Yohane 15:6 - ŊMALƐ KRƆŊKRƆŊ LƐ

⁶ Kɛji mɔ ko ehiii mimli lɛ, ashɛɔ lɛ afɔ̃ɔ tamɔ tso nine, ni egbiɔ, ni abuaa naa awoɔ la mli, ni ashãa.

Ṅmãle̱ Kroṅkroṅ Le̱

⁶ Ke̱dši moko ehĩĩ mimli le̱, atše̱o̱le̱ afõo̱ tamo tšonine, ni egbĩo̱, ni abuaä nā awoo̱ la mli, ni ašãa.

Yohane 15:6 ပူးပေါင်းရင်းမြစ်များ

2 Samuel 23:7

mɔ ni aaata amɛhe lɛ, ja ehiɛ dade kɛ akplɔ; ni akɛ la shãa amɛ wɛɛ.

Hiob 15:30

Ejeŋ duŋ lɛ mli; la baashã niji ni etsɛ̃rɛ lɛ; ni kɔɔyɔɔ baakpala efɔfɔi ashwie.

Lalai 80:15

Ba koni obabaa waintso lɛ ni otɛo yɛ ohewalɛ naa lɛ yi!

Yesaia 14:19

Shi bo lɛ ashɛ bo afɔ̃ kɛjɛ ogbonyobu lɛ mli tamɔ bi ni ashrake lɛ, ni no hewɔ lɛ, aaanyaŋe lɛ. Nɔ ni ona okɛha ohe ji mɛi ni akɛ klante egbe amɛ lɛ agbohii, ni amɛkpeleke shi kɛtee bu kwɔŋkwɔŋ lɛ mli, ni amɛtsɔmɔ tamɔ gbohii ni anaanaa amɛnɔ lɛ.

Yesaia 27:10

Ejaakɛ maŋ ni atswa gbogbo awo he lɛ etsɔ̃ amaŋfɔ̃ kɛ shihilɛhe ni ashi afɔ shi ni akwa lɛ tamɔ shiaŋa. Tsinabii miiye nii yɛ jɛi; amɛbumɔɔ shi yɛ jɛi, ni amɛyeɔ nii.

Ezekiel 17:9

“Kɛɛmɔ akɛ, bɔ ni Nuŋtsɔ Yehowa biɔ nɛ. Ani nɛkɛ waintso nɛɛ aaahere? Ani klɛŋklɛŋ okropɔŋ lɛ baŋ ni ebafã waintso lɛ kɛ eshishifã fɛɛ, ni efolɔ eniji lɛ eshwie, koni eyibaa fɔbii lɛ fɛɛ aŋala? Ebiŋ hewalɛ tsɔ̃ loo mɛi babaoo ni akɛfã tso lɛ kɛ eshishifã fɛɛ afɔ̃ shi.

Mateo 13:41

Gbɔmɔ Bi lɛ aaatsu ebɔfoi lɛ, ni amɛaabua nanetɔ̃tɔ̃mɔnii fɛɛ kɛ mɛi ni tsuɔ nii ni shiɔ mla lɛ anaa kɛaaje emaŋtsɛyeli lɛ mli,

Mateo 27:5

Ni eyashɛrɛ jwiɛtɛi lɛ eshwie Sɔlemɔ we lɛ, ni eyiŋ etee eyawo esɛ̃ kpãa.

Mateo 3:10

Shi lema lɛ kã tsei lɛ ashishifã lɛ nɔ momo; hewɔ lɛ tso fɛɛ tso ni wooo yibii kpakpai lɛ atoɔ afɔɔ shi, ni ashɛɔ afɔɔ la mli.

Mateo 7:19

Tso fɛɛ tso ni wooo yibii kpakpai lɛ, atoɔ lɛ ni ashɛɔ lɛ afɔ̃ɔ la mli.

Yohane 15:2

Mihe nine fɛɛ nine ni wooo yibii lɛ, efolɔɔ ni eko fɛɛ eko ni woɔ yibii lɛ, ekpɔlɔɔ he, bɔ ni afee ni ewo yibii pii fe tsutsu lɛ.

Hebribii 10:27

shi kojomɔ gbɛkwɛmɔ ni yɔɔ gbeyei kɛkɛ, kɛ la grigri ni baashã henyɛlɔi lɛ.

2 Petro 2:20

Ejaakɛ kɛ amɛtsɔ̃ Nuŋtsɔ kɛ yiwalaherelɔ Yesu Kristo he nilee lɛ nɔ amɛjo je nɛɛ mli mujinii lɛ anaa foi ni asaa adu amɛ yɛ nomɛi amli ni aye amɛnɔ lɛ, amɛnaagbee shihilɛ etsɔ̃ efɔŋ fe amɛtsutsu shihilɛ lɛ.

1 Yohane 2:19

Wɔteŋ amɛjɛ amɛtee, shi kɛ̃lɛ amɛjeee wɔteŋ mɛi komɛi, ejaakɛ wɔteŋ mɛi komɛi ji amɛ kulɛ amɛ kɛ wɔ hi shi. Shi amɛtee bɔ ni afee ni amɛ jie amɛhe shi akɛ amɛ fɛɛ lɛ jeee wɔteŋ mɛi komɛi ji amɛ.

Kpojiemɔ 20:15

Ni kɛji mɔ ko yɛ ni anãaa akɛ aŋma egbɛi yɛ wala wolo lɛ mli lɛ, ashɛɔ lɛ afɔ̃ɔ la kpaakpo lɛ mli.

Kpojiemɔ 21:8

Shi gbeyelɔi kɛ mɛi ni heee yeee kɛ mɛi ni feɔ nihiinii kɛ gbɔmɔgbelɔi kɛ ajwamãŋbɔlɔi kɛ sulɔi kɛ wɔŋjalɔi kɛ amalelɔi fɛɛ lɛ, amɛna amɛgbɛhe yɛ kpaakpo lɛ ni tsoɔ kɛ la kɛ swɔɔ lɛ mli. Enɛ ji gbele ni ji enyɔ lɛ.”