Yohane 16:32 - ŊMALƐ KRƆŊKRƆŊ LƐ

³² Naa; ŋmɛlɛtswaa lɛ miiba ni eshɛ po, ni nyɛbaagbɛ nyɛshwã ni mɔ fɛɛ mɔ aaaya emaŋ, ni nyɛaashi mi kome; shi kɛ̃lɛ jeee mi kome ni, ejaakɛ Tsɛ lɛ kɛ mi yɛ.

Ṅmãle̱ Kroṅkroṅ Le̱

³² Na, ṅmle̱tſā le̱ mība ni eše̱ po, ní *nyebagbe̱ nyeſā ni mofẽmo aako̱ egbe̱, ni nyeašĩ mikome; ši dšee †mikome ni, edšake tše̱ le̱ ke̱mi ye. *Zak. 13,7. Mat 26,31. Mar. 14,27. †Ioh. 8,29.

Yohane 16:32 ပူးပေါင်းရင်းမြစ်များ

Zakaria 13:7

Yehowa Taiatsɛ lɛ kɛɛ ekoŋŋ akɛ, “Bo klante, wo ohe nɔ owo mitookwɛlɔ lɛ, mɔ ni ji misɛɛ mɔ lɛ, koni toi lɛ agbɛ ashwã. Mawo minine nɔ yɛ too bibiibii tete anɔ ni maplenee amɛ.

Mateo 26:31

Kɛkɛ ni Yesu kɛɛ amɛ akɛ, “Nyɔɔŋ nɛɛŋ lɛ nyɛ fɛɛ nyɛnane aaatɔ̃tɔ̃ yɛ mihewɔ; ejaakɛ aŋma akɛ, ‘Matswa tookwɛlɔ lɛ nɔ, ni tooku lɛ aaagbɛ ashwã.’

Mateo 26:56

Shi afee enɛ fɛɛ koni nii ni gbalɔi lɛ ŋmala lɛ aba mli.” Kɛkɛ ni kaselɔi lɛ fɛɛ jo foi shi lɛ.

Marko 14:27

Yesu kɛɛ ekaselɔi lɛ akɛ, “Nyɛ fɛɛ nyɛnane aaatɔ̃tɔ̃; ejaakɛ aŋma akɛ, ‘Matswa tookwɛlɔ lɛ nɔ, ni toi lɛ aaagbɛ ashwã.’

Marko 14:50

Kɛkɛ ni ekaselɔi lɛ fɛɛ jo foi amɛshi lɛ.

Yohane 12:23

Ni Yesu here amɛ nɔ ekɛɛ, “Ŋmɛlɛtswaa ni akɛbaawo Gbɔmɔ Bi lɛ hiɛ nyam lɛ eshɛ.

Yohane 16:2

Amɛaashwie nyɛ kɛaajɛ kpeehei lɛ. Ni be baaba tete, ni mɔ fɛɛ mɔ ni gbeɔ nyɛ lɛ aaasusu akɛ ekɛmiija Nyɔŋmɔ.

Yohane 16:25

“Nii nɛɛ, abɛbuai amli mikɛ nyɛ wieɔ yɛ nɛɛ. Be miiba, ni mikɛ nyɛ ewieŋ yɛ abɛbuai amli dɔŋŋ, shi moŋ faŋŋ majaje Tsɛ lɛ he sane matsɔ̃ɔ nyɛ.

Yohane 16:31

Yesu here amɛ nɔ akɛ, “Agbɛnɛ nyɛmiihe nyɛmiiye?

Yohane 19:27

Fee sɛɛ lɛ ekɛɛ kaselɔ lɛ akɛ, “Naa, onyɛ nɛ!” Ni kɛjɛ nakai ŋmɛlɛtswaa lɛ nɔ lɛ kaselɔ lɛ ŋɔ lɛ kɛtee lɛ diɛŋtsɛ ewe.

Yohane 20:10

Kɛkɛ ni kaselɔi lɛ ku amɛsɛɛ amɛtee shĩa.

Yohane 4:21

Yesu kɛɛ lɛ akɛ, “Awo, he mi oye akɛ ŋmɛlɛtswaa lɛ miiba ni jeee gɔŋ nɛɛ nɔ, ni asaŋ jeee Yerusalɛm ni nyɛaaja Tsɛ lɛ yɛ.

Yohane 4:23

Shi kɛ̃lɛ ŋmɛlɛtswaa lɛ miiba ni eshɛ momo, be ni anɔkwa jalɔi lɛ aaaja Tsɛ lɛ yɛ mumɔ kɛ anɔkwale mli, ejaakɛ jalɔi ni tamɔ mɛnɛɛmɛi Tsɛ lɛ taoɔ.

Yohane 5:25

Anɔkwale mikɛɔ nyɛ akɛ: ŋmɛlɛtswaa lɛ miiba, ni eshɛ etã, ni gbohii lɛ aaanu Nyɔŋmɔ Bi lɛ gbee, ni mɛi ni nuɔ lɛ aaana wala.

Yohane 5:28

Enɛ akafee nyɛ naakpɛɛ; ejaakɛ ŋmɛlɛtswaa lɛ miiba, nɔ mli ni mɛi fɛɛ ni yɔɔ gbohii abui amli lɛ aaanu egbee,

Yohane 8:16

Ni kɛ mikojoɔ tete po, mikojomɔ lɛ anɔkwale ni; ejaakɛ jeee mi kome ni, shi moŋ mi kɛ Tsɛ ni tsu mi lɛ ni.

Yohane 8:29

Ni mɔ ni tsu mi lɛ kɛ mi yɛ; Tsɛ lɛ shiko mi kome, ejaakɛ mi lɛ nɔ ni sa ehiɛ mifeɔ daa.”

Bɔfoi 21:6

Wɔyeyee shɛɛ ni wɔbote lɛlɛ mli; ni amɛ hu amɛku amɛsɛɛ kɛtee amɛshĩai.

Bɔfoi 8:1

Shi gbe ni agbe Stefano lɛ ŋɔɔ Saul hu naa. Ni nakai gbi lɛ nɔ nɔŋŋ lɛ yiwaa kpele te shi wo asafo ni yɔɔ Yerusalɛm lɛ; ni amɛ fɛɛ amɛgbɛ amɛshwã Yudea kɛ Samaria shikpɔŋ lɛ nɔ; bɔfoi lɛ kɛkɛ shwɛ.