Yohane 16:27 - ŊMALƐ KRƆŊKRƆŊ LƐ

²⁷ ejaakɛ Tsɛ lɛ diɛŋtsɛ miisumɔ nyɛ, akɛni nyɛsumɔ mi, ni nyɛhe nyɛye akɛ Nyɔŋmɔ ŋɔɔ mijɛ lɛ.

Ṅmãle̱ Kroṅkroṅ Le̱

²⁷ edšake̱ *tše̱ le̱ dientše̱ mīsumo̱nye, edšake̱ nye hũ nyemīsumo̱mi, ni nyehe nyeye ake̱ Nyoṅmo̱ ṅõ mĩdšo̱. *14,21.

Yohane 16:27 ပူးပေါင်းရင်းမြစ်များ

Zefania 3:17

Yehowa, oNyɔŋmɔ lɛ, kɛ bo yɛ, Taiatsɛ ni hãa ayeɔ kunim lɛ. Eeenya ohe kɛ miishɛɛ, eeeku sɛɛ esumɔ bo ekoŋŋ. Ebaala kɛ mliflimɔ yɛ ohewɔ,

Mateo 10:37

Mɔ ni dɔɔ tsɛ loo nyɛ he fe mi lɛ, esaaa mi; ni mɔ ni dɔɔ binuu loo biyoo he fe mi lɛ, esaaa mi.

Yohane 14:21

Mɔ ni ŋɔɔ mikitãi lɛ ni eyeɔ nɔ lɛ, lɛ ji mɔ ni sumɔɔ mi; ni mɔ ni sumɔɔ mi lɛ, miTsɛ aaasumɔ lɛ, ni mi hu masumɔ lɛ, ni majie mihe shi matsɔ̃ɔ lɛ.”

Yohane 14:23

Yesu here nɔ ni ekɛɛ lɛ akɛ, “Kɛji mɔ ko miisumɔ mi lɛ, eeeye miwiemɔ lɛ nɔ, ni miTsɛ aaasumɔ lɛ, ni wɔɔba eŋɔɔ, ni wɔkɛ lɛ aaahi shi.

Yohane 16:30

Agbɛnɛ wɔna akɛ ole nii fɛɛ ni ehiaaa bo akɛ mɔ ko biɔ bo sane ko; enɛ wɔkɛheɔ wɔyeɔ akɛ Nyɔŋmɔ ŋɔɔ ojɛ.”

Yohane 17:23

Miyɛ amɛmli, ni bo hu oyɛ mimli, koni amɛfee ekome kɛwula shi, ni je lɛ ale akɛ bo otsu mi, ni osumɔɔ amɛ tamɔ osumɔɔ mi lɛ.

Yohane 2:11

Enɛ Yesu fee yɛ Kana yɛ Galilea ekɛje ekadii ashishi ni ekɛ enunyam lɛ tsɔ̃ɔ, ni ekaselɔi lɛ he enɔ amɛye.

Yohane 3:13

Ni mɔ ko ekwɔko kɛyako ŋwɛi, akɛ ja mɔ ni jɛ ŋwɛi kpeleke shi lɛ, Gbɔmɔ Bi lɛ ni yɔɔ ŋwɛi lɛ.

Yohane 7:29

Shi mi lɛ mile lɛ, ejaakɛ eŋɔɔ mijɛ, ni lɛ etsu mi.”

Yohane 8:42

Kɛkɛ lɛ Yesu kɛɛ amɛ akɛ, “Nyɔŋmɔ ji nyɛTsɛ kulɛ, nyɛaasumɔ mi; ejaakɛ mi lɛ Nyɔŋmɔ ŋɔɔ mijɛ miba; ni asaŋ mitooo mi diɛŋtsɛ miyiŋ mibaaa, shi moŋ lɛ etsu mi.

Romabii 8:3

Ejaakɛ nɔ ni Mla lɛ nyɛɛɛ afee yɛ gbedemɔ ni heloo lɛ ehã egbede hewɔ lɛ, no Nyɔŋmɔ fee: etsu lɛ diɛŋtsɛ eBi lɛ yɛ su ni tamɔ esha heloo su mli, yɛ esha hewɔ; ni ebu esha lɛ fɔ yɛ heloo lɛ mli,

1 Korintobii 15:47

Klɛŋklɛŋ gbɔmɔ lɛ ni jɛ shikpɔŋ mli lɛ, su ni; gbɔmɔ ni ji enyɔ lɛ jɛ ŋwɛi.

1 Korintobii 16:22

Kɛ mɔ ko sumɔɔɔ Nuŋtsɔ Yesu Kristo sane lɛ, mɔ lɛ atsɔ̃ musumɔ! Maran-ata: Nuŋtsɔ, ba.

2 Korintobii 5:14

Ejaakɛ Kristo suɔmɔ lɛ nyɛɔ wɔnɔ, ni wɔkojoɔ nɛkɛ akɛ, kɛ mɔ kome gbo mɛi fɛɛ ayigbele lɛ, belɛ mɛi lɛ fɛɛ egboi.

Galatabii 4:4

Shi be ni be lɛ shɛ lɛ, Nyɔŋmɔ tsu lɛ diɛŋtsɛ eBi lɛ kɛba, yoo fɔ lɛ, eba Mla shishi;

Efesobii 6:24

Dromɔ kɛ mɛi fɛɛ ni sumɔɔ wɔNuŋtsɔ Yesu Kristo kɛ suɔmɔ ni sɛɛ efooo lɛ ahi shi. Amen!

1 Timoteo 1:15

Eji anɔkwa wiemɔ ni sa akɛ amɔ mli kwraa, akɛ Kristo Yesu ba je nɛɛŋ eba eshafeelɔi ayiwalaheremɔ, mɛi ateŋ ni mi mi ji oti lɛ;

Hebribii 12:6

Ejaakɛ mɔ ni Nuŋtsɔ lɛ sumɔɔ lɛ, lɛ etsɔseɔ, ni eyiɔ bi fɛɛ bi ni ekɛfeɔ enɔ lɛ.”

1 Petro 1:8

Nyɛnako lɛ moŋ nɛ, shi nyɛsumɔɔ lɛ; ni amrɔmrɔ nɛɛ hu nyɛnaaa lɛ moŋ, shi nyɛhe enɔ nyɛye. Hewɔ lɛ nyɛmli filiɔ nyɛ kɛ miishɛɛ ni anyɛɛɛ agba ni yɔɔ nyam babaoo lɛ,

1 Yohane 4:19

Wɔsumɔɔ Nyɔŋmɔ, ejaakɛ lɛ tsutsu esumɔ wɔ.

Kpojiemɔ 3:19

Mi lɛ, mɛi abɔ ni midɔɔ amɛhe lɛ, mikãa amɛ ni mitsɔseɔ amɛ; no hewɔ lɛ, ohiɛ adɔ ni otsake otsui.

Kpojiemɔ 3:9

Naa, mikɛ mɛi ni jɛ Satan kpeehe lɛ ni kɛɔ akɛ Yudafoi ji amɛ shi ebɛ mli, shi malemɔ moŋ amɛmaleɔ lɛ aaaba ni amɛbakoto onaji anaa, ni amɛle akɛ mi lɛ miisumɔ bo.