Yohane 15:7 - ŊMALƐ KRƆŊKRƆŊ LƐ

⁷ Kɛji nyɛhi mimli ni miwiemɔi lɛ hi nyɛmli lɛ, nyɛaakpa nɔ fɛɛ nɔ ni nyɛtaoɔ he fai, ni aaafee ahã nyɛ.

Ṅmãle̱ Kroṅkroṅ Le̱

⁷ Ke̱dši nyehĩ mimli ni miwiemo̱i le̱ hĩ nyemli le̱, nyeakpa nofẽno ní nyetaoo̱ he fai, ni aafe aahãnye. Mar. 11,24.

Yohane 15:7 ပူးပေါင်းရင်းမြစ်များ

1 Maŋtsɛmɛi 3:5

Nyɔɔŋ be ni eyɔɔ jɛi lɛ, Nuŋtsɔ Naa Nyɔŋmɔ jie ehe kpo etsɔ̃ɔ lɛ yɛ lamɔ mli. Ni Nyɔŋmɔ kɛɛ lɛ akɛ, “Bi mi nɔ ni otaoɔ ni mahã bo!”

Hiob 22:26

no dani omli aaafli bo yɛ Ofe lɛ hiɛ, ni ooowo ohiɛ nɔ okwɛ Nyɔŋmɔ!

Hiob 23:12

Mitswako Nyɔŋmɔ naa wiemɔ ko mifɔ̃ko afã dã; mikɛto mitsui shishi tɔ̃ɔ.

Lalai 119:11

Mikɛ owiemɔ lɛ eto mitsui mli koni mikafee esha mishi bo.

Lalai 37:4

Hã omii ashɛ ohe yɛ Yehowa hewɔ, ni eeehã bo nii ni otsui shweɔ lɛ.

Abe̱i 10:24

Nɔ ni mɔ fɔŋ sheɔ lɛ, no nɔŋŋ baaba enɔ; shi jalɔ lɛ enine aaashɛ etaomɔnii anɔ.

Abe̱i 4:4

“Hã otsui amɔ miwiemɔi amli, ye mikitãi ni miwoɔ bo lɛ anɔ, ni oyi aaana wala.

Yesaia 58:8

“No lɛ ojalɛ aaakpɛ tamɔ leebi hulu, ni otsamɔ hu aaafee oya, ni ojalɛ lɛ aaanyiɛ ohiɛ, ni Yehowa anunyam lɛ aaanyiɛ osɛɛ.

Yeremia 15:16

Ao! Yehowa, Taiatsɛ, be ni minu owiemɔi lɛ mimɔ mli, ni ehã mina miishɛɛ, ni mimli fili mi, ejaakɛ akɛ ogbɛi ewo mi.

Mateo 7:7

“Nyɛbia, ni aaahã nyɛ; nyɛtaoa, ni nyɛaana; nyɛshia, ni aaagbele ahã nyɛ.

Yohane 14:13

Ni nɔ fɛɛ nɔ ni nyɛɛakpa he fai yɛ migbɛi mli lɛ, mafee, koni Tsɛ lɛ hiɛ aba nyam kɛtsɔ̃ Bi lɛ nɔ.

Yohane 15:16

Jeee nyɛ nyɛhala mi, shi mi moŋ mihala nyɛ, ni mito nyɛ koni nyɛ hu nyɛya ni nyɛyawo yibii, ni nyɛyibii lɛ ahi shi, koni nɔ fɛɛ nɔ he fai ni nyɛaakpa Tsɛ lɛ yɛ migbɛi mli lɛ, ehã nyɛ.

Yohane 16:23

“Ni nakai gbi lɛ nɔ lɛ nyɛbiŋ mi nɔ ko nɔ ko. Anɔkwale mikɛɔ nyɛ akɛ, nɔ fɛɛ nɔ he fai ni nyɛaakpa Tsɛ lɛ yɛ migbɛi mli lɛ, eeehã nyɛ.

Yohane 8:31

Kɛkɛ ni Yesu kɛɛ Yudafoi ni ehe lɛ eye lɛ akɛ, “Kɛji nyɛhi shi yɛ miwiemɔ lɛ mli lɛ, minɔkwa kaselɔi ji nyɛ,

Yohane 8:37

Mile akɛ Abraham shwiei ji nyɛ; shi kɛ̃lɛ nyɛmiitao mi nyɛgbe, ejaakɛ miwiemɔ hooo nyɛmli.

Galatabii 4:2

shi moŋ eyɛ nɔkwɛlɔi kɛ tsuji nukpai ashishi kɛyashi beyinɔ ni tsɛ lɛ eto lɛ.

Galatabii 5:16

Shi nɔ ni mikɛɔ ji, “Nyɛnyiɛa yɛ Mumɔ naa, ni nyɛfeŋ heloo akɔnɔi lɛ anaa nii.”

5 Mose 6:6

Nɛkɛ wiemɔi nɛɛ ni miwoɔ bo he kitã ŋmɛnɛ gbi nɛɛ akã otsui nɔ,

Kolosebii 3:16

Nyɛhãa Kristo wiemɔ lɛ ahia nyɛmli babaoo; ni nyɛkɛ nilee fɛɛ atsɔ̃a nyɛhe nii ni nyɛwiea nyɛtsɔ̃a nyɛhe yɛ saŋkutswai kɛ yijiemɔ lalai kɛ mumɔŋ lalai amli, ni nyɛkɛ shidaa alaa yɛ nyɛtsuii amli nyɛhãa Nyɔŋmɔ.

1 Yohane 2:14

Miiŋma nyɛ, gbekɛbii, ejaakɛ nyɛle Tsɛ lɛ. Miiŋma nyɛ, ataamɛi, ejaakɛ nyɛle mɔ ni yɔɔ kɛjɛ shishijee lɛ. Miŋma nyɛ, oblahii, ejaakɛ nyɛhe wa, ni Nyɔŋmɔ wiemɔ lɛ yɛ nyɛmli, ni nyɛye mɔ fɔŋ lɛ nɔ kunim.

1 Yohane 2:27

Ni nyɛ lɛ, mufɔɔ ni nyɛna kɛjɛ eŋɔɔ lɛ yɛ nyɛmli, ni ehe ehĩaaa nyɛ akɛ mɔ ko atsɔ̃ɔ nyɛ nii, shi moŋ bɔ ni emufɔɔ lɛ tsɔ̃ɔ nyɛ nii fɛɛ, ni eji anɔkwale ni jeee amale ni lɛ, bɔ ni etsɔ̃ɔ nyɛ lɛ nyɛhia emli.

1 Yohane 3:22

Ni nɔ fɛɛ nɔ ni wɔbaa lɛ lɛ, wɔnaa yɛ edɛŋ, ejaakɛ wɔyeɔ ekitãi lɛ anɔ, ni wɔfeɔ nii ni sa ehiɛ.

1 Yohane 5:14

Ni ekãa ni wɔyɔɔ yɛ ehiɛ lɛ ji akɛ, kɛji wɔba nɔ ko yɛ esuɔmɔ naa lɛ, eboɔ wɔ toi.