Yohane 16:14 - ŊMALƐ KRƆŊKRƆŊ LƐ

¹⁴ Lɛ ebaawo mihiɛ nyam, ejaakɛ eeeŋɔ minɔ lɛ eko ni eeetsi tã etsɔ̃ɔ nyɛ.

Ṅmãle̱ Kroṅkroṅ Le̱

¹⁴ Le̱ ebawo mihĩe nyam, edšake̱ eeṅõ minõ le̱ eko ní eetšĩ tã etšõnye.

Yohane 16:14 ပူးပေါင်းရင်းမြစ်များ

Zakaria 12:10

“Mafɔse mimɔbɔnalɛ kɛ sɔlemɔ mumɔ mashwie David shwiei lɛ kɛ Yerusalɛm maŋbii lɛ anɔ bɔ ni kɛ amɛna mɔ ko ni amɛye lɛ awui ko lɛ, amɛaaye mɔ lɛ ŋkɔmɔ tamɔ ayeɔ bi koome ni egbo he ŋkɔmɔ; ni amɛaafo lɛ kɛ mlishãlɛ tamɔ afoɔ kromɔbi ni egbo.

Yohane 14:21

Mɔ ni ŋɔɔ mikitãi lɛ ni eyeɔ nɔ lɛ, lɛ ji mɔ ni sumɔɔ mi; ni mɔ ni sumɔɔ mi lɛ, miTsɛ aaasumɔ lɛ, ni mi hu masumɔ lɛ, ni majie mihe shi matsɔ̃ɔ lɛ.”

Yohane 15:26

“Shi Hefatalɔ lɛ ni mibatsu nyɛŋɔɔ kɛaajɛ Tsɛ lɛ ŋɔɔ lɛ, mɔ ni ji anɔkwale Mumɔ lɛ ni jɛɔ Tsɛ lɛ ŋɔɔ baa lɛ, kɛ eba lɛ, eeeye mihe odase;

Yohane 7:39

Shi Mumɔ lɛ ni mɛi ni heɔ enɔ yeɔ lɛ baana lɛ he ewie nɛɛ; shi Mumɔ Krɔŋkrɔŋ lɛ nako aba, ejaakɛ anako awo Yesu hiɛ nyam.

1 Korintobii 12:3

No hewɔ lɛ, miihã nyɛle akɛ mɔ ko ewieee yɛ Nyɔŋmɔ Mumɔ naa ni ekɛɛ akɛ, “Yesu ji musumɔ”; ni mɔ ko nyɛŋ ekɛɛ akɛ, “Yesu ji Nuŋtsɔ” hu, akɛ ja yɛ Mumɔ Krɔŋkrɔŋ naa.

2 Korintobii 4:6

ejaakɛ Nyɔŋmɔ ni kɛɛ akɛ la ajɛ duŋ mli akpɛ lɛ, lɛ nɔŋŋ ekpɛ yɛ wɔtsuii amli hu, koni Nyɔŋmɔ anunyam he nilee la lɛ akpɛ yɛ Yesu Kristo hiɛ.

Galatabii 5:5

Ejaakɛ wɔ lɛ, Mumɔ lɛ nɔ wɔtsɔ̃ɔ wɔkɛ hemɔkɛyeli mɛɔ jalɛ ni wɔhiɛ kã nɔ lɛ.

1 Petro 2:7

No hewɔ lɛ, nyɛ mɛi ni nyɛheɔ nyɛyeɔ lɛ ejara wa hã nyɛ; shi mɛi ni heee yeee lɛ, “Tɛ ni tsutswalɔi lɛ ekwa lɛ, No nɔŋŋ etsɔ̃ koŋtɛ”

1 Yohane 3:23

Ni enɛ ji ekitã lɛ, akɛ wɔhe eBi Yesu Kristo gbɛi lɛ nɔ wɔye, ni wɔsumɔsumɔɔ wɔhe, tamɔ bɔ ni ewo wɔ kitã lɛ.

1 Yohane 5:20

Wɔle akɛ Nyɔŋmɔ Bi lɛ eba, ni ehã wɔ jwɛŋmɔ koni wɔle anɔkwafo lɛ. Ni wɔyɛ anɔkwafo lɛ mli, yɛ eBi Yesu Kristo lɛ mli, mɔ ni ji anɔkwa Nyɔŋmɔ lɛ kɛ naanɔ wala lɛ.

1 Yohane 5:6

Yesu Kristo ji mɔ ni tsɔ̃ nu kɛ lá mli kɛba, jeee nu kɛkɛ mli, shi moŋ nu kɛ lá mli. Ni Mumɔ lɛ ji mɔ ni yeɔ odase lɛ, ejaakɛ Mumɔ lɛ ji anɔkwale lɛ.

Kpojiemɔ 19:10

Ni miho migbee enaji anaa koni maja lɛ. Ni ekɛɛ mi akɛ, “Kwɛ, kaafee nakai! Bo kɛ onyɛmimɛi lɛ ni hiɛ Yesu odase lɛ mli lɛ anaanyo tsulɔ ji mi. Já Nyɔŋmɔ!” Ejaakɛ Yesu he odase lɛ ji gbalɛ mumɔ lɛ.