Yohane 15:5 - ŊMALƐ KRƆŊKRƆŊ LƐ

⁵ “Mi ji waintso lɛ, nyɛ ji niji lɛ. Mɔ ni hiɔ mimli ni mi hu mihiɔ emli lɛ, lɛ ewoɔ yibii pii; ejaakɛ kɛjeee miŋ lɛ nyɛnyɛŋ nɔ ko nyɛfee.

Ṅmãle̱ Kroṅkroṅ Le̱

⁵ Midši weintšo le̱, nyedši nidši le̱. Moni hĩo̱ mimli ni mi hũ mihĩo̱ emli le̱, le̱ noṅṅ ewoo̱ yibii pī; edšake̱ *ké̱ dšee miṅ le̱ nyenyẽṅ noko nyefe. *2 Kor. 3,5.

Yohane 15:5 ပူးပေါင်းရင်းမြစ်များ

Abe̱i 11:30

Jalɛ yibii lɛ wala ni; shi mla kwamɔ lɛ wala hiɛkpãtãmɔ ni.

Hosea 4:8

Amɛtsɔ̃ esha ni mimɛi lɛ feɔ lɛ nɔ amɛna nii, ni no hewɔ lɛ, amɛshweɔ akɛ mɛi aya nɔ afee esha.

Mateo 13:21

shi akɛni ebɛ shishifã lɛ, ehiɔ shi fioo kɛkɛ; ni kɛji haomɔ loo yiwaa ba yɛ wiemɔ lɛ hewɔ lɛ, etsɛɛɛ kɛkɛ lɛ enane etɔ̃tɔ̃.

Yohane 12:24

Anɔkwale mikɛɔ nyɛ akɛ, kɛ ŋmaa kuli enyɔɔɔ shikpɔŋ ni egbo lɛ, no lɛ eyɛ akɛ ŋmaa kuli kome lɛ nɔŋŋ; shi kɛji egbo lɛ, ewoɔ yibii pii.

Yohane 15:16

Jeee nyɛ nyɛhala mi, shi mi moŋ mihala nyɛ, ni mito nyɛ koni nyɛ hu nyɛya ni nyɛyawo yibii, ni nyɛyibii lɛ ahi shi, koni nɔ fɛɛ nɔ he fai ni nyɛaakpa Tsɛ lɛ yɛ migbɛi mli lɛ, ehã nyɛ.

Yohane 5:19

No hewɔ lɛ, Yesu here nɔ ekɛɛ amɛ akɛ, “Anɔkwale mikɛɔ nyɛ akɛ, Bi lɛ diɛŋtsɛ nyɛŋ eto eyiŋ efee nɔ ko, ja nɔ ni ena akɛ Tsɛ lɛ miifee; ejaakɛ nibii fɛɛ ni Tsɛ lɛ feɔ lɛ, nomɛi nɔŋŋ Bi lɛ hu feɔ.

Yohane 9:33

Gbɔmɔ nɛɛ jɛɛɛ Nyɔŋmɔ ŋɔɔ kulɛ enyɛŋ nɔ ko efee.”

Bɔfoi 4:12

Ejaakɛ yiwalaheremɔ bɛ mɔ kroko mli; ni asaŋ gbɛi kroko hu bɛ ŋwɛi shishi ni akɛhã gbɔmɛi ni sa akɛ atsɔ̃ nɔ ahere wɔyiwala.”

Romabii 12:5

nakai nɔŋŋ wɔyi pii nɛɛ gbɔmɔtso kome ji wɔ yɛ Kristo mli, ni wɔteŋ mɔ fɛɛ mɔ lɛ enaanyohenɔ ji lɛ,

Romabii 6:22

Shi agbɛnɛ lɛ, ni akpɔ̃ nyɛ yɛ esha dɛŋ ni nyɛtsɔ̃mɔ Nyɔŋmɔ tsuji nɛɛ, nɔ ni nyɛnaa kɛjɛɔ mli ji krɔŋkrɔŋfeemɔ, ni enaagbee ji naanɔ wala.

Romabii 7:4

Minyɛmimɛi, nakai nɔŋŋ nyɛ hu atsɔ̃ Kristo gbɔmɔtso lɛ nɔ ahã nyɛgboi yɛ Mla lɛ gbɛfaŋ, ni nyɛtsɔ̃mɔ mɔ kroko ni ji mɔ ni atee lɛ shi kɛjɛ gbohii ateŋ lɛ nii, koni wɔwo yibii wɔhã Nyɔŋmɔ.

1 Korintobii 10:16

Jɔɔmɔ kpulu lɛ ni wɔjɔɔ lɛ, ani jeee Kristo lá lɛ naanyobɔɔ lɛ ni? Aboloo ni wɔkumɔɔ lɛ, ani jeee Kristo gbɔmɔtso lɛ naanyobɔɔ lɛ ni?

1 Korintobii 12:12

Shi tamɔ bɔ ni gbɔmɔtso lɛ ekome ni, shi ehiɛ henii pii, ni gbɔmɔtso lɛ henii pii lɛ fɛɛ gbɔmɔtso kome ni lɛ, nakai nɔŋŋ hu ji Kristo.

1 Korintobii 12:27

Shi nyɛ lɛ, Kristo gbɔmɔtso ji nyɛ; ni nyɛteŋ mɔ fɛɛ mɔ lɛ ehenii lɛ eko ji lɛ.

2 Korintobii 13:8

Ejaakɛ wɔnyɛŋ nɔ ko wɔfee wɔshi anɔkwale lɛ, shi moŋ kɛ nɔ ko wɔɔfee lɛ, wɔɔfee wɔhã anɔkwale lɛ.

2 Korintobii 9:10

Shi mɔ ni kɛ dumɔwui keɔ dulɔ ni ekɛ aboloo hu hãa yeli lɛ, eeehã nyɛ dumɔwui ni afa, ni eeehã nyɛjalɛ yibii lɛ hu ashwere;

Galatabii 5:22

Shi Mumɔ lɛ yibii ji suɔmɔ, miishɛɛ, hejɔlɛ, tsuishitoo, mlihilɛ, ejurɔfeemɔ, hemɔkɛyeli,

Efesobii 5:9

Ejaakɛ la lɛ yibii jeɔ kpo yɛ ekpakpafeemɔ kɛ jalɛ kɛ anɔkwale fɛɛ mli.

Filipibii 1:11

ni nyɛyimɔ obɔ̃bɔ̃ kɛ jalɛ yibii ni awoɔ kɛtsɔ̃ɔ Yesu Kristo nɔ lɛ, hã Nyɔŋmɔ anunyam kɛ yijiemɔ.

Filipibii 4:13

Minyɛɔ nii fɛɛ mifeɔ yɛ mɔ ni wajeɔ mi lɛ mli.

Filipibii 4:17

Jeee akɛ nikeenii mitaoɔ; shi moŋ miitao yibii ni baahã nyɛkɔntaa lɛ afa.

Kolosebii 1:10

Koni nyɛnyiɛ bɔ ni sa Nuŋtsɔ lɛ ni asa ehiɛ kwraa ni nyɛwo yibii yɛ nitsumɔ kpakpa fɛɛ nitsumɔ kpakpa mli. Enɛ ahã nyɛshwere yɛ Nyɔŋmɔ he nilee mli

Kolosebii 1:6

Sanekpakpa lɛ eshɛ nyɛŋɔɔ tamɔ bɔ nɔŋŋ ni eyɔɔ yɛ jeŋ muu lɛ fɛɛ mli, ni eewo yibii ni eeshwere, tamɔ bɔ ni efeɔ yɛ nyɛ hu nyɛteŋ kɛjɛ gbi nɔ ni nyɛnu ni nyɛna nyɛle Nyɔŋmɔ dromɔ lɛ yɛ anɔkwale mli lɛ.

Yakobo 1:17

Dromɔnii kpakpai fɛɛ kɛ nikeenii ni hi kɛwula shi fɛɛ lɛ; ŋwɛi ejɛɔ ekpelekeɔ shi, kɛjɛɔ ŋwɛi lai aTsɛ lɛ ŋɔɔ, mɔ mli ni tsakemɔ loo duŋ ni tsakemɔ kɛbaa bɛ lɛ.

1 Petro 2:4

Lɛ eŋɔɔ nyɛba akɛ tɛ ni hiɛ kã ni gbɔmɛi ekwa lɛ moŋ, shi Nyɔŋmɔ lɛ, lɛ lɛ ehala lɛ ni ejara wa yɛ ehiɛ lɛ.

2 Petro 3:18

Shi nyɛshwerea yɛ wɔNuŋtsɔ kɛ yiwalaherelɔ Yesu Kristo dromɔ kɛ nilee lɛ mli. Lɛ nɔŋŋ aŋɔ anunyam ahã agbɛnɛ kɛ daa. Amen!