe ejɔ nyɛ ni nyɛwɔɔ lolo nɛɛ? Efa! Ŋmɛlɛtswaa lɛ eshɛ, naa, aaŋɔ Gbɔmɔ Bi lɛ aawo eshafeelɔi adɛŋ.

Luka 18:13

Shi toohelɔ lɛ damɔ sɛɛ shɔŋŋ, ni emiii ni ewoɔ ehiɛ nɔ kɛya ŋwɛi tete; shi moŋ eshimɔ etsitsi ni ekɛɛ, ‘Nyɔŋmɔ, okɛ mi ni ji eshafeelɔ lɛ akpãtã!’

Luka 22:53

Daa ni mikɛ nyɛ yɔɔ Sɔlemɔ we lɛ, nyɛtaaa mihe; shi nyɛŋmɛlɛtswaa lɛ kɛ duŋ hewalɛ lɛ nɛ!”

Yohane 11:4

Shi be ni Yesu nu enɛ lɛ, ekɛɛ, “Nɛkɛ hela nɛɛ jeee gbele hela ni, shi moŋ Nyɔŋmɔ anunyam lɛ hewɔ eba, bɔ ni afee ni atsɔ̃ nɔ awo Nyɔŋmɔ Bi lɛ hiɛ nyam.”

Yohane 11:41

No hewɔ lɛ, amɛ jie tɛ lɛ. Ni Yesu hole ehiŋmɛii anɔ kɛtee ŋwɛi ni ekɛɛ, “Ataa, miida bo shi akɛ obo mi toi lɛ.

Yohane 12:23

Ni Yesu here amɛ nɔ ekɛɛ, “Ŋmɛlɛtswaa ni akɛbaawo Gbɔmɔ Bi lɛ hiɛ nyam lɛ eshɛ.

Yohane 13:1

Dani Hehoo Gbijurɔ lɛ aaashɛ lɛ, akɛni Yesu le akɛ eŋmɛlɛtswaa ni ekɛbaaje je nɛɛ mli kɛya Tsɛ lɛ ŋɔɔ lɛ eshɛ hewɔ lɛ, bɔ ni esumɔɔ lɛ diɛŋtsɛ emɛi ni yɔɔ je lɛ mli lɛ, nakai esumɔ amɛ kɛyashi naagbee.

Yohane 16:32

Naa; ŋmɛlɛtswaa lɛ miiba ni eshɛ po, ni nyɛbaagbɛ nyɛshwã ni mɔ fɛɛ mɔ aaaya emaŋ, ni nyɛaashi mi kome; shi kɛ̃lɛ jeee mi kome ni, ejaakɛ Tsɛ lɛ kɛ mi yɛ.

Yohane 7:30

No hewɔ lɛ, amɛmiitao amɛmɔ lɛ, shi kɛ̃lɛ mɔ ko etaaa ehe, ejaakɛ eŋmɛlɛtswaa lɛ shɛko.

Yohane 7:39

Shi Mumɔ lɛ ni mɛi ni heɔ enɔ yeɔ lɛ baana lɛ he ewie nɛɛ; shi Mumɔ Krɔŋkrɔŋ lɛ nako aba, ejaakɛ anako awo Yesu hiɛ nyam.

Yohane 8:20

Yesu wie wiemɔi nɛɛ yɛ nitoohe lɛ, be ni etsɔ̃ɔ nii yɛ Sɔlemɔ we lɛ; ni mɔ ko mɔɔɔ lɛ, ejaakɛ eŋmɛlɛtswaa lɛ shɛko.

Bɔfoi 3:13

Abraham kɛ Isak kɛ Yakob Nyɔŋmɔ lɛ ni ji wɔtsɛmɛi aNyɔŋmɔ lɛ ewo etsulɔ Yesu hiɛ nyam, Yesu mɔ ni nyɛjie lɛ nyɛhã ni nyɛkwa lɛ yɛ Pontio Pilato hiɛ, be ni lɛ lɛ ekpɛ mli akɛ eeeŋmɛɛ ehe lɛ.

1 Petro 1:21

Nyɛtsɔ̃ enɔ nyɛheɔ Nyɔŋmɔ, mɔ ni tee lɛ shi kɛjɛ gbohii ateŋ ni ewo ehiɛ nyam lɛ nɔ nyɛyeɔ lɛ, no hewɔ lɛ, nyɛhemɔkɛyeli kɛ nyɛhiɛnɔkãmɔ yɛ Nyɔŋmɔ mli.