Yohane 15:21 - ŊMALƐ KRƆŊKRƆŊ LƐ

²¹ Shi amɛkɛ enɛɛmɛi fɛɛ aaafee nyɛ yɛ migbɛi lɛ hewɔ; ejaakɛ amɛleee mɔ ni tsu mi lɛ.

Ṅmãle̱ Kroṅkroṅ Le̱

²¹ Ši ame̱aṅõ ene̱mei fẽ ame̱fenye ye̱ migbe̱i le̱ hewo̱; edšake̱ *ame̱lee moni tšũmi le̱. *16,3.

Yohane 15:21 ပူးပေါင်းရင်းမြစ်များ

Lalai 69:7

Bo ohewɔ ni abɔ mi ahora, ni mihiɛ egbo kpɔtɔɔ nɛɛ.

Yesaia 66:5

Nyɛboa Yehowa wiemɔ lɛ toi, nyɛ mɛi ni nyɛhe kpokpoɔ yɛ ewiemɔ lɛ naa lɛ. “Nyɛnyɛmimɛi ni miihi nyɛ, ni amɛkwa nyɛ yɛ migbɛi lɛ hewɔ lɛ, yeɔ nyɛ he fɛo amɛkɛɔ akɛ, ‘Nyɛwoa Yehowa hiɛ nyam akɛ ehere nyɛ, koni wɔna nyamɔ ni nyɛaanya lɛ.’ Shi amɛ moŋ ji mɛi ni amɛhiɛ aaagboi.

Mateo 10:18

Ni amɛkɛ nyɛ aaatee maŋtsɛmɛi kɛ lumɛi ahiɛ yɛ mihewɔ, koni no afee odase ahã amɛ kɛ jeŋmaji lɛ.

Mateo 10:22

Ni mɛi fɛɛ aaanyɛ nyɛ yɛ migbɛi lɛ hewɔ; shi mɔ ni hiɛɔ mli kɛyawulaa shi lɛ, aaahere eyiwala.

Mateo 10:39

Mɔ ni baa esusuma yi lɛ, eeelaaje lɛ; shi mɔ ni laajeɔ esusuma yɛ mihewɔ lɛ, enine aaashɛ nɔ.”

Mateo 24:9

Nakai be lɛ mli lɛ amɛaaŋɔ nyɛ amɛwo amanehulu mli, ni amɛaagbe nyɛ; ni migbɛi lɛ hewɔ lɛ jeŋmaji fɛɛ aaanyɛ nyɛ.

Mateo 5:11

“Ajɔɔ nyɛ, kɛji ajɛ nyɛ ni awa nyɛ yi ni amale awie nyɛhe efɔŋ fɛɛ efɔŋ yɛ mihewɔ lɛ,

Marko 13:13

Ni mɛi fɛɛ aaanyɛ nyɛ yɛ migbɛi lɛ hewɔ; shi mɔ ni hiɛɔ mli kɛwulaa shi lɛ, aaahere eyiwala.”

Luka 21:12

“Shi dani enɛɛmɛi fɛɛ aaaba lɛ, amɛaamɔmɔ nyɛ ni amɛaawa nyɛ yi ni amɛkɛ nyɛ aaahã ni akojo nyɛ yɛ kpeehei lɛ ni awo nyɛ tsuŋ, ni amɛaakpala nyɛ kɛatee maŋtsɛmɛi kɛ lumɛi ahiɛ yɛ migbɛi lɛ hewɔ.

Luka 21:17

ni mɛi fɛɛ aaanyɛ nyɛ yɛ migbɛi lɛ hewɔ.

Luka 6:22

“Ajɔɔ nyɛ, kɛji mɛi nyɛ nyɛ, ni amɛkɛ nyɛ tserɛ mli, ni amɛjɛ nyɛ ni amɛgbe nyɛgbɛi akɛ gbɛi fɔ̃ŋ yɛ Gbɔmɔ Bi lɛ hewɔ lɛ.

Yohane 15:24

Eji mitsuuu nitsumɔi ni mɔ ko mɔ ko tsuko eko dã yɛ amɛteŋ kulɛ, esha ko bɛ amɛhe; shi agbɛnɛ lɛ amɛna, ni kɛ̃lɛ amɛmiinyɛ mi kɛ miTsɛ fɛɛ.

Yohane 16:3

Ni amɛaafee enɛɛmɛi, ejaakɛ amɛleee Tsɛ lɛ ni amɛleee mi hu.

Yohane 17:25

Ataa Jalɔ, je lɛ leee bo, shi mi lɛ mile bo, ni mɛnɛɛmɛi le akɛ bo otsu mi;

Yohane 8:19

Kɛkɛ ni amɛbi lɛ akɛ, “Nɛgbɛ oTsɛ lɛ yɔɔ?” Yesu here nɔ akɛ, “Nyɛleee mi ni nyɛsaa nyɛleee miTsɛ; nyɛle mi jikulɛ, nyɛaale miTsɛ hu.”

Yohane 8:54

Yesu here nɔ akɛ, “Kɛji miwo mi diɛŋtsɛ mihiɛ nyam lɛ, minunyam lɛ jeee nɔ ko; miTsɛ ji mɔ ni woɔ mihiɛ nyam, mɔ ni nyɛkɛɔ akɛ nyɛNyɔŋmɔ ji lɛ lɛ,

Yohane 8:55

ni nyɛleko lɛ, shi mi lɛ mile lɛ; ni kɛji mikɛɛ akɛ mileee lɛ lɛ, matsɔ̃ amalelɔ tamɔ nyɛ; shi mile lɛ, ni miyeɔ ewiemɔ nɔ.

Bɔfoi 17:23

Ejaakɛ be ni mihoɔ ni mikwɛ nii ni nyɛjaa lɛ, mina afɔleshãa latɛ ko hu ni aŋma yɛ nɔ akɛ, ‘Nyɔŋmɔ ni aleee lɛ nɔŋ.’ No hewɔ lɛ, mɔ ni nyɛleee lɛ ni kɛ̃ lɛ nyɛjaa lɛ lɛ, lɛ nɔŋŋ ehe sane mijajeɔ mitsɔ̃ɔ nyɛ nɛɛ.

Bɔfoi 26:9

“Shi mi diɛŋtsɛ hu efee mi akɛ esa akɛ mafee nii pii kɛku Yesu Nazarenyo lɛ gbɛi lɛ naa;

Bɔfoi 3:17

“Ni agbɛnɛ, anyɛmimɛi, mile akɛ leee ni nyɛleee hewɔ ni nyɛfee, tamɔ nyɛnukpai lɛ nɔŋŋ;

Bɔfoi 4:17

Shi kɛ̃lɛ bɔ ni afee ni ekahehee tuutu ko dɔŋŋ yɛ mɛi lɛ ateŋ hewɔ lɛ, nyɛhãa wɔwoa amɛhe gbeyei, koni amɛkawie yɛ nɛkɛ gbɛi nɛɛ mli amɛmiitsɔ̃ɔ mɔ ko mɔ ko dɔŋŋ.”

Bɔfoi 5:41

Kɛkɛ ni amɛje akwaashɔŋ lɛ hiɛ amɛtee kɛ miishɛɛ, akɛ Yesu gbɛi lɛ hewɔ lɛ abu amɛ mɛi ni sa akɛ abɔ amɛ ahora.

Bɔfoi 9:14

ni biɛ hu tete ena hegbɛ kɛjɛ osɔfonukpai lɛ adɛŋ akɛ ebafimɔ mɛi fɛɛ ni tsɛɔ ogbɛi lɛ.”

Bɔfoi 9:16

Mibatsɔ̃ɔ lɛ amanehului abɔ ni sa akɛ ena yɛ migbɛi lɛ hewɔ.”

Romabii 1:28

Ni akɛni amɛbuuu akɛ esa akɛ amɛleɔ Nyɔŋmɔ lɛ, Nyɔŋmɔ hu ŋmɛɛ amɛhe ehã jwɛŋmɔ ni esaaa koni amɛfee nibii ni esaaa;

1 Korintobii 15:34

Nyɛhãa nyɛhiɛ akãa shi jogbaŋŋ, ni nyɛkafea esha; ejaakɛ nyɛteŋ mɛi komɛi leee nɔ ko nɔ ko yɛ Nyɔŋmɔ he. Miikɛɛ enɛ ni mikɛwo nyɛ hiɛgbele.

1 Korintobii 2:8

nilee ni je nɛɛ mli nɔyelɔi lɛ ateŋ mɔ ko mɔ ko leee lɛ; ejaakɛ amɛle kulɛ amɛsɛŋ anunyam Nuŋtsɔ lɛ,

2 Tesalonikabii 1:8

Ekɛ lalilɛi aaatɔ owele yɛ mɛi ni leee Nyɔŋmɔ kɛ mɛi ni booo wɔNuŋtsɔ Yesu Kristo Sanekpakpa lɛ toi lɛ anɔ.

1 Yohane 3:1

Nyɛkwɛa suɔmɔ bɔ sɔŋŋ ni Tsɛ lɛ kɛsumɔ wɔ, akɛ atsɛ wɔ Nyɔŋmɔ bii, ni nakai wɔji! Enɛ hewɔ lɛ, je lɛ leee wɔ, ejaakɛ eleee Nyɔŋmɔ.

3 Yohane 1:7

Ejaakɛ Kristo gbɛi lɛ hewɔ amɛtee, ni amɛheee nɔ ko yɛ jeŋmajiaŋbii lɛ adɛŋ.

Kpojiemɔ 2:3

Ni ohiɛ mli, ni oŋmɛɔ otsui shi yɛ migbɛi lɛ hewɔ, ni etɔko bo.