Yohane 15:25 - ŊMALƐ KRƆŊKRƆŊ LƐ

²⁵ Shi afee enɛ bɔ ni afee ni wiemɔ ni aŋma yɛ amɛMla lɛ mli akɛ, ‘Amɛnyɛ mi yakatswaa’ lɛ ana aba mli.

Ṅmãle̱ Kroṅkroṅ Le̱

²⁵ Ši beni afe ni wiemo̱ le̱ ní aṅmã ye̱ ame̱mla le̱ mli ake̱: “Ame̱nye̱mi yakatſā” le̱ aná aba mli. Lal. 69,5.

Yohane 15:25 ပူးပေါင်းရင်းမြစ်များ

Lalai 109:3

Amɛhetsɛ̃ wiemɔi efo sa ewo mihe; amɛtua mi yakatswaa ni mifeko nɔ ko.

Lalai 35:19

Kaahã mɛi ni nyɛɔ mi yakatswaa lɛ miiye mi yɔɔ; ni kaahã mɛi ni he tsɛ̃ɔ mi yakatswaa lɛ mikpɛkpɛɛ mi.

Lalai 69:4

Mɛi ni he tsɛ̃ɔ mi yakatswaa lɛ, amɛyi fa fe miyiteŋ tsɔi; mihenyɛlɔi ni maleɔ mihe, mɛi ni taoɔ mihiɛ amɛkpãtã lɛ amɛyi fa. Nɔ ni mijuko lɛ aso esa akɛ mato najiaŋ lo?

Mateo 10:8

Nyɛtsaa helatsɛmɛi, nyɛtea gbohii ashi, nyɛhãa kpitiyelɔi ahe atsea, nyɛfamɔa mumɔi fɔ̃ji; yaka nyɛna, yaka nyɛkɛhãa.

Luka 24:44

Ni ekɛɛ amɛ akɛ, “Enɛɛmɛi ji miwiemɔi ni mikɛ nyɛ wie be ni mikɛ nyɛ yɔɔ lolo lɛ, akɛ ja nibii fɛɛ ni aŋma yɛ Mose mla lɛ kɛ Gbalɔi lɛ kɛ Lalai lɛ amli yɛ mihe lɛ na ba mli.”

Yohane 10:34

Yesu here amɛ nɔ akɛ, “Ani aŋmako yɛ nyɛMla lɛ mli akɛ, ‘Mikɛɛ, nyɔŋmɔi ji nyɛ?’

Yohane 13:18

“Jeee nyɛ fɛɛ nyɛhe miwieɔ; mi lɛ mile mɛi ni mihala; shi moŋ bɔ ni afee ni nɔ ni aŋma lɛ aba mli akɛ, ‘Mɔ ni yeɔ midɛŋ aboloo lɛ, ewo enanetsitsi eshi mi.’

Yohane 19:36

Ejaakɛ afee nii nɛɛ, koni nɔ ni aŋma akɛ, “Akuŋ ewu ko” lɛ aba mli.

Romabii 3:19

Shi agbɛnɛ wɔle akɛ nibii fɛɛ ni Mla lɛ kɛɔ lɛ, mɛi ni yɔɔ Mla lɛ shishi lɛ ekɛwieɔ, koni mɔ ko mɔ ko akana naabu, ni jeŋ muu lɛ fɛɛ aye fɔ yɛ Nyɔŋmɔ hiɛ.

Romabii 3:24

ni akɛ edromɔ lɛ buɔ amɛ bem yaka kɛtsɔ̃ɔ kpɔ̃mɔ ni yɔɔ Kristo Yesu mli lɛ nɔ.

2 Korintobii 11:7

Aloo belɛ akɛ miba mihe shi koni awo nyɛnɔ, ejaakɛ mijaje Nyɔŋmɔ Sanekpakpa lɛ mitsɔ̃ɔ nyɛ yaka lɛ mifee esha?

Galatabii 2:21

Mikwaaa Nyɔŋmɔ dromɔ lɛ; ejaakɛ kɛ Mla nɔ jalɛ tsɔ̃ kɛba lɛ, belɛ Kristo lɛ yakatswaa egbo lɛ.

2 Tesalonikabii 3:8

Ni asaŋ wɔyeee mɔ ko ŋmaa yaka, shi moŋ wɔkɛ mɔdɛŋbɔɔ kɛ tɔlɛ tsuɔ nii nyɔɔŋ kɛ shwane bɔ ni afee ni wɔkafee jatsu wɔmiihã nyɛteŋ mɔ ko.

Kpojiemɔ 21:6

Ni ekɛɛ mi akɛ, “Agbe naa. Mi ji Alfa lɛ kɛ Omega lɛ, shishijee lɛ kɛ naagbee lɛ. Mɔ ni kumai yeɔ lɛ lɛ, mahã lɛ wala nubu lɛ mli nu lɛ eko yaka.

Kpojiemɔ 22:17

Ni Mumɔ lɛ kɛ Ayɛmforo lɛ kɛɔ akɛ, “Ba!” Ni mɔ ni nuɔ lɛ, ekɛɛ akɛ, “Ba!” Ni mɔ ni kumai yeɔ lɛ lɛ, eba, ni mɔ ni sumɔɔ lɛ, ebahe wala nu lɛ yaka.