Yohane 16:22 - ŊMALƐ KRƆŊKRƆŊ LƐ

²² Nakai ji nyɛ hu; amrɔ nɛɛ nyɛmiiye ŋkɔmɔ; shi mibana nyɛ ekoŋŋ, ni nyɛtsui aaanyɔ nyɛmli ni nyɛmiishɛɛ lɛ mɔ ko shɔŋ yɛ nyɛdɛŋ.

Ṅmãle̱ Kroṅkroṅ Le̱

²² Nohewo̱ le̱ nye hũ, agbe̱ne̱ nyemīye ṅko̱mo̱ moṅ; ši mibananye ekoṅ, ni nyetšui aanyõ nyemli, ni nyemīše̱ le̱ moko šõṅ ye̱ nyedeṅ;

Yohane 16:22 ပူးပေါင်းရင်းမြစ်များ

Hiob 34:29

Kɛji Nyɔŋmɔ fee diŋŋ lɛ, namɔ baanyɛ lɛ ashwa? Kɛji ekɛ ehiɛ tee lɛ namɔ baanyɛ ehiɛ lɛ ena?

Lalai 146:2

Gbii abɔ ni mihiɛ kã nɛɛ, majie Yehowa yi! Mala majie miNyɔŋmɔ lɛ yi miwala be fɛɛ.

Lalai 33:21

Emli wɔnaa miishɛɛ yɛ, ejaakɛ egbɛi krɔŋkrɔŋ lɛ nɔ wɔhiɛ kã.

Yesaia 25:9

Nakai be lɛ aaakɛɛ akɛ, “Naa, wɔNyɔŋmɔ lɛ nɛ. Wɔkɛ wɔhiɛ efɔ̃ enɔ akɛ eeehere wɔ. Yehowa ni wɔhiɛ kã enɔ lɛ nɛ; nyɛhãa wɔmii ashɛa, ni wɔnyaa yɛ edɛŋ yiwalaheremɔ lɛ hewɔ.”

Yeremia 31:12

Amɛbaaba ni amɛbala waa kɛ nyamɔ yɛ Zion Gɔŋ lɛ nɔ; ni amɛmii baashɛ Yehowa mlihilɛ lɛ he, yɛ abele kɛ wain kɛ mu, kɛ toobii kɛ tsinai ahewɔ. Amɛshihilɛ baatsɔ̃ tamɔ abɔɔ ni ashwie emlinii nɔ nu, ni amɛtɔŋ biti dɔŋŋ.

Mateo 28:8

Ni amɛyiŋ kɛjɛ bu lɛ he mramra kɛ gbeyei kɛ nyamɔ babaoo, ni amɛhiɛ foi koni amɛyagba ekaselɔi lɛ.

Luka 10:42

nɔ kome ehia. Nɔ ni hi lɛ no Maria ekɔ lɛ, ni no lɛ ashɔŋ yɛ edɛŋ.”

Luka 16:25

Shi Abraham kɛɛ, ‘Mibi, kaimɔ akɛ bo lɛ oye ejurɔ yɛ owalabe mli, shi Lazaro na nɔ; shi agbɛnɛ aashɛje emii yɛ biɛ, ni bo lɛ, aapiŋ bo.

Luka 19:26

‘Eyɛ mli nakai, shi miikɛɛ nyɛ akɛ, mɔ fɛɛ mɔ ni yɔɔ nɔ ko lɛ, lɛ nɔŋŋ aaahã; shi mɔ ni bɛ nɔ ko lɛ, nɔ ni eyɔɔ lɛ tete aaashɔ̃ yɛ edɛŋ.’

Luka 24:41

Shi be ni amɛheee amɛyeee lolo yɛ miishɛɛ hewɔ ni amɛhiɛ efee amɛ yaa lɛ, ekɛɛ amɛ akɛ, “Nyɛyɛ nɔ ko ni ayeɔ yɛ biɛ lo?”

Yohane 14:1

“Nyɛkayea nyɛtsui; nyɛhea Nyɔŋmɔ nɔ nyɛyea, ni mi hu nyɛhea minɔ nyɛyea.

Yohane 14:19

Eshwɛ fioo kɛkɛ ni je lɛ enaŋ mi dɔŋŋ; shi nyɛ lɛ nyɛaana mi; ejaakɛ mihiɛ kã, ni nyɛ hu nyɛhiɛ aaakã.

Yohane 14:27

“Hejɔlɛ mishiɔ mahã nyɛ, hejɔlɛ ni ji minɔ lɛ mikɛhãa nyɛ, jeee bɔ ni je lɛ hãa lɛ mihãa nyɛ nɛɛ. Nyɛtsui akayea, ni asaŋ nyɛkashea gbeyei.

Yohane 16:16

“Eshwɛ fioo ni nyɛnaŋ mi, ni asaŋ eshwɛ fioo ni nyɛbaana mi, ejaakɛ miiya Tsɛ lɛ ŋɔɔ.”

Yohane 16:20

Anɔkwale mikɛɔ nyɛ akɛ, nyɛ lɛ nyɛbaafo ni nyɛbaawo yara, shi je lɛ baanya; nyɛ lɛ nyɛbaaye ŋkɔmɔ, shi nyɛkɔmɔyeli lɛ aaatsɔ̃ miishɛɛ.

Yohane 16:6

Shi ni mitsi nii nɛɛ atã mikɛɛ nyɛ hewɔ lɛ; ŋkɔmɔyeli eyi nyɛtsuiiaŋ obɔ̃.

Yohane 21:7

No hewɔ lɛ, kaselɔ ni Yesu sumɔɔ lɛ kɛɛ Petro akɛ, “Nuŋtsɔ lɛ ni.” Be ni Simon Petro nu akɛ Nuŋtsɔ lɛ ni lɛ, ekɛ etade lɛ ŋmɔ ehɛ, ejaakɛ eta shi yayai, ni etu egbee ŋshɔ lɛ mli.

Yohane 4:14

shi mɔ ni nuɔ nu ni mi mahã lɛ lɛ, kumai yeŋ lɛ dɔŋŋ kɛaatee naanɔ; shi moŋ nu ni mahã lɛ lɛ aaatsɔ̃ nu hiŋmɛi ni baa kɛyaa naanɔ wala mli yɛ emli.”

Bɔfoi 13:52

Ni kaselɔi lɛ yimɔ obɔ̃bɔ̃ kɛ miishɛɛ kɛ Mumɔ Krɔŋkrɔŋ.

Bɔfoi 16:25

Shi nyɔɔŋ teŋ lɛ Paulo kɛ Sila miisɔle ni amɛmiila amɛmiijie Nyɔŋmɔ yi; ni gboklɛfoi lɛ miibo amɛ toi.

Bɔfoi 2:46

Ni daa gbi lɛ amɛkɛ jwɛŋmɔ kome yaa Sɔlemɔ we lɛ, ni amɛkumɔkumɔɔ aboloo yɛ shĩai, ni amɛkɛ miishɛɛ kɛ tsui krɔŋŋ yeɔ nii,

Bɔfoi 5:41

Kɛkɛ ni amɛje akwaashɔŋ lɛ hiɛ amɛtee kɛ miishɛɛ, akɛ Yesu gbɛi lɛ hewɔ lɛ abu amɛ mɛi ni sa akɛ abɔ amɛ ahora.

2 Korintobii 6:10

Wɔ tamɔ ŋkɔmɔyelɔi, shi wɔmii shɛɔ daa. Wɔ tamɔ ohiafoi, shi wɔfeɔ mɛi pii niiatsɛmɛi, ni wɔ tamɔ mɛi ni bɛ nɔ ko, ni kɛ̃lɛ wɔyɛ nii fiaa.

2 Tesalonikabii 2:16

Shi lɛ wɔNuŋtsɔ Yesu Kristo lɛ diɛŋtsɛ kɛ wɔTsɛ Nyɔŋmɔ ni sumɔ wɔ ni ekɛ naanɔ miishɛjemɔ kɛ hiɛnɔkãmɔ kpakpa hã wɔ yɛ dromɔ naa lɛ,

Hebribii 10:34

ejaakɛ nyɛmusuŋ shã nyɛ yɛ mɛi ni awo amɛ gboklɛi lɛ ahewɔ, ni nyɛnii ni aha lɛ hu nyɛkɛ miishɛɛ kpɛlɛ̃, akɛni nyɛle akɛ nyɛyɛ jwetri ni hi fe no aahu ni hiɔ shi daa lɛ.

Hebribii 6:18

koni wɔtsɔ̃ saji enyɔ ni tsakeee ni Nyɔŋmɔ nyɛŋ emale yɛ mli lɛ anɔ wɔna miishɛjemɔ ni wa, ni wɔ mɛi ni wɔyaba abo lɛ wɔkɛmɔ hiɛnɔkãmɔ ni kã wɔhiɛ lɛ mli;

1 Petro 1:8

Nyɛnako lɛ moŋ nɛ, shi nyɛsumɔɔ lɛ; ni amrɔmrɔ nɛɛ hu nyɛnaaa lɛ moŋ, shi nyɛhe enɔ nyɛye. Hewɔ lɛ nyɛmli filiɔ nyɛ kɛ miishɛɛ ni anyɛɛɛ agba ni yɔɔ nyam babaoo lɛ,