Yohane 15:8 - ŊMALƐ KRƆŊKRƆŊ LƐ

⁸ Nɔ ni akɛwoɔ miTsɛ hiɛ nyam ji akɛ nyɛwo yibii pii, ni nyɛfee mikaselɔi.

Ṅmãle̱ Kroṅkroṅ Le̱

⁸ Ene̱ ake̱-woo̱ mitše̱ hĩe nyam, ké̱ nyewo yibii pī, ní nyetšṍmo̱ mikaselo̱i le̱.

Yohane 15:8 ပူးပေါင်းရင်းမြစ်များ

Yesaia 60:21

Omaŋ muu lɛ fɛɛ aaafee nɔ ni ja, ni shikpɔŋ lɛ aaatsɔ̃ amɛnɔ kɛya naanɔ, amɛ ji tso ni mitɛo akɛ mi mininenaa nitsumɔ nii koni akɛwo mihiɛ nyam.

Yesaia 61:3

Etsu mi koni mɛi ni yeɔ ŋkɔmɔ yɛ Zion lɛ mibaha amɛ ayilɔ yɛ lamlu najiaŋ, ni yɛ awerɛho najiaŋ lɛ, mibaha amɛmii ashɛ. Amɛaafee tamɔ tsei ni Yehowa diɛŋtsɛ tɛo. Amɛ fɛɛ amɛaafee nii ni ja, ni aaajie Nyɔŋmɔ yi yɛ nii ni efee lɛ hewɔ.

Hagai 1:8

Nyɛyaa gɔji lɛ anɔ, ni nyɛyafolɔa tsei kɛbaa nyɛkɛbamaa Sɔlemɔ we lɛ, ni mimii baashɛ mihe, ni mapue yɛ minunyam mli.

Mateo 5:16

Nakai nyɛhãa nyɛla atsoa yɛ gbɔmɛi ahiɛ, koni amɛna nyɛnifeemɔnii kpakpai lɛ, ni amɛwo nyɛTsɛ ni yɔɔ ŋwɛi lɛ hiɛ nyam.”

Mateo 5:44

Shi mi lɛ, miikɛɛ nyɛ akɛ, nyɛsumɔa nyɛhenyɛlɔi, ni nyɛsɔlea nyɛhãa mɛi ni waa nyɛ yi lɛ,

Mateo 9:8

Shi be ni asafo lɛ na lɛ, amɛnaa kpɛ amɛhe, ni amɛwo Nyɔŋmɔ hiɛ nyam akɛ ekɛ nɛkɛ hegbɛ ehã gbɔmɛi.

Luka 6:35

Moŋ nyɛsumɔa nyɛhenyɛlɔi, ni nyɛfea ejurɔ, ni nyɛfaa ni nyɛhiɛ kãaa nɔ ko nɔ dɔŋŋ, ni nyɛnyɔmɔwoo aaafa, ni nyɛaatsɔ̃mɔ Ŋwɛinyo lɛ bii, shi lɛ lɛ emli hi hã trumui kɛ mɛi fɔ̃ji.

Yohane 13:35

Kɛji nyɛsumɔɔ nyɛhe lɛ, no mɛi fɛɛ kɛaale akɛ mikaselɔi ji nyɛ.”

Yohane 15:5

“Mi ji waintso lɛ, nyɛ ji niji lɛ. Mɔ ni hiɔ mimli ni mi hu mihiɔ emli lɛ, lɛ ewoɔ yibii pii; ejaakɛ kɛjeee miŋ lɛ nyɛnyɛŋ nɔ ko nyɛfee.

Yohane 8:31

Kɛkɛ ni Yesu kɛɛ Yudafoi ni ehe lɛ eye lɛ akɛ, “Kɛji nyɛhi shi yɛ miwiemɔ lɛ mli lɛ, minɔkwa kaselɔi ji nyɛ,

1 Korintobii 10:31

No hewɔ lɛ, nii nyɛyeɔ jio, nii nyɛnuɔ jio, aloo nɔ kroko nyɛfeɔ jio, nyɛfea fɛɛ nyɛkɛwoa Nyɔŋmɔ hiɛ nyam.

1 Korintobii 6:20

Ejaakɛ ahe nyɛ kɛ jara ni wa. No hewɔ lɛ, nyɛkɛ nyɛgbɔmɔtsei lɛ awoa Nyɔŋmɔ hiɛ nyam.

Filipibii 1:11

ni nyɛyimɔ obɔ̃bɔ̃ kɛ jalɛ yibii ni awoɔ kɛtsɔ̃ɔ Yesu Kristo nɔ lɛ, hã Nyɔŋmɔ anunyam kɛ yijiemɔ.

Tito 2:10

amɛkashara nii, shi moŋ amɛhã ana amɛ akɛ mɛi ni yeɔ anɔkwa kɛmɔ shi, koni amɛkɛwula Nyɔŋmɔ ni ji wɔyiwalaherelɔ lɛ tsɔ̃ɔmɔ lɛ yɛ nibii fɛɛ mli.

Tito 2:5

amɛjwɛŋmɔ akã shi, amɛhe atse, amɛtsu amɛshĩa nii jogbaŋŋ, amɛmli ahi, amɛba amɛhe shi amɛhã amɛ diɛŋtsɛ amɛwumɛi, koni akawie Nyɔŋmɔ wiemɔ lɛ he musubɔɔ wiemɔ.

1 Petro 2:12

ni nyɛba nyɛjeŋ jogbaŋŋ yɛ jeŋmajiaŋbii lɛ ateŋ, koni be mli ni amɛwieɔ nyɛhe akɛ efɔŋfeelɔi lɛ, amɛkɛ nyɛnitsumɔi kpakpai lɛ ni amɛbaana lɛ awo Nyɔŋmɔ hiɛ nyam yɛ saramɔ Gbi lɛ nɔ.

1 Petro 4:11

Kɛ wiemɔ mɔ ko wieɔ lɛ, ewie lɛ akɛ Nyɔŋmɔ wiemɔi; kɛ sɔ̃ɔmɔ mɔ ko sɔ̃mɔɔ lɛ, esɔ̃mɔ akɛ hewalɛ ni Nyɔŋmɔ hãa lɛ lɛ mli ejeɔ esɔ̃mɔɔ, koni atsɔ̃ Yesu Kristo nɔ awo Nyɔŋmɔ hiɛ nyam yɛ nii fɛɛ mli; lɛ enɔ ji anunyam lɛ kɛ hewalɛ lɛ kɛyashiɔ naanɔi anaanɔ lɛ. Amen!